بنسمع دايما شكوى "مبقتش زي الاول" من الراجل لمراته او من الست لجوزها...او حتى الاصحاب لبعض...ويبدا الفتور (كرد فعل) وتبدا العلاقة في البرود...وتختفي او تنتهى.
العلاقات كلها محتاجة مجهود...جواز او صداقة او امومة او حتى علاقات الاخوات ببعض.
ايوة الام بتعمل مجهود رهيب طبعا....لكنه مجهود ذهني وبدني لتربية الاولاد...مش للحفاظ على علاقتها بالاولاد!!
في فرق كبير جدا!
بنشوف دايما امهات مش مصاحبين اولادهم...او اولاد بيكرهوا البيت...او بيتعاملوا مع امهم من باب ديني مش من باب الحب والود والتواصل...اعتقد العلاقة دي تبدا في الطفولة...الطفولة المبكرة.
طبيعي ان الاولاد بيشكلوا عبئ كبير على الام...اي ام كده....العبئ ده لا علاقة له بالحب الطبيعي اللى ربنا بيزرعه في قلوب الستات اتجاه اولادها...اي ام بتحب اولادها كده كده....لكن انا بتكلم عم "علاقة اشخاص ببعض" من غير ما يكون لها اسم....مش علشان الولد ده ابني يبقى طبيعي يحبني...ولو حبني فمش ضروري اكون اول اهتمامته او اولوية عنده.
ومش علشان الراجل ده "زوجك" يبقى بالضرورة اول من تلجئى له...بالعكس..ممكن يبقى اخر شخص ييجي في بالك لو وقعتي في مشكلة...وبرضه نفس الكلام عن الست "الزوجة" مش ضروري ابدا علشان انتى مراته تكونى اول شخص ييجي في باله لو وقع في ازمه.
العلاقات دي كلها علشان تاخد الشكل الصحيح..محتاجة مجهود...مجهود كبير...مستمر...غير منقطع...وباهداف متجددة وافكار مبتكرة.
نبدأ بالامومة...الام بترعى اولادها صحيا وبدنيا ودراسيا واخلاقيا وبتشرف على صداقات اولادها وعلى مستواهم الدراسي وعلى تصرفاتهم اليومية...لكن امهات كتير بيقف دورها هنا...الوقت مش مكفي اي حاجة زيادة...دي حقيقة...ولكن التفاصيل تصنع العلاقات...يعنى لو قدمتى لابنك فكرة هواية جديدة...وشاركتيه...هاتحسي بالرابط اللى بينكم بيقوى...لو اهتميتي بشخصيات الكارتون المفضلة له (في سن مبكر جدا الكلام ده طبعا)...هايحس ان في ارض مشتركة...مش مجرد انك عارفة مثلا ان في حد اسمه "بن تن" يبقى انتى كده فاهماه...لا اتفرجي معاه على الحلقات وناقشي الاحداث...ترقبي ميعاد بث الحلقات واجهزى من قبلها علشان تقعدى تتفرجى...ولما يكبر وتبدا الاهتمامات تتغير...واكبي معاه التغير...لو اولادك اهتموا بالمسلسلات مثلا...تابعى معاهم...لو حد عجبه لعبة او ادمن لعبة...تابعى تقدمه في المجموعة مثلا او محتاج ايه علشان يعرف يكمل لعب (سماعة او كارت ميمورى او تجديد باقة) كده يعنى...شوية مرونة في التعامل...بلاش نظام هوا كارت بعشرين واظبط استخدامك...اكيد الفكرة دي مثمرة ومفيدة (نظريا) ولكن عمليا وهوا طفل هايشوف انك مش مقدر اهمية اللعبة بالنسبة له ايه!! ممكن تكون طلبات الاولاد في شكل مكافاة...يعنى مثلا عمل كويس في المدرسة او التزم بالصلاة اسبوع كامل...اي حجة علشان تديله اللى هوا نفسه فيه...ومفيش مانع طبعا من المنح المجانية....انتى في الاخر بتشتري علاقة لا تقدر بثمن!...مافيهاش اي حاجة لو بنتك عايزة تحط مانيكير من غير مناسبة...ترفضي ليه؟ هوا لازم فرح وعيد ميلاد علشان البنت تحط مانيكير؟ او مكياج لما تكبر شوية؟ اصل كله هايتعمل من وراكي كده كده...متفتكريش ان قواعدك دي بتتنفذ بره بالحرف...تبقى مخدوعة في قدرتك على الاقناع!! خدى بالك ان البنت هاتوصل لمرحلة المراهقة وهايكون هدفها تكسير اي قاعدة اتفرضت عليها....فخلي شوية مرونة في التعامل من صغرها ومساحة مناقشة (ومش لازم كل مرة كلامك اللى يمشي) وبعض من التفهم علشان الدنيا تمشي ....علشان لما يكبروا تبقى صاحبتهم ويحكوا لك مشاكلهم او الاحداث المهمة او غير المهمة كمان....وبرضه هايحصل كوارث من وراكي....فقربك منهم والتباسط في القواعد وقوانين البيت هاتخلي الكوارث دي تقل شوية...او تعرفي بيها من بدايتها وتتحل...عادي لما يهزروا معاكي...عادي جدا لما يطلبوا حاجات مالهاش اي لازمة وتفاصلي معاهم وتتوصلوا لحل وسط...عادي لما تلعبي معاهم.....كفاية زعيق يا جماعة....كفاية ضرب....كفاية تقليل منهم قدام الناس وقدام نفسهم....لو مش عايز يذاكر خلاص مش لازم دلوقتي...لو انتى تفهمتى موقفه من المذاكرة هايقتنع انك فهماه...وان فعلا في ارض مشتركة بينكم وهي "التعاطف"...شجعيهم...لو بدأ رياضة وقرر انه مش عايز يكمل..خلاص مش لازم يكمل...اهو بيجرب رياضات مختلفة لحد ما يلاقي اللى بيحبه...معلش ماهو هايعرف منين هوا بيحب الرياضة دي ولا لا من غير ما يجرب؟؟
وفي نقطة مهمة تانية...اسمحوا بالغلط...ايه يعنى قلتي على حاجة لا...او ممنوع...وهو برضه عملها واتأذى منها؟؟ بلاش زعيق...فهميه انك علشان كده حذرتيه واهو جرب بنفسه وعرف ان كان قصدك مصلحته...احنا شخصيا عمرنا ما اتعلمنا من الشعارات...احنا اتعلمنا من اخطأنا...سامحوا وفهموهم انك متقبل الخطأ طالما مش هايتكرر بنفس الطريقة دي!
الجواز...ده حوار كبير اوي بقى...اكتر من نص معارفنا مطلقين متهيالي!! وممكن تلاقي الطرفين كويسين جدا على المستوى الشخصي ولكن مع بعض حصل بينهم حريقة!! قلة الاهتمام وقلة المجهود لاستمرار العلاقة ادى لفشل البيت كله! الطلاق مش رفاهية ولا اختيار سهل....ولا الاختيار الاول حتى لاي حد..ولكنه بيكون اخر كارت...اخر اختيار...هو اعلان لفشل كل المحاولات...المصيبة بقى لما يكون هو اول الحلول!!! الرجالة من فضلكم اسمع مراتك....لو هي مش مرتاحة تروح مكان معين كل شوية كتير كده باستمرار (عند اهلك غالبا) قلل من مرواحها هناك....ما انت مش هتربيها برضه معلش يعنى! هي مش متقبلة البيت ده خلاص...بلاش...مش لازم كل اسبوع وكل ويك اند وكل مناسبة وعيد قومي فرض عين كده تقضى يوم هناك...ممكن مرة او اتنين في الشهر مثلا...انت لو عملت كده هي من نفسها هاتطلب تروح معاك اكراما لاحساسك بيها! مش معنى عدم ارتياحها للبيت ده انها ست وحشة او ان اهلك ناس اي كلام او انها بتكرههم حتى...عدم ارتياح وخلاص! مش لازم تفصص الشعور بتاعها لعدة اتهامات!! خد الامور ببساطة! وريح نفسك وريحها هي كمان! وفي المناسبات هات لها هدية بسيطة غير مكلفة اطلاقا...عيد الحب المصري والاجنبي...عيد الام ... عيد ميلادها اكيد...عيد جوازكم...عيدية في العيد...خروجة لوحدكم في رمضان تفطروا بره من غير اولادكم...هي مراتك ولازم تتعامل معاها انها شريكتك مش ام اولادك. في فرق رهيب بين الاتنين!!!
وانتى يا ستي...هوا مش بيحب اللوبيا...مش لازم لوبيا خالص! ليه التصميم الرهيب ده على جدول الوجبات الاسبوعي وان لازم بقوليات؟ ماهو مش هاياكلها برضه وهاتسمعي كلمتين مالهمش لازمة برضه! كبري دماغك...كده كده هاتعملي اكل...اعملي اكل يعجبه حتى لو اكل بسيط! واهتمى يا ستي بالدولاب بتاعه طالما بيتضايق....طبقي حاجته وحافظي ان معظم هدومه تكون نضيفة باستمرار...مش بيقلل منك....انتى صاحبة البيت...انتى اللى بتنظمي حياتهم بكل تفاصيلها واللبس تفصيلة مهمة. ومش كل مرة امه تقول حاجة مش على مزاجك تقولي له "امك قالت"...كلمة "امك" لوحدها مهينة للرجالة معرفش ليه بس هيا مهينة...بلاش سيرة الست خالص...ست كبيرة اسمعى واسكتى وعدي يومك! طالما مش بتهينك مباشرة خلاص كبري دماغك شوية! لو عنده مشكلة من فضلك اسمعي...اهتمي تسألي عنها بعد كده وتابعي تطورات الموضوع ايه حتى لو شغله وانتى مش عايزة تسمعي عنه حاجة. انتى بكده بتهمى به هو شخصيا. وبرضه هاتي له هدايا بسيطة في مناسباتكم الخاصة....ولو عندك دخل خاص اعزميه كل فترة كده ولا حاجة....دلعيه شوية.
العلاقات هي عبارة عن تفاصيل كتير اوي وتصرفات هايفة وذاكرة بسيطة...بلاش البخل في العلاقات...لو ذاكرتك ضعيفة دون تواريخ مهمة للطرف التانى...فكر في اماكن جديدة تزوروها سوا...فكروا في نشاطات تتعمل في الاجازات غير زيارة الاهل...شاركوا اولادكم نشطاتهم...بلاش تعايروا بعض بالمجهود والفلوس المبذولة في سبيلهم!
بصوا لحياتكم تانى...اتغيروا شوية!
ريم اسامة
لينك المدونة على الفيسبوك:
https://www.facebook.com/groups/329904227056535/
وفي نقطة مهمة تانية...اسمحوا بالغلط...ايه يعنى قلتي على حاجة لا...او ممنوع...وهو برضه عملها واتأذى منها؟؟ بلاش زعيق...فهميه انك علشان كده حذرتيه واهو جرب بنفسه وعرف ان كان قصدك مصلحته...احنا شخصيا عمرنا ما اتعلمنا من الشعارات...احنا اتعلمنا من اخطأنا...سامحوا وفهموهم انك متقبل الخطأ طالما مش هايتكرر بنفس الطريقة دي!
الجواز...ده حوار كبير اوي بقى...اكتر من نص معارفنا مطلقين متهيالي!! وممكن تلاقي الطرفين كويسين جدا على المستوى الشخصي ولكن مع بعض حصل بينهم حريقة!! قلة الاهتمام وقلة المجهود لاستمرار العلاقة ادى لفشل البيت كله! الطلاق مش رفاهية ولا اختيار سهل....ولا الاختيار الاول حتى لاي حد..ولكنه بيكون اخر كارت...اخر اختيار...هو اعلان لفشل كل المحاولات...المصيبة بقى لما يكون هو اول الحلول!!! الرجالة من فضلكم اسمع مراتك....لو هي مش مرتاحة تروح مكان معين كل شوية كتير كده باستمرار (عند اهلك غالبا) قلل من مرواحها هناك....ما انت مش هتربيها برضه معلش يعنى! هي مش متقبلة البيت ده خلاص...بلاش...مش لازم كل اسبوع وكل ويك اند وكل مناسبة وعيد قومي فرض عين كده تقضى يوم هناك...ممكن مرة او اتنين في الشهر مثلا...انت لو عملت كده هي من نفسها هاتطلب تروح معاك اكراما لاحساسك بيها! مش معنى عدم ارتياحها للبيت ده انها ست وحشة او ان اهلك ناس اي كلام او انها بتكرههم حتى...عدم ارتياح وخلاص! مش لازم تفصص الشعور بتاعها لعدة اتهامات!! خد الامور ببساطة! وريح نفسك وريحها هي كمان! وفي المناسبات هات لها هدية بسيطة غير مكلفة اطلاقا...عيد الحب المصري والاجنبي...عيد الام ... عيد ميلادها اكيد...عيد جوازكم...عيدية في العيد...خروجة لوحدكم في رمضان تفطروا بره من غير اولادكم...هي مراتك ولازم تتعامل معاها انها شريكتك مش ام اولادك. في فرق رهيب بين الاتنين!!!
وانتى يا ستي...هوا مش بيحب اللوبيا...مش لازم لوبيا خالص! ليه التصميم الرهيب ده على جدول الوجبات الاسبوعي وان لازم بقوليات؟ ماهو مش هاياكلها برضه وهاتسمعي كلمتين مالهمش لازمة برضه! كبري دماغك...كده كده هاتعملي اكل...اعملي اكل يعجبه حتى لو اكل بسيط! واهتمى يا ستي بالدولاب بتاعه طالما بيتضايق....طبقي حاجته وحافظي ان معظم هدومه تكون نضيفة باستمرار...مش بيقلل منك....انتى صاحبة البيت...انتى اللى بتنظمي حياتهم بكل تفاصيلها واللبس تفصيلة مهمة. ومش كل مرة امه تقول حاجة مش على مزاجك تقولي له "امك قالت"...كلمة "امك" لوحدها مهينة للرجالة معرفش ليه بس هيا مهينة...بلاش سيرة الست خالص...ست كبيرة اسمعى واسكتى وعدي يومك! طالما مش بتهينك مباشرة خلاص كبري دماغك شوية! لو عنده مشكلة من فضلك اسمعي...اهتمي تسألي عنها بعد كده وتابعي تطورات الموضوع ايه حتى لو شغله وانتى مش عايزة تسمعي عنه حاجة. انتى بكده بتهمى به هو شخصيا. وبرضه هاتي له هدايا بسيطة في مناسباتكم الخاصة....ولو عندك دخل خاص اعزميه كل فترة كده ولا حاجة....دلعيه شوية.
العلاقات هي عبارة عن تفاصيل كتير اوي وتصرفات هايفة وذاكرة بسيطة...بلاش البخل في العلاقات...لو ذاكرتك ضعيفة دون تواريخ مهمة للطرف التانى...فكر في اماكن جديدة تزوروها سوا...فكروا في نشاطات تتعمل في الاجازات غير زيارة الاهل...شاركوا اولادكم نشطاتهم...بلاش تعايروا بعض بالمجهود والفلوس المبذولة في سبيلهم!
بصوا لحياتكم تانى...اتغيروا شوية!
ريم اسامة
لينك المدونة على الفيسبوك:
https://www.facebook.com/groups/329904227056535/
