اللى وراه حاجة بلاش يقرأ دلوقتي...المقال طويل شوية...معلش خدتني الجلالة النهاردة :)
رقم التلاتين من الارقام المخيفة في حياتنا...بس بعد التلاتين كله بيعدي عادي :) الواحد بيكون اتعود على الضرب!
رقم التلاتين من الارقام المخيفة في حياتنا...بس بعد التلاتين كله بيعدي عادي :) الواحد بيكون اتعود على الضرب!
بداية العشرينات وما دونها دايما بيكون من احلى واجمل السنين في حياة اي حد...طبيعي يعنى...اكل ومرعى وقلة صنعة! سنوات الدراسة كلها مذاكرة وحل واجبات وبس...نروح المدرسة نرغي مع اصحابنا واخر الاسبوع نخرج معاهم...ايام الجامعة طبعا احلى ايام...مفيش بعد كده حلاوة ...في الكلية كلنا طموحات وامنيات وتفاؤل وسعادة طبيعية كده موجودة بلا سبب حقيقي...بندور على الكورسات علشان نقوي اللغة والكمبيوتر علشان الشغل...ندور على النت ازاي نكتب CV محترمة علشان الشغل...نروح نتدرب مجانا في شركات وبنوك وخلافه علشان الشغل...اخر طموحنا هو الشغل...متخيلين اننا لما نشتغل كده خلاص وقفنا على اول السكة الصح...الشغل هايجيب لنا العربية والشقة والفلوس والهدوم والسعادة والدنيا كلها لحد عندنا...وبصراحة كان في استعداد لبذل مجهود كبير بس نشتغل ... استعداد نتمرمط بجد علشان ننجح.
بعد التخرج الصورة بتغمق شوية...الله؟ امال فين الشغل؟؟ ما عندهم ال cv جرى ايه! وبتكون الفترة دي اصعب على الاولاد لانهم اتخرجوا خلاص...ولسه بياخدوا مصروف!!! المهم بعد فساد فكرة الشغل بال cv واكتشاف ان الشغل بالواسطة (مش بالكورسات ولا بالتدريب ولا بالskills)...اهو نتحط على اول الطريق والسلام!
وتجري العشرينيات من بين اصابعنا من غير ما نحس - نشتغل نشتغل نشتغل...نشتري نشتري نشتري...هدوم وشنط وجزم ونتفسح ونجيب هدايا للى بنحبهم...نجيب حاجات ملهاش اي لازمة لمجرد اننا نقدر نشتريها...نخرج كتير جدا (مفيش التزامات بقى خلينا نطرقع المرتب ونعيش)...نحوش الاجازات علشان نسافر سفرية حلوة...نلف يمين وشمال ومفيش فيلم ينزل غير لما نتفرج عليه...لما نكبر في الشغل والمرتب يكبر...تزيد طموحات الخروجات واللبس ونتعرف على الماركات الاعلى وعلى الاماكن الانضف ونجيب هدايا اغلى وموبايلات اجمد.
بعد ما نحس اننا بقينا محترمين شوية كده ندور على الخطوة اللى بعد كده...وهي الجواز.
وييجي الجواز...بس كده :) ممكن نقفل المقال ونحط صورة سودا :)))))
الضرب بيكون من كل اتجاه...الخطوبة بتكون جميلة طبعا في اولها...بس لما بنقرب من ميعاد الفرح وشراء العفش وتوضيب البيت والفرش...تبدا الخلافات وكتير بيفكر يفركش الموضوع بلا وجع دماغ....بس بيفتكروا انهم قرب التلاتين! سن الكابوس! وكتير اوي بيكملوا رغم عدم اقناعهم وبيقنعوا نفسهم ان بكرة كله يتغير بعد الجواز. طبعا مفيش اي حاجة بتتغير - بس ده مش موضوعنا.
وبعد كده المسئوليات الحقيقية. بيت مفتوح...مصروف البيت...واجبات اجتماعية لازم مراعاتها (وطبعا الواجبات الاجتماعية معظمها مجاملات لائقة) وخلاص انت بقيت في بيت منفصل يعنى مش هاينفع تتلزق في هدية ابوك وامك وتروح معاهم منظر! لا يا استاذ...حضرتك راجل مسئول عن عائلة ومسئول عن منظرك قدام الناس! والمدام حامل...متابعة الدكتور...المدام هاتولد (ده ميتم لوحده مش محتاجه اشرحه بالتفصيل بس هاتتعور جامد في جيبك)....دكاترة الاطفال....لبس الاطفال كل كام شهر علشان بيكبروا بسرعه جدا...بامبرز...كريم التهابات (لا تستهين به لان النوع الكويس بتمن جزمة)....وبعد كده الحضانة (نقلة تانية خالص بقى)...وندخل على المدارس (كده انت هاتدخل على مستوى الضياع النفسي والاكتئاب - بس متقلقش هاتعدي عادي)...هاتتصدم من كمية المبالغ الرهيبة اللى بتتدفع علشان شبر ونص عايش معاك في البيت! وبعيدا عن الماديات - ربنا يكرمكم جميعا وتقدروا تعيشوا من غير فايروس الفيزا والقروض والتقسيط (مع انى ماظنش بس ربنا ما يكتب عليكم)
هاتلاقي كام سنة كده طاروا...الله؟ احنا متفقناش على كده!!! فين السينما؟ فين الخروج؟ فين الدلع؟ فين الهدوم اللى بقالى اربع سنين ماشفتش حتة جديدة تملى عليا الدولاب! فين السفر في اماكن جديدة والانطلاق والتفاؤل؟ والست تلاقي نفسها حبيسة في البيت علشان الاطفال...او علشان جوزها مش هاينفع يخرجها بسبب ظروف شغله او بسبب ظروف اخر الشهر! الله؟ فين صور الامهات المنطلقات رغم الامومة؟ فين العشرينات؟!!!
وغالبا في اول المرحلة دي هاتتصدم بشعرة بيضا رخمة في راسك...تعلن بداية عهد جديد...الستات بتتصدم اكتر من الموضوع ده...تدخل تغسل وشها ولا اسنانها وتبص في مراية الحمام القريبة وتلاقي شعراية بيضا مموجة واقفة على حيلها فوق راسك! مش نايمة مع باقي اخواتها...لا...معرجة وناشفة واتخن من باقي الشعر...علشان تقف في وشك في المراية تغيظك!
وبعد فترة هاتلاقي خط غائر..او شوية خطوط زي اشعة الشمس على اطراف عينك...لالا ماتقلقش...اوعى يجيلك panic..دي تجاعيد..عادي عادي....هيا جت زيارة خفيفة كده...وكام سنة كمان هاتجيب اخواتها!
لما تلاقي ايدك شبه كعب رجل مرات البواب...اوعى تنهاري...خالص...ده قشف...دي المواعين يا حبيبتي!
التلاتين بداية الوجه الحقيقي للحياة...بعد التلاتين هايجي الاربعين وهكذا....فانت حاليا في اصغر وقت ليك! عيش حياتك متضيعش وقت في اللطم اللى مالوش نفع!
في اول التلاتين بنحس باكتئاب شوية....حبة احباط...بنبص في المراية كتير جدا...بنقارن نفسنا بنجوم السينما اللى اكبر مننا ونحس بشماتة بسيطة اننا اصغر منهم ومع شوية اهتمام هانبقى احلى منهم كمان (بتحصل محدش ينكر).
لكن...مع التلاتين انت في عز شبابك لسه على فكرة :) ممكن شعرك يبدا يبيض من ثانوي الموضوع كله وراثة وجينات...ممكن وشك يكرمش من اول العشرين لو انت مش واخد بالك من صحتك (تدخين كتير وشرب لا قدر الله وتعرض زيادة عن اللزوم للشمس)...ايدك هاتشقف لو مش بتشربي مياة...لو هاتهمل نفسك في اي سن هايظهر عليك...اهتم بنفسك...انت اهم واحد في حياتك!
غيرك في الخمسين ولسه مش قادرة ياخد قرار تكوين اسرة! هوا مشوار وانت هاتختاره..يا تعيش بطولك نجاح و"مظهر" الشباب (ماهو عدم الجواز مش هايخليك عشرين على طول برضه) وعدم مسئوليات وانطلاق ونعنشة....او تقرر تكون اسرة بكل ما في الطريق ده من مشاكل وانكار الذات وقلق ومسئولية ارواح في رقبتك! انت هاتختار. يا تعيش لوحدك في النهاية...او تعيش وسط ناس بيحبوك بلا اي شروط..مع شريك حياة بقيتوا تفهموا بعض من نظرة!
فابتسم...ما انت مش هاترجع بالزمن لورا...وبعدين العشرينات كانت لسه اول امبارح يعنى مش بعيد ولا حاجة....لسه عندك فرصة تكون صداقات جديدة...تكوين اسرة...تغيير مسارك الوظيفي...لسه في فرصة كبيرة لبدايات جديدة.
التلاتين مش كابوس...التلاتين بداية جديدة...تفتح العقل وخبرة اكبر...قدرة اعمق على فهم الشخصيات...سهولة اتخاذ قرارات...وبعد ما تعدي منتصفها هاتكون متشوق للخبرة اكتر ولاستقبال السن الذهبي للانسان...مرحلة الفطنة! باختصار التلاتين بداية الثقة بالنفس وبالعقل.
يابختي..في التلاتين :D
ريم اسامة
جروب المدونة على الفيسبوك:
https://www.facebook.com/groups/329904227056535/
بعد التخرج الصورة بتغمق شوية...الله؟ امال فين الشغل؟؟ ما عندهم ال cv جرى ايه! وبتكون الفترة دي اصعب على الاولاد لانهم اتخرجوا خلاص...ولسه بياخدوا مصروف!!! المهم بعد فساد فكرة الشغل بال cv واكتشاف ان الشغل بالواسطة (مش بالكورسات ولا بالتدريب ولا بالskills)...اهو نتحط على اول الطريق والسلام!
وتجري العشرينيات من بين اصابعنا من غير ما نحس - نشتغل نشتغل نشتغل...نشتري نشتري نشتري...هدوم وشنط وجزم ونتفسح ونجيب هدايا للى بنحبهم...نجيب حاجات ملهاش اي لازمة لمجرد اننا نقدر نشتريها...نخرج كتير جدا (مفيش التزامات بقى خلينا نطرقع المرتب ونعيش)...نحوش الاجازات علشان نسافر سفرية حلوة...نلف يمين وشمال ومفيش فيلم ينزل غير لما نتفرج عليه...لما نكبر في الشغل والمرتب يكبر...تزيد طموحات الخروجات واللبس ونتعرف على الماركات الاعلى وعلى الاماكن الانضف ونجيب هدايا اغلى وموبايلات اجمد.
بعد ما نحس اننا بقينا محترمين شوية كده ندور على الخطوة اللى بعد كده...وهي الجواز.
وييجي الجواز...بس كده :) ممكن نقفل المقال ونحط صورة سودا :)))))
الضرب بيكون من كل اتجاه...الخطوبة بتكون جميلة طبعا في اولها...بس لما بنقرب من ميعاد الفرح وشراء العفش وتوضيب البيت والفرش...تبدا الخلافات وكتير بيفكر يفركش الموضوع بلا وجع دماغ....بس بيفتكروا انهم قرب التلاتين! سن الكابوس! وكتير اوي بيكملوا رغم عدم اقناعهم وبيقنعوا نفسهم ان بكرة كله يتغير بعد الجواز. طبعا مفيش اي حاجة بتتغير - بس ده مش موضوعنا.
وبعد كده المسئوليات الحقيقية. بيت مفتوح...مصروف البيت...واجبات اجتماعية لازم مراعاتها (وطبعا الواجبات الاجتماعية معظمها مجاملات لائقة) وخلاص انت بقيت في بيت منفصل يعنى مش هاينفع تتلزق في هدية ابوك وامك وتروح معاهم منظر! لا يا استاذ...حضرتك راجل مسئول عن عائلة ومسئول عن منظرك قدام الناس! والمدام حامل...متابعة الدكتور...المدام هاتولد (ده ميتم لوحده مش محتاجه اشرحه بالتفصيل بس هاتتعور جامد في جيبك)....دكاترة الاطفال....لبس الاطفال كل كام شهر علشان بيكبروا بسرعه جدا...بامبرز...كريم التهابات (لا تستهين به لان النوع الكويس بتمن جزمة)....وبعد كده الحضانة (نقلة تانية خالص بقى)...وندخل على المدارس (كده انت هاتدخل على مستوى الضياع النفسي والاكتئاب - بس متقلقش هاتعدي عادي)...هاتتصدم من كمية المبالغ الرهيبة اللى بتتدفع علشان شبر ونص عايش معاك في البيت! وبعيدا عن الماديات - ربنا يكرمكم جميعا وتقدروا تعيشوا من غير فايروس الفيزا والقروض والتقسيط (مع انى ماظنش بس ربنا ما يكتب عليكم)
هاتلاقي كام سنة كده طاروا...الله؟ احنا متفقناش على كده!!! فين السينما؟ فين الخروج؟ فين الدلع؟ فين الهدوم اللى بقالى اربع سنين ماشفتش حتة جديدة تملى عليا الدولاب! فين السفر في اماكن جديدة والانطلاق والتفاؤل؟ والست تلاقي نفسها حبيسة في البيت علشان الاطفال...او علشان جوزها مش هاينفع يخرجها بسبب ظروف شغله او بسبب ظروف اخر الشهر! الله؟ فين صور الامهات المنطلقات رغم الامومة؟ فين العشرينات؟!!!
وغالبا في اول المرحلة دي هاتتصدم بشعرة بيضا رخمة في راسك...تعلن بداية عهد جديد...الستات بتتصدم اكتر من الموضوع ده...تدخل تغسل وشها ولا اسنانها وتبص في مراية الحمام القريبة وتلاقي شعراية بيضا مموجة واقفة على حيلها فوق راسك! مش نايمة مع باقي اخواتها...لا...معرجة وناشفة واتخن من باقي الشعر...علشان تقف في وشك في المراية تغيظك!
وبعد فترة هاتلاقي خط غائر..او شوية خطوط زي اشعة الشمس على اطراف عينك...لالا ماتقلقش...اوعى يجيلك panic..دي تجاعيد..عادي عادي....هيا جت زيارة خفيفة كده...وكام سنة كمان هاتجيب اخواتها!
لما تلاقي ايدك شبه كعب رجل مرات البواب...اوعى تنهاري...خالص...ده قشف...دي المواعين يا حبيبتي!
التلاتين بداية الوجه الحقيقي للحياة...بعد التلاتين هايجي الاربعين وهكذا....فانت حاليا في اصغر وقت ليك! عيش حياتك متضيعش وقت في اللطم اللى مالوش نفع!
في اول التلاتين بنحس باكتئاب شوية....حبة احباط...بنبص في المراية كتير جدا...بنقارن نفسنا بنجوم السينما اللى اكبر مننا ونحس بشماتة بسيطة اننا اصغر منهم ومع شوية اهتمام هانبقى احلى منهم كمان (بتحصل محدش ينكر).
لكن...مع التلاتين انت في عز شبابك لسه على فكرة :) ممكن شعرك يبدا يبيض من ثانوي الموضوع كله وراثة وجينات...ممكن وشك يكرمش من اول العشرين لو انت مش واخد بالك من صحتك (تدخين كتير وشرب لا قدر الله وتعرض زيادة عن اللزوم للشمس)...ايدك هاتشقف لو مش بتشربي مياة...لو هاتهمل نفسك في اي سن هايظهر عليك...اهتم بنفسك...انت اهم واحد في حياتك!
غيرك في الخمسين ولسه مش قادرة ياخد قرار تكوين اسرة! هوا مشوار وانت هاتختاره..يا تعيش بطولك نجاح و"مظهر" الشباب (ماهو عدم الجواز مش هايخليك عشرين على طول برضه) وعدم مسئوليات وانطلاق ونعنشة....او تقرر تكون اسرة بكل ما في الطريق ده من مشاكل وانكار الذات وقلق ومسئولية ارواح في رقبتك! انت هاتختار. يا تعيش لوحدك في النهاية...او تعيش وسط ناس بيحبوك بلا اي شروط..مع شريك حياة بقيتوا تفهموا بعض من نظرة!
فابتسم...ما انت مش هاترجع بالزمن لورا...وبعدين العشرينات كانت لسه اول امبارح يعنى مش بعيد ولا حاجة....لسه عندك فرصة تكون صداقات جديدة...تكوين اسرة...تغيير مسارك الوظيفي...لسه في فرصة كبيرة لبدايات جديدة.
التلاتين مش كابوس...التلاتين بداية جديدة...تفتح العقل وخبرة اكبر...قدرة اعمق على فهم الشخصيات...سهولة اتخاذ قرارات...وبعد ما تعدي منتصفها هاتكون متشوق للخبرة اكتر ولاستقبال السن الذهبي للانسان...مرحلة الفطنة! باختصار التلاتين بداية الثقة بالنفس وبالعقل.
يابختي..في التلاتين :D
ريم اسامة
جروب المدونة على الفيسبوك:
https://www.facebook.com/groups/329904227056535/
No comments:
Post a Comment