قريت كذا مرة ان في عيد جواز اي اتنين - لطيف اوي انكوا تحاسبوا بعض بشياكة عن السنة اللى قبلها علشان تعرفوا زعلتوا من بعض في ايه وعلشان تفضلوا زي ما انتوا "سعداء" (محدش يشتم الله يخليكوا - اقروا معايا للاخر)
الفكرة ان كل طرف ما يواجهش الطرف التانى شفاهيا - يكتب ورقة...يعنى تكتبي ورقة ايه اللى ضايقك في جوزك السنة اللى فاتت وهوا كمان...تفتكروا دي هاتبقى طريقة مجدية؟ ولا خناقة؟؟
في عيد جوازك سربي العيال واعزميه بره على عشا رومانتيكي او تعملى عشا حلو وتلبسي حاجة لطيفة وتطفي النور وتتعشوا على ضوء الشموع وتشغلي موسيقى هادية ...اكتبي الورقة من قبلها ...اكتبيها في شكل جواب...هوا ممكن مايكتبش حاجة على فكرة - او ممكن يتكلم في وشك لا ورقة بقى ولا دياولو هايقولك احنا مش لسه بنحب بعض في مدرسة ثانوي!!
المهم...انا شخصيا معملتش الموضوع ده بس حاسه انه فكرة حلوة ...ودي فكرتي عن موضوع الجواب او الورقة دي هايبقى شكلها ايه.
اول حاجة بلاش تكتبيها في نقط ورا بعض علشان انتى مش بتكتبي ورقة طلبات الشهر!! المفروض انها ورقة لجوزك...او حبيبك سابقا!! حاولي متخليش الورقة عبارة عن تذكرة عبور لجحيم الحياة الزوجية : الملل!! يعنى مثلا ده نموذج الورقة الفاشلة:
- غير مهتم
- على طول برة البيت
- مش فارق معاك العيال
- مش بتخرجنا كتير
- لو خرجنا بتكون خروجة عند مامتك (ده لو مكتبتيش امك)
- على طول على الفيس بوك او مبحلق في الموبايل
- لما بتكلم مش بتسمعنى
....الخ
ده نموذج سوبر للورقة الفاشلة...مبدئيا لما يشوف الكلام ده هايركبه الدفاع ونفسه هاتتسد عن العشاء الرومانتيكي! استغلي فرصة انكوا لوحدكوا وحطي موود حلو وجواب احلى مكتوب فيه كل اللى انتى عايزاه بس بطريقة شيك!
ابدأى الكلام باسمه او صفته ...بلاش ترصى الكلام ورا بعض على طول...وبلاش صيغ زي "زوجي العزيز" او "والد اطفالي اعز ما املك" لانك لما تحطي له لقب ده بيبعده خطوة ولو اشرتي اليه بانه والد اطفالك فانتى حطيتي لقب والاطفال بينكوا...يعنى بعيد خطوتين!! ابدأي الجواب باسمه مجرد..او ب"حبيبي". وبدل ما توجهي له انتقاد صريح حاولي تدوري الكلام شوية وتقولي مميزات مش فيه علشان احتمال يحس على دمه كده! ودي صيغة مقترحة:
حبيبي (او بيسو) - حطي اسمه او اسم الدلع اللى كنتى بتقوليه اول الجواز او ايام الخطوبة وده هايحط بعض الدفئ مقدما وهايخليه غير متحفز!
حبيبي
كل سنة واحنا مع بعض ومبسوطين....كل سنة وانت وانا بنحب بعض وبنشوف اولادنا حوالينا...كل سنة وانت جنبي وسند ليا ومالي عليا حياتي (كده بقى جوزك ينجعص اوي ويحس برجولته ولما تقولي اولادنا مش اولادي او الاولاد,,,كده تحسسيه انكوا شركاء في الحياة ..وانك سعيدة معاه وانكوا واحد زي زمان)
انا عارفة انى عصبية وبزعق كتير واعصابي بتفلت منى بسرعة...اعذرني...انا متضايقة انى مش قادرة اهتم بيك زي الاول...اولادنا بياخدوا مجهود كبير ووقت ولما بيتبقى وقت ليك بكون تعبانة...بس انت اكيد مقدر انهم صغيرين ومقدرش اقصر معاهم لانهم امانة في رقبتنا....وانا عارفة انك مستحمل اهتمامي بيهم اكتر من اهتمامي بيك حبيبي (كده بقى ممكن يشيل شوية من عليكي علشان يتبقى شوية وقت تدلعي فيه...بس وحيااااة ابوكي لو عمل كده وساعدك حاولي فعلا تهتمي بيه شوية حتى لو ضحك على الدقون)
بزعل اوي لما بتقولي "زمان كنتى" تعليقا على شكلي او اسلوبي علشان بحس انى كبرت وعجزت وانك مبقتش شايف انى جميلة او interesting ومش شايف في اي جاذبية زي ما كنت شايف الاول....بتضايق اوي لما تقولي "انتى مش مهتمة بنفسك" ...انا مبقتش مهتمة بيك زي الاول وانت اهم واحد عندي...فهاهتم بنفسي امتى ؟ متزعلش منى وفعلا هاحاول السنة دي تحس باختلاف بس انت شجعنى وخليك محسسني دايما انى جميلة في عينك مهما كان ( بصى يا بنتى...الراجل مايكرهش حاجة قد ما بيكره الكبر! يعنى مش لما يقولك انتى مش مهتمة بنفسك تقومي قايلة له امال الكرش اللى عندك ده يطلع ايه! لما تيجي منك انتى هوا مش هايقولها لك! وبعدين خلينا صرحاء...ما فعلا احنا اتبهدلنا اوي وسبنا نفسنا لتيار البهدلة بعد ما اتجوزنا)
يا ترى لما بكلمك ومش بتاخد بالك ده بيكون زعل منى ولا انت بتفكر في مشاكل الشغل ومش عايز تزعلني ولا ايه؟ انا عارفة انت قد ايه بتتعب في شغلك علشانا...انا فعلا بدعيلك كتير ان ربنا يخليك لينا على طول (بصى يا ستي هوا بعد كده هاينتبه لك - بس ممكن برضه في احيان اخرى تتكلمى ولا ياخد باله ... مفيش داعي تبهدليه تانى....سيبيه وابقى كلميه وقت تانى...تجنبا لعصبيته)
فاكر شهر العسل؟ فاكر الاوتيل اللى كنا فيه؟ فاكر الصور بتاعتنا؟ فاكر كنا بنحب بعض ازاي؟ تعرف؟ انا حاسة انى بحبك اضعاف ما كنت بحبك ساعتها...كنت عارفة انك الراجل الوحيد اللى اقدر اعيش معاه وفعلا اثبتت لي الايام (مش لازم ترزعيها له صريحة انه مش بياخدك فسح مختلفة عن بيت امه ....ومبرووووك عليكي اجازة مفاجاة ويك اند في اي اوتيل)
واخر حاجة احب اقولك انى مش بكتب الورقة دي علشان اقول عيوبك...انا بس بفكرك انى بحبك وبموت فيك:)
امضى بقى الورقة باي حاجة غير "زوجتك الحبيبة" او "المخلصة للابد" او خيالك المريض يخليكي تكتبي "ام عيالك"
بلاش تحطي القاب خااااااااااالص لان فعلا ده بيحط مسافة ....امضى الورقة بحاجة تضحك علشان دي تبقى اخر انطباع عنده...امضى باسم دلع هوا بس اللى كان بيقولوه حتى لو كان خادش للحياء :) او امضى بحاجة بتضحك زي "المزة" او مثلا "حبيبتك غصب عنك" او ممكن كمان "الحب الحب"...كده يعنى - ابدعي شوية :)
وفي اخر الورقة اكتبي: "ملحوظة: افتح درج المكتب الاخير" المفاجأت ساعات كتير بيكون لها مفعول السحر...طلعي القرشين اللى مقلباهم من مصروف البيت للطوارئ وهاتي ليه هدية شخصية صغيرة ... ممكن دبلة جديدة او ماديلية فضة او محفظة حلوة...اي حاجة يكون بيستخدمها كل يوم بشكل دائم علشان يفضل فاكرك على طول (او لحد ما تقدم شوية ويتعود عليها)
وبما ان جوزي بدأ يقرا البتاعة دي فاحب اقوله : يا حياتي انا مش هاكتب ورقة علشان انت مفيكش عيوب خالص...كفاية والله انك مستحمل كائن زيي عايش معاك في نفس ذات البيت :)))) ومعلش يا حبيبي المؤمن مصاب
http://www.facebook.com/groups/329904227056535/
ريم اسامة
المهم...انا شخصيا معملتش الموضوع ده بس حاسه انه فكرة حلوة ...ودي فكرتي عن موضوع الجواب او الورقة دي هايبقى شكلها ايه.
اول حاجة بلاش تكتبيها في نقط ورا بعض علشان انتى مش بتكتبي ورقة طلبات الشهر!! المفروض انها ورقة لجوزك...او حبيبك سابقا!! حاولي متخليش الورقة عبارة عن تذكرة عبور لجحيم الحياة الزوجية : الملل!! يعنى مثلا ده نموذج الورقة الفاشلة:
- غير مهتم
- على طول برة البيت
- مش فارق معاك العيال
- مش بتخرجنا كتير
- لو خرجنا بتكون خروجة عند مامتك (ده لو مكتبتيش امك)
- على طول على الفيس بوك او مبحلق في الموبايل
- لما بتكلم مش بتسمعنى
....الخ
ده نموذج سوبر للورقة الفاشلة...مبدئيا لما يشوف الكلام ده هايركبه الدفاع ونفسه هاتتسد عن العشاء الرومانتيكي! استغلي فرصة انكوا لوحدكوا وحطي موود حلو وجواب احلى مكتوب فيه كل اللى انتى عايزاه بس بطريقة شيك!
ابدأى الكلام باسمه او صفته ...بلاش ترصى الكلام ورا بعض على طول...وبلاش صيغ زي "زوجي العزيز" او "والد اطفالي اعز ما املك" لانك لما تحطي له لقب ده بيبعده خطوة ولو اشرتي اليه بانه والد اطفالك فانتى حطيتي لقب والاطفال بينكوا...يعنى بعيد خطوتين!! ابدأي الجواب باسمه مجرد..او ب"حبيبي". وبدل ما توجهي له انتقاد صريح حاولي تدوري الكلام شوية وتقولي مميزات مش فيه علشان احتمال يحس على دمه كده! ودي صيغة مقترحة:
حبيبي (او بيسو) - حطي اسمه او اسم الدلع اللى كنتى بتقوليه اول الجواز او ايام الخطوبة وده هايحط بعض الدفئ مقدما وهايخليه غير متحفز!
حبيبي
كل سنة واحنا مع بعض ومبسوطين....كل سنة وانت وانا بنحب بعض وبنشوف اولادنا حوالينا...كل سنة وانت جنبي وسند ليا ومالي عليا حياتي (كده بقى جوزك ينجعص اوي ويحس برجولته ولما تقولي اولادنا مش اولادي او الاولاد,,,كده تحسسيه انكوا شركاء في الحياة ..وانك سعيدة معاه وانكوا واحد زي زمان)
انا عارفة انى عصبية وبزعق كتير واعصابي بتفلت منى بسرعة...اعذرني...انا متضايقة انى مش قادرة اهتم بيك زي الاول...اولادنا بياخدوا مجهود كبير ووقت ولما بيتبقى وقت ليك بكون تعبانة...بس انت اكيد مقدر انهم صغيرين ومقدرش اقصر معاهم لانهم امانة في رقبتنا....وانا عارفة انك مستحمل اهتمامي بيهم اكتر من اهتمامي بيك حبيبي (كده بقى ممكن يشيل شوية من عليكي علشان يتبقى شوية وقت تدلعي فيه...بس وحيااااة ابوكي لو عمل كده وساعدك حاولي فعلا تهتمي بيه شوية حتى لو ضحك على الدقون)
بزعل اوي لما بتقولي "زمان كنتى" تعليقا على شكلي او اسلوبي علشان بحس انى كبرت وعجزت وانك مبقتش شايف انى جميلة او interesting ومش شايف في اي جاذبية زي ما كنت شايف الاول....بتضايق اوي لما تقولي "انتى مش مهتمة بنفسك" ...انا مبقتش مهتمة بيك زي الاول وانت اهم واحد عندي...فهاهتم بنفسي امتى ؟ متزعلش منى وفعلا هاحاول السنة دي تحس باختلاف بس انت شجعنى وخليك محسسني دايما انى جميلة في عينك مهما كان ( بصى يا بنتى...الراجل مايكرهش حاجة قد ما بيكره الكبر! يعنى مش لما يقولك انتى مش مهتمة بنفسك تقومي قايلة له امال الكرش اللى عندك ده يطلع ايه! لما تيجي منك انتى هوا مش هايقولها لك! وبعدين خلينا صرحاء...ما فعلا احنا اتبهدلنا اوي وسبنا نفسنا لتيار البهدلة بعد ما اتجوزنا)
يا ترى لما بكلمك ومش بتاخد بالك ده بيكون زعل منى ولا انت بتفكر في مشاكل الشغل ومش عايز تزعلني ولا ايه؟ انا عارفة انت قد ايه بتتعب في شغلك علشانا...انا فعلا بدعيلك كتير ان ربنا يخليك لينا على طول (بصى يا ستي هوا بعد كده هاينتبه لك - بس ممكن برضه في احيان اخرى تتكلمى ولا ياخد باله ... مفيش داعي تبهدليه تانى....سيبيه وابقى كلميه وقت تانى...تجنبا لعصبيته)
فاكر شهر العسل؟ فاكر الاوتيل اللى كنا فيه؟ فاكر الصور بتاعتنا؟ فاكر كنا بنحب بعض ازاي؟ تعرف؟ انا حاسة انى بحبك اضعاف ما كنت بحبك ساعتها...كنت عارفة انك الراجل الوحيد اللى اقدر اعيش معاه وفعلا اثبتت لي الايام (مش لازم ترزعيها له صريحة انه مش بياخدك فسح مختلفة عن بيت امه ....ومبرووووك عليكي اجازة مفاجاة ويك اند في اي اوتيل)
واخر حاجة احب اقولك انى مش بكتب الورقة دي علشان اقول عيوبك...انا بس بفكرك انى بحبك وبموت فيك:)
امضى بقى الورقة باي حاجة غير "زوجتك الحبيبة" او "المخلصة للابد" او خيالك المريض يخليكي تكتبي "ام عيالك"
بلاش تحطي القاب خااااااااااالص لان فعلا ده بيحط مسافة ....امضى الورقة بحاجة تضحك علشان دي تبقى اخر انطباع عنده...امضى باسم دلع هوا بس اللى كان بيقولوه حتى لو كان خادش للحياء :) او امضى بحاجة بتضحك زي "المزة" او مثلا "حبيبتك غصب عنك" او ممكن كمان "الحب الحب"...كده يعنى - ابدعي شوية :)
وفي اخر الورقة اكتبي: "ملحوظة: افتح درج المكتب الاخير" المفاجأت ساعات كتير بيكون لها مفعول السحر...طلعي القرشين اللى مقلباهم من مصروف البيت للطوارئ وهاتي ليه هدية شخصية صغيرة ... ممكن دبلة جديدة او ماديلية فضة او محفظة حلوة...اي حاجة يكون بيستخدمها كل يوم بشكل دائم علشان يفضل فاكرك على طول (او لحد ما تقدم شوية ويتعود عليها)
وبما ان جوزي بدأ يقرا البتاعة دي فاحب اقوله : يا حياتي انا مش هاكتب ورقة علشان انت مفيكش عيوب خالص...كفاية والله انك مستحمل كائن زيي عايش معاك في نفس ذات البيت :)))) ومعلش يا حبيبي المؤمن مصاب
http://www.facebook.com/groups/329904227056535/
ريم اسامة
No comments:
Post a Comment