في ناس كل ما تكبر تتهف في دماغها...ويتسلط عليها التفاهة وقلة العقل...وفي ناس كل ما تكبر تحلوَ...ودماغها توسع ومداركها تبقى ثلاثية الابعاد.
لما يبدأ الاهتمام يقل برضا الناس...اعرف انك كبرت....ولما اصرارك على فعل كل ما يعجب الناس يختفى...انت كده تمام.
اعرف انك كبرت وعقلت لما....
- رضا اهلك يبقى اهم ما يشغلك
- الوقت لوحدك من غير دوشة يبقى برقبة الخروج مع شلة كبيرة
- تحس ان الوقت مع اولادك وهم اطفال محدود اوي...وتستغله في التقرب لهم...ومشاركتهم لعبهم البسيطة
- الرفاهية تتعدى مرحلة الروج الغالي والجزمة الشيك...الرفاهية هي النوم بلا قلق!
- تلاحظ الشعر الابيض ويبقى مش فارق كتير...خصوصا لو واحدة ست...عادي...شوية شعر اتغير لونهم!
- مشوار الشوبينج مع اصحابك بقيتى تفضليه لوحدك...
- تحسبى الاكل برة ده ممكن تجيبي بيه كام فرخة تقعد معاكى الشهر ده! وتفضلي الفراخ عن الراحة!
- الخروج بالنسبة لك يبقى صحبة حلوة اكتر من مكان شيك وحلو...مع الصحبة الصح القعدة في اي مكان حتى لو في بيت تبقى احلى من الخروجة الغالية.
- تقييمك على الاشخاص بيتعدى خطوط الشكل والهدوم واختيار اللالفاظ...بندور على الشخص الجدع...اللى يصون غيبتك...اللى يحفظ سرك...اللى يسدى لك النصيحة الصح حتى لو مؤلمة.
- تلتمس الاعذار اكتر من قبل كده
- تسكت اكتر ما تتكلم!
- تدارى ذكائك! لو فاهم حوار حواليك بتصمم تعمل عبيط وتخلي كل الناس تفهم انك ساذج!
- الطلاق يفقد رهبته!
- الاستقلال المادى يشغل بالنا اكتر من الحرية في الذهاب والمجئ!
- تترفع عن التلقيح بالكلام....وتديهم في دماغهم عادى وكله على عينك يا تاجر!
- نبطل نتكسف نسأل عن سعر حاجة...او نظهر انها غالية اكثر من قيمتها الحقيقية!
- بنحاول نعمل حلويات في البيت...معرفش ده ايه علاقته بالكبر...ولكن ملاحظة الستات اللى بتكبر شوية بتصمم تحاول تعمل حلويات اكتر في البيت :D
- عذرا...ولكن...اللى بيكبر في السن مش بيتكسف يشتم...بيكون في شعور ان الشتيمة بتعبر عن المشاعر والافكار اكتر من الكلام الطبيعي....ولا تفسير لذلك حقيقة!
- ناكل سبانخ وكوسة علشان مفيدة لبشرتنا والصحة اللى هاتروح!
- نبدا نفكر في مستقبل اولادنا....اعرف ستات بدات تشيل لاطفالهم كريستال وحلل - علشان لما يكبروا ويتجوزوا!
- قعدة الفيلم مع طبق فيشار لا تضاهى!
- مع كل مرة تعيد فيها ترتيب اصحابك ومعارفك...اعرف انك بتكبر
- تهتم بتدوين ذكرياتك...بصور...او كتابة...او بالتدوين...انت بتكبر...وعايز تحتفظ بالاوقات الحلوة والوحشة كمان...الحزن والخذل بقى جزء من تكوينك وبترفض تهرب منه!
- تقتنع ان الغالي تمنه فيه...وشنطة واحدة غالية وعملية...احسن من خمس شنط رخيصة!
- خسارة الناس لا تتعد خسارة بعض الجنيهات! اللى تكتشف انه ماينفعش يبقى صاحبك وبمنتهى البساطة تقطع علاقتكم...بلا اي اهتمام او تفكير...طالما وصلت للقرار ده...مش بتندم! الدنيا مليانة ناس...مش لازم نعرف ناس عرة! مهما طال عمر الصداقة!
- شكل الحب بيختلف جدا...الشكل الخارجى بيطلع من المعادلة...الاهتمام والاحتواء والحنان والطيبة والكرم بيحددوا شكل العلاقة بشكل اكبر بكتير جدااااا عن الحاجات اللى كنا بنهتم بيها زمان!
- نبطل نزعل على فيلم او خروجة فاتتنا...تتعوض عادي مش مهم!
- نبطل نخاف من الحقن والدكاترة!!!!
- نحاول نسعد نفسنا بنفسنا ...بلا اي توقعات من اشخاص اخرين...حتى اقرب الناس!
- لما تمرضى وتتعبى ويبقى اقل مجهود بيمثل عبئ كبير...ومع ذلك تقومى وتعملي كل حاجة بلا شكوى وتضرر
- معظم اللى بيعدوا الاربعين من الستات بيشربوا سجاير! :D
- بيصعب عليكي البنات الصغيرة اللى بتحب...لانك خلاص عارفة اخر العلاقة ايه من قبل ما تبدأ...انتى شايفة الفخ...وشايفة العما اللى في عينهم!
- بننسى ندعى لنفسنا!
- التجمع العائلي بقى له بهجة واشتياق!
- الصداقة بتتعدى مرحلة "اسمعك"...ووصلت لمرحلة "وسعى كده هاتصرف لك انا"
- نوصل لليقين ان العصبية والنرفزة وحرق الدم هايعلى الضغط ومحدش هاينفعنا....فنسيب الدنيا تولع عادي...المهم السلام الداخلي والضغط المظبوط!
- تيقن ان الشكوى لا جدوى منها....يبقى قلبك مقسوم اجزاء...وتحافظى على واجهة مثالية..هاتشتكى ليه؟ هايعملوا لك ايه؟؟ محدش بقى يستحمل حزن وتعاسة...محدش بيستوعب ده! وفري تعاستك لاقرب اصحابك...التعساء رفقاء الدرب!
احنا بنكبر...مفيش اي حاجة تزعل في ده...بالعكس...كل فترة بنوصل لمرحلة النضج والاستقرار العقلي والنفسي...
واكدبوا بخصوص اعماركم عادي ... احنا لسه فينا جزء تافه برضه!!
ريم اسامة
لما يبدأ الاهتمام يقل برضا الناس...اعرف انك كبرت....ولما اصرارك على فعل كل ما يعجب الناس يختفى...انت كده تمام.
اعرف انك كبرت وعقلت لما....
- رضا اهلك يبقى اهم ما يشغلك
- الوقت لوحدك من غير دوشة يبقى برقبة الخروج مع شلة كبيرة
- تحس ان الوقت مع اولادك وهم اطفال محدود اوي...وتستغله في التقرب لهم...ومشاركتهم لعبهم البسيطة
- الرفاهية تتعدى مرحلة الروج الغالي والجزمة الشيك...الرفاهية هي النوم بلا قلق!
- تلاحظ الشعر الابيض ويبقى مش فارق كتير...خصوصا لو واحدة ست...عادي...شوية شعر اتغير لونهم!
- مشوار الشوبينج مع اصحابك بقيتى تفضليه لوحدك...
- تحسبى الاكل برة ده ممكن تجيبي بيه كام فرخة تقعد معاكى الشهر ده! وتفضلي الفراخ عن الراحة!
- الخروج بالنسبة لك يبقى صحبة حلوة اكتر من مكان شيك وحلو...مع الصحبة الصح القعدة في اي مكان حتى لو في بيت تبقى احلى من الخروجة الغالية.
- تقييمك على الاشخاص بيتعدى خطوط الشكل والهدوم واختيار اللالفاظ...بندور على الشخص الجدع...اللى يصون غيبتك...اللى يحفظ سرك...اللى يسدى لك النصيحة الصح حتى لو مؤلمة.
- تلتمس الاعذار اكتر من قبل كده
- تسكت اكتر ما تتكلم!
- تدارى ذكائك! لو فاهم حوار حواليك بتصمم تعمل عبيط وتخلي كل الناس تفهم انك ساذج!
- الطلاق يفقد رهبته!
- الاستقلال المادى يشغل بالنا اكتر من الحرية في الذهاب والمجئ!
- تترفع عن التلقيح بالكلام....وتديهم في دماغهم عادى وكله على عينك يا تاجر!
- نبطل نتكسف نسأل عن سعر حاجة...او نظهر انها غالية اكثر من قيمتها الحقيقية!
- بنحاول نعمل حلويات في البيت...معرفش ده ايه علاقته بالكبر...ولكن ملاحظة الستات اللى بتكبر شوية بتصمم تحاول تعمل حلويات اكتر في البيت :D
- عذرا...ولكن...اللى بيكبر في السن مش بيتكسف يشتم...بيكون في شعور ان الشتيمة بتعبر عن المشاعر والافكار اكتر من الكلام الطبيعي....ولا تفسير لذلك حقيقة!
- ناكل سبانخ وكوسة علشان مفيدة لبشرتنا والصحة اللى هاتروح!
- نبدا نفكر في مستقبل اولادنا....اعرف ستات بدات تشيل لاطفالهم كريستال وحلل - علشان لما يكبروا ويتجوزوا!
- قعدة الفيلم مع طبق فيشار لا تضاهى!
- مع كل مرة تعيد فيها ترتيب اصحابك ومعارفك...اعرف انك بتكبر
- تهتم بتدوين ذكرياتك...بصور...او كتابة...او بالتدوين...انت بتكبر...وعايز تحتفظ بالاوقات الحلوة والوحشة كمان...الحزن والخذل بقى جزء من تكوينك وبترفض تهرب منه!
- تقتنع ان الغالي تمنه فيه...وشنطة واحدة غالية وعملية...احسن من خمس شنط رخيصة!
- خسارة الناس لا تتعد خسارة بعض الجنيهات! اللى تكتشف انه ماينفعش يبقى صاحبك وبمنتهى البساطة تقطع علاقتكم...بلا اي اهتمام او تفكير...طالما وصلت للقرار ده...مش بتندم! الدنيا مليانة ناس...مش لازم نعرف ناس عرة! مهما طال عمر الصداقة!
- شكل الحب بيختلف جدا...الشكل الخارجى بيطلع من المعادلة...الاهتمام والاحتواء والحنان والطيبة والكرم بيحددوا شكل العلاقة بشكل اكبر بكتير جدااااا عن الحاجات اللى كنا بنهتم بيها زمان!
- نبطل نزعل على فيلم او خروجة فاتتنا...تتعوض عادي مش مهم!
- نبطل نخاف من الحقن والدكاترة!!!!
- نحاول نسعد نفسنا بنفسنا ...بلا اي توقعات من اشخاص اخرين...حتى اقرب الناس!
- لما تمرضى وتتعبى ويبقى اقل مجهود بيمثل عبئ كبير...ومع ذلك تقومى وتعملي كل حاجة بلا شكوى وتضرر
- معظم اللى بيعدوا الاربعين من الستات بيشربوا سجاير! :D
- بيصعب عليكي البنات الصغيرة اللى بتحب...لانك خلاص عارفة اخر العلاقة ايه من قبل ما تبدأ...انتى شايفة الفخ...وشايفة العما اللى في عينهم!
- بننسى ندعى لنفسنا!
- التجمع العائلي بقى له بهجة واشتياق!
- الصداقة بتتعدى مرحلة "اسمعك"...ووصلت لمرحلة "وسعى كده هاتصرف لك انا"
- نوصل لليقين ان العصبية والنرفزة وحرق الدم هايعلى الضغط ومحدش هاينفعنا....فنسيب الدنيا تولع عادي...المهم السلام الداخلي والضغط المظبوط!
- تيقن ان الشكوى لا جدوى منها....يبقى قلبك مقسوم اجزاء...وتحافظى على واجهة مثالية..هاتشتكى ليه؟ هايعملوا لك ايه؟؟ محدش بقى يستحمل حزن وتعاسة...محدش بيستوعب ده! وفري تعاستك لاقرب اصحابك...التعساء رفقاء الدرب!
احنا بنكبر...مفيش اي حاجة تزعل في ده...بالعكس...كل فترة بنوصل لمرحلة النضج والاستقرار العقلي والنفسي...
واكدبوا بخصوص اعماركم عادي ... احنا لسه فينا جزء تافه برضه!!
ريم اسامة
