زي ما قلت في مقال سابق ان مفيش حد راضي عن شكله او هيئته ويتمنى يكون في شكل مختلف (مش شرط شكل افضل - انا قلت شكل مختلف)
القصير عايز يبقى طويل والنحيف عايز يبقى مربرب شوية وفيه الرمق...والطويل اوي عايز يبقى متوسط الطول...بس يجي في اول الطابور الناس التخينة
التخن من الناحية الصحية خطر ومفيش داعي منه وغلط على كل حاجة بداية من الضغط مرورا بالقلب والمفاصل والرقبة ونهاية بالحالة النفسية !
بس هيا الحالة النفسية دي اللى بتخلي التخين يحاول يخس...والحالة النفسية هي ناتج المجتمع المحيط بالانسان الزائد وزنه.
زي ما احنا عارفين في مجتمعنا الجميل السكر معظم الناس مؤدبة وبتراعي شعور الاخرين وبيشوفوا الحلو بس في كل الناس وبتغاضوا عن العيوب او النواقص.. (استغفر الله العظيم سامحنى يا رب)
انا قلت الحالة النفسية بتخلي التخين "يحاول" يخس....الحقيقية هي اللى بتخليه "يتمنى"يخس ولكن من الاكتئاب والاحباط واليأس المفروض عليه بيخليه ياكل اكتر واكتر وبالتالي هايتخن اكتر وفي الاخر يستخبى من الناس!
ده اللى بيحصل!
لما كل الاصحاب يقولوا لصاحبهم اللى وزنه زاد في كل مرة وفي كل مناسبه انه لازم ياخد باله بقى....بقى مهمل في نفسه ليه...ويقترحوا عليه نصائح الدايت الذهبية العشرة. على فكرة هوا عارف النصائح دي اكتر من اصحابه...ده ممكن يعمل دكتوراه في الصح والغلط وايه احسن الانظمة الغذائية...ولكن هو مش قادر!
الستات اكثر قسوة وقبح من الرجالة....الستات بدهائهم وغيرتهم الطبيعية من بعض ما بيصدقوا واحدة فيها عيب (من وجهة نظرهم) وكله يطلع السكاكين ويقطع فيها....ولو البنت سنها صغير كل الستات الكبيرة اللى في العيلة هاتشرحها استنادا انها متقدرش ترد عليهم لفرق السن...وتقارن بين البنت وباقي بنات العيلة في وشها كده عادي كنوع من التحفيز!!! لو ستات العيلة متغاظين من ام البنت في اي حاجة هايطلعوا كل عقدهم على المسكينة الصغيرة...وسم متغلف بعسل زي "انا زي ماما يا حبيبتي اوعي تزعلي" فتقوم واحدة قرشانة تانية تغني معاها "تزعل من ايه..يا بخت من بكانى وبكى عليا ولا ضحكني وضحك الناس عليا" (بقى فيها كمان ضحك الناس عليها وبيتضرب عليها الامثال!!)...ولو البنات اصحاب برضه مش هايفوتوا يوم من غير ما ينبهوها "احنا اخوات وخايفين عليكي" ولو البنت مش متجوزة هايفهموها انها مش هاتتجوز كده ولو هيا متجوزة يقولوا لها لازم تملي عين جوزك ما انتى شايفة الشوارع مليانة بنات رفيعة ولابسين ملزق وهوا بني ادم والرجالة ضعيفة ومش هايبقى بيغض بصره بره البيت وجوا!! ولو الست مخلفة وتخنت بعد الخلفة هايقولوا لها مليون مثال عن ستات نزلوا وزن الحمل الزائد كله في شهرين بس من بعد الولادة ولو الست بترضع طبيعي هايقرفوها كل ما يشوفوا وشها ان الرضاعة ملهاش علاقة بالرجيم. ولو الست مخلفة طفل واحد بس هايقطعوا فيها ويزنوا على فكرة انها لسه خلصتش خلفة (هما قرروا انها لازم تخلف تانى - هيا بره المعادلة اصلا) ومش هاينفع تحمل وهيا تخينة ولو حصل حرام عليها صحتها وضهرها اللى هايتفرتك من الوزن!
لو ست رفيعة وبنتها وزنها زائد هايحكموا عليها انها ام وحشة وحرام عليها البنت لسه صغيرة على التخن ده امال لما تكبر هاتعمل ايه...احنا كنا رفيعين واحنا صغيرين وبصى علينا دلوقتي مش عارفين نرجع زي الاول امال هيا هايبقى شكلها عامل ازاي...واكيد في المدرسة العيال بتضايقها وبطلي تعملي بطاطس محمرة وبلاش نشويات وبلاش سكريات وبلاش حلويات وبلاش زيت وسمنة وبلاش معجنات. زي ما يكون الام تخنت اولادها عن عمد...وفرحانة بيهم كده!
كل واحد فينا عنده اللى يتكسف منه....عنده اللى مخبيه وخايف حد يعرفه...وعنده اللى مش عايز حد يكلمه عنه...ليه بنطلع عقدنا على بعض؟
اللي قال ان الستات كائنات رقيقة هو كائن غلبان وساذج معندوش فكره عن الكنافة...الستات بتعرف "تمثل" انهم كائنات لطيفة ورقيقة وعندهم مشاعر وقلبهم رهيف وبسكوت خالص...بس الواقع حقيقي مؤلم والله...هما مش كده خالص - خصوصا مع بعض! مفيش ست بتراعي شعور التانية...والغيرة هي المفتاح. الست بتغير بطبيعتها من الاحلى منها والانجح والاكثر شعبيه والاكثر قبول اجتماعي... فمعظم الستات عايزة تحس انها احسن واجمل واكثر تميز. وسلاح الست لسانها اللى عايز قطعه ده.
وفي مواقف معروفة بتتعمل في الست التخينة من قرينتها الست اللى شايفة انها فراشة!
في عيد ميلاد الست التخينة لازم يجي لها هدية هدوم...صغيرة! مع التصميم انها تقيس الهدية علشان اتأكد ان اللون لايق عليكي!! ومش هاتمشي ولا يبقى عندها دم غير لما الست التخينة تقيس الهدوم ومتجيش مقاسها وتقولها باسغراب "ازاااي ده اكبر مقاس في المحل! اكيد لبستي فوق هدومك!" - يا حيوانة!
تيجي على غفلة واحدة تقولك "مبروك حبيبتي - انتى حامل في الشهر الكام!" اشرحي بقى انك مش حامل وان دي دهون على هيئة كرش! ولما تسكتي مش عارفة تقولي ايه هيا تعمل نفسها اتكسفت (ال يعنى) "سوري مش قصدي - اوعي تزعلي!"...هيا عارفة كويس اوي انك مش حامل ولا حاجة بس هوا سخافة كده وخلاص!
او حد يجي من ضهرك "دينا ازيك"...وتتلفتي تشرحي انك مش دينا ... فتعمل نفسها اتخضت..."ايه ده؟ شكلك من ضهرك دينا بالظبط".....دينا دي اللى ناقص لها زلومة واتقل من التلاجة!
اي تليفون ييجي من اي حد بقاله كتير مشافكيش "ها؟ اخبار الدايت اييه؟" - في اي مناسبة تلاقي اصحابك او معارفك حريصيين جدا يعرفوا هاتلبسي ايه (!!) ويعرضوا عليكي يسلفوكي السواريه بتاعهم..لو جه مقاسك!
وفي بعض الناس اللى نفوسهم سودا شويتين وجيتوا تتصوروا ... يحبوا اوي يصدروكي في الوش كده...ولو حاولتي تقفي ورا شوية لازم حد دمه خفيف يعلق "هاتستخبي ولا ايه؟"
في فكرة عامة ان التخين بيتقبل الاهانة عادي مش بتفرق...ماهو تخين بقى....ولو زعل من الغباوة اللى بتتقال في وشه يبقى حساس وبيتقمص! يعنى دلوقتي يا تبقى ملطشة يا تبقى قمَاص!!
ولو التخين عمل رجيم هايسمع شوية جمل من ناس واخدين توكيل السلبية في القطر العربي: على الله بس تلتزم المرة دي...رجيم؟ وده رجيم البيتزا بقى ولا ايه؟...ما قلتى كده مليوووون مرة ومفيش فايدة - انا رأيي تتعايشي بشكلك ده وخلاص. ولو رحتي لدكتور تغذية: ضحك على الدقون...هيا جت على حتة الورقة اللى هايديهالك؟ ما الورق عند كل الناس المهم الارادة...دكتور؟؟؟ وهايعملك ايه الدكتور؟ هايقفلك بؤك؟ انوى انتى بس بجد وخلاص....فلوسك كتير!
بصوا بقى يا معشر الناس التخينة...لو انت متضايق اقف مع نفسك وقفة صغيرة...وضروري تعرف ان الارادة موجودة بس ربنا يبارك في الناس الملزقة اللى بتحكم عليك من خلال شكلك اللى مش عاجبهم ...الموضوع محتاج صبر وشوية مقاومة وعند...وفي النهاية اقنع نفسك ان كل الحاجات الجميلة اللى هاتحرم نفسك منها مصيرها التواليت!! والاكل مش هايطير....ومفيش حاجة اسمها اتعود على شكلي او ان بقالك سنين طويلة بشكلك اللى مش عاجبك...لو انت متضايق اتغير...وانت تقدر تعمل كده. ولو مش قادر من نفسك الجأ لدكتور متخصص...مش عيب...بالعكس الدكتور بيساندك نفسيا ومعنويا وبيتابع معاك وعلى الاقل هاتخلي هدفك الكبير اوي المظلم اهداف صغيرة كتير تخلص واحد ورا التانى.
لو انت مش عايز تخس ومتعايش مع نفسك وفي سلام داخلي....عيش يا معلم ويابختك :)
كفاية رغي لحد كده :)
ريم اسامة
جروب الفيسبوك : https://www.facebook.com/groups/329904227056535/
بس هيا الحالة النفسية دي اللى بتخلي التخين يحاول يخس...والحالة النفسية هي ناتج المجتمع المحيط بالانسان الزائد وزنه.
زي ما احنا عارفين في مجتمعنا الجميل السكر معظم الناس مؤدبة وبتراعي شعور الاخرين وبيشوفوا الحلو بس في كل الناس وبتغاضوا عن العيوب او النواقص.. (استغفر الله العظيم سامحنى يا رب)
انا قلت الحالة النفسية بتخلي التخين "يحاول" يخس....الحقيقية هي اللى بتخليه "يتمنى"يخس ولكن من الاكتئاب والاحباط واليأس المفروض عليه بيخليه ياكل اكتر واكتر وبالتالي هايتخن اكتر وفي الاخر يستخبى من الناس!
ده اللى بيحصل!
لما كل الاصحاب يقولوا لصاحبهم اللى وزنه زاد في كل مرة وفي كل مناسبه انه لازم ياخد باله بقى....بقى مهمل في نفسه ليه...ويقترحوا عليه نصائح الدايت الذهبية العشرة. على فكرة هوا عارف النصائح دي اكتر من اصحابه...ده ممكن يعمل دكتوراه في الصح والغلط وايه احسن الانظمة الغذائية...ولكن هو مش قادر!
الستات اكثر قسوة وقبح من الرجالة....الستات بدهائهم وغيرتهم الطبيعية من بعض ما بيصدقوا واحدة فيها عيب (من وجهة نظرهم) وكله يطلع السكاكين ويقطع فيها....ولو البنت سنها صغير كل الستات الكبيرة اللى في العيلة هاتشرحها استنادا انها متقدرش ترد عليهم لفرق السن...وتقارن بين البنت وباقي بنات العيلة في وشها كده عادي كنوع من التحفيز!!! لو ستات العيلة متغاظين من ام البنت في اي حاجة هايطلعوا كل عقدهم على المسكينة الصغيرة...وسم متغلف بعسل زي "انا زي ماما يا حبيبتي اوعي تزعلي" فتقوم واحدة قرشانة تانية تغني معاها "تزعل من ايه..يا بخت من بكانى وبكى عليا ولا ضحكني وضحك الناس عليا" (بقى فيها كمان ضحك الناس عليها وبيتضرب عليها الامثال!!)...ولو البنات اصحاب برضه مش هايفوتوا يوم من غير ما ينبهوها "احنا اخوات وخايفين عليكي" ولو البنت مش متجوزة هايفهموها انها مش هاتتجوز كده ولو هيا متجوزة يقولوا لها لازم تملي عين جوزك ما انتى شايفة الشوارع مليانة بنات رفيعة ولابسين ملزق وهوا بني ادم والرجالة ضعيفة ومش هايبقى بيغض بصره بره البيت وجوا!! ولو الست مخلفة وتخنت بعد الخلفة هايقولوا لها مليون مثال عن ستات نزلوا وزن الحمل الزائد كله في شهرين بس من بعد الولادة ولو الست بترضع طبيعي هايقرفوها كل ما يشوفوا وشها ان الرضاعة ملهاش علاقة بالرجيم. ولو الست مخلفة طفل واحد بس هايقطعوا فيها ويزنوا على فكرة انها لسه خلصتش خلفة (هما قرروا انها لازم تخلف تانى - هيا بره المعادلة اصلا) ومش هاينفع تحمل وهيا تخينة ولو حصل حرام عليها صحتها وضهرها اللى هايتفرتك من الوزن!
لو ست رفيعة وبنتها وزنها زائد هايحكموا عليها انها ام وحشة وحرام عليها البنت لسه صغيرة على التخن ده امال لما تكبر هاتعمل ايه...احنا كنا رفيعين واحنا صغيرين وبصى علينا دلوقتي مش عارفين نرجع زي الاول امال هيا هايبقى شكلها عامل ازاي...واكيد في المدرسة العيال بتضايقها وبطلي تعملي بطاطس محمرة وبلاش نشويات وبلاش سكريات وبلاش حلويات وبلاش زيت وسمنة وبلاش معجنات. زي ما يكون الام تخنت اولادها عن عمد...وفرحانة بيهم كده!
كل واحد فينا عنده اللى يتكسف منه....عنده اللى مخبيه وخايف حد يعرفه...وعنده اللى مش عايز حد يكلمه عنه...ليه بنطلع عقدنا على بعض؟
اللي قال ان الستات كائنات رقيقة هو كائن غلبان وساذج معندوش فكره عن الكنافة...الستات بتعرف "تمثل" انهم كائنات لطيفة ورقيقة وعندهم مشاعر وقلبهم رهيف وبسكوت خالص...بس الواقع حقيقي مؤلم والله...هما مش كده خالص - خصوصا مع بعض! مفيش ست بتراعي شعور التانية...والغيرة هي المفتاح. الست بتغير بطبيعتها من الاحلى منها والانجح والاكثر شعبيه والاكثر قبول اجتماعي... فمعظم الستات عايزة تحس انها احسن واجمل واكثر تميز. وسلاح الست لسانها اللى عايز قطعه ده.
وفي مواقف معروفة بتتعمل في الست التخينة من قرينتها الست اللى شايفة انها فراشة!
في عيد ميلاد الست التخينة لازم يجي لها هدية هدوم...صغيرة! مع التصميم انها تقيس الهدية علشان اتأكد ان اللون لايق عليكي!! ومش هاتمشي ولا يبقى عندها دم غير لما الست التخينة تقيس الهدوم ومتجيش مقاسها وتقولها باسغراب "ازاااي ده اكبر مقاس في المحل! اكيد لبستي فوق هدومك!" - يا حيوانة!
تيجي على غفلة واحدة تقولك "مبروك حبيبتي - انتى حامل في الشهر الكام!" اشرحي بقى انك مش حامل وان دي دهون على هيئة كرش! ولما تسكتي مش عارفة تقولي ايه هيا تعمل نفسها اتكسفت (ال يعنى) "سوري مش قصدي - اوعي تزعلي!"...هيا عارفة كويس اوي انك مش حامل ولا حاجة بس هوا سخافة كده وخلاص!
او حد يجي من ضهرك "دينا ازيك"...وتتلفتي تشرحي انك مش دينا ... فتعمل نفسها اتخضت..."ايه ده؟ شكلك من ضهرك دينا بالظبط".....دينا دي اللى ناقص لها زلومة واتقل من التلاجة!
اي تليفون ييجي من اي حد بقاله كتير مشافكيش "ها؟ اخبار الدايت اييه؟" - في اي مناسبة تلاقي اصحابك او معارفك حريصيين جدا يعرفوا هاتلبسي ايه (!!) ويعرضوا عليكي يسلفوكي السواريه بتاعهم..لو جه مقاسك!
وفي بعض الناس اللى نفوسهم سودا شويتين وجيتوا تتصوروا ... يحبوا اوي يصدروكي في الوش كده...ولو حاولتي تقفي ورا شوية لازم حد دمه خفيف يعلق "هاتستخبي ولا ايه؟"
في فكرة عامة ان التخين بيتقبل الاهانة عادي مش بتفرق...ماهو تخين بقى....ولو زعل من الغباوة اللى بتتقال في وشه يبقى حساس وبيتقمص! يعنى دلوقتي يا تبقى ملطشة يا تبقى قمَاص!!
ولو التخين عمل رجيم هايسمع شوية جمل من ناس واخدين توكيل السلبية في القطر العربي: على الله بس تلتزم المرة دي...رجيم؟ وده رجيم البيتزا بقى ولا ايه؟...ما قلتى كده مليوووون مرة ومفيش فايدة - انا رأيي تتعايشي بشكلك ده وخلاص. ولو رحتي لدكتور تغذية: ضحك على الدقون...هيا جت على حتة الورقة اللى هايديهالك؟ ما الورق عند كل الناس المهم الارادة...دكتور؟؟؟ وهايعملك ايه الدكتور؟ هايقفلك بؤك؟ انوى انتى بس بجد وخلاص....فلوسك كتير!
بصوا بقى يا معشر الناس التخينة...لو انت متضايق اقف مع نفسك وقفة صغيرة...وضروري تعرف ان الارادة موجودة بس ربنا يبارك في الناس الملزقة اللى بتحكم عليك من خلال شكلك اللى مش عاجبهم ...الموضوع محتاج صبر وشوية مقاومة وعند...وفي النهاية اقنع نفسك ان كل الحاجات الجميلة اللى هاتحرم نفسك منها مصيرها التواليت!! والاكل مش هايطير....ومفيش حاجة اسمها اتعود على شكلي او ان بقالك سنين طويلة بشكلك اللى مش عاجبك...لو انت متضايق اتغير...وانت تقدر تعمل كده. ولو مش قادر من نفسك الجأ لدكتور متخصص...مش عيب...بالعكس الدكتور بيساندك نفسيا ومعنويا وبيتابع معاك وعلى الاقل هاتخلي هدفك الكبير اوي المظلم اهداف صغيرة كتير تخلص واحد ورا التانى.
لو انت مش عايز تخس ومتعايش مع نفسك وفي سلام داخلي....عيش يا معلم ويابختك :)
كفاية رغي لحد كده :)
ريم اسامة
جروب الفيسبوك : https://www.facebook.com/groups/329904227056535/
No comments:
Post a Comment