ممكن صوت يسعدك...شوية الموجات الصوتيه اللى مش بتشوفها تغير مودك بالكامل.
صوت مفاتيح ابو العيال - هما كمان بقوا يجروا على الباب قبل ما يفتحه عارفين انه واقف بره.
صوت جرس الباب وانت طالب ديليفري :)
باب اوضة بابا وماما بيتفتح...حد صحي :)
صوت اكياس بلاستيك مع خطوة مميزة...ماما جاية من بره وجايبة لنا حاجات حلوة (لما كنا صغيرين)
تصفير المايكروويف وانت بتسيح ساندوتش جبنة بزعتر
جرس الفسحة طبعاااااااا
القران بصوت هادئ من راديو الجمعة الصبح
صوت شد فرمة اليد تحت في الشارع وانتى متاكدة انها عربية باباكي
البطاطس اول ما تنزل في الزيت السخن علشان تتحمر
"الله اكبر" المغرب في رمضان
"فيسسس" فتح ازازة الحاجة الساقعة في عز الحر
صوت بداية الفيلم في السينما
سوسته شنطة تيتة (الله يرحمهم الاتنين) وببقى عارفة انى هاخد فلوس :)
زمان...صوت توصيل النت من خط التليفون (كان فضيحة)
"هدير" موج البحر بعد اشتياق له من الصيف الماضي
زغروطة في بيتكم :)
"ماما...عايز انام"..طبعا الامهات فاهمين كويس اوي مدى السعادة المصاحبة للجملة النادرة دي
لما كنا صغيرين...صوت الخلاط كان مفرح....عارفين ان في عصير قريبا :)
مطلع اغنيتك المفضلة في الراديو وانت محشور في الزحمة
"صباح الخير" لما تكون معجب بواحدة في الشغل وتسمع صوتها قبل ما تشوفها
كهكهة طفل فرحان من قلبه
صوت رشة البرفان - اعلان ان مراتك اخيرا خلصت لبس وهاتترحم وتنزل
صوت التلج وانت بتصب عليه العصير او الحاجة الساقعة
اول نفخه من السيشوار وانت عند الكوافير ومستعجله
نداء الطيارة بتاعتك بعد ترانزيت ست ساعات!
صوت المعلقة في المج وانت بتقلب السكر في النسكافيه في يوم ساقعة تلج!
المسحراتي بينده على اولادك بالاسم :)
جرس رسالة تليفون مستنيها بفارغ الصبر
صوت موسيقى توم وجيري - والله بنبسط اوي لما بسمعها
تسمع عصارة البرتقال شغالة في المطبخ ومستني الكوباية المتينة
كركرة الشيشة في ليلة صيف حارة مع زهر الطاولة
تفنيط الكوتشينة في دورة كونكان
صوت قلب صفحات كتب المناهج...الام بتطمن ان العيال على الاقل بتذاكر
بوسة على غفلة من طفل بيحبك من غير اي غرض
كلاكس انت عارفه كويس بيعلن الوصول في الميعاد
"تيييش" وانت بتنط في حمام السباحة في الجو الناااااار
كعب جزمتك في مكان فخم (الستات بتحب اوي كده معرفش ليه - بنحس بشئ من الاهمية والشياكة والثبات)
"انا جاهزة"...الرجالة عارفين مدى صعوبة الوصول لهذه المرحلة...معلش...الصبر مفتاح الفرج
صوت فتح ورق الهدايا...الصوت ده دايما مقترن باحساس الشغف
حمامة قررت تقف على حرف شباكك وتغنى :)
فرقعة كيس التغليف (اللى كله فقاقيع صغيره لحماية الاشياء القابلة للكسر)
هيصة العصافير على الشجر وقت الغروب
(لامؤاخذة) صوت شد السيفون لما حد من عيالك يكون جوا....اخيرا اتعلم حاجة متحضرة!
صوت الفاهيتا بتقرب من بعيد وانت عارف انها جاية لك انت :) الجوع وحش اوي (للناس اللى مش عارفة...في المطاعم الفاهيتا بيتم تقديمها في طبق داخل قطعة خشب وبتعمل صوت تتتتتتتششششششش عالي)
شخللة الانسيالات او الغوايش سوا...احيانا بيدي شعور بالاناقة للستات (متزوقة بقى وكده)
صوت منبه جوزك اللى اخيرا هايصى من القيلولة (اربع ساعات) علشان ترتاحي من وش العيال شوية
صوت "تيييت" المايكروويف لما النور ييجي بعد انقطاع
"هيييييييه" من شبابيك الجيران لما فريقك المفضل يجيب جون :) بتحس ان مش لوحدك اللى سعيد بالجون ده
صوت المعالق والشوك في الاطباق في عزومة في بيتكم - وياسلام لو من فترة للتانية تسمع ضحكة جماعية...البيت بيكون دافي جدا
"اهلاااااااااااا...اخيرا...حمد الله على السلامة" لما تدخل مكان معزوم فيه وتلاقي الكل بيرحب وصولك بحرارة
"المرتب نزل" - احلى جملة على الاطلاق احب اسمعها :)
الكتابة على لوحة المفاتيح (الكي بورد)....اخيرا المقال بيتكتب بعد فراغ عقلي :)
ربنا ما يحرمكم من اصوات البهجة ابدا :)
ريم اسامة
جروب المدونة على الفيسبوك:
https://www.facebook.com/groups/329904227056535/
تصفير المايكروويف وانت بتسيح ساندوتش جبنة بزعتر
جرس الفسحة طبعاااااااا
القران بصوت هادئ من راديو الجمعة الصبح
صوت شد فرمة اليد تحت في الشارع وانتى متاكدة انها عربية باباكي
البطاطس اول ما تنزل في الزيت السخن علشان تتحمر
"الله اكبر" المغرب في رمضان
"فيسسس" فتح ازازة الحاجة الساقعة في عز الحر
صوت بداية الفيلم في السينما
سوسته شنطة تيتة (الله يرحمهم الاتنين) وببقى عارفة انى هاخد فلوس :)
زمان...صوت توصيل النت من خط التليفون (كان فضيحة)
"هدير" موج البحر بعد اشتياق له من الصيف الماضي
زغروطة في بيتكم :)
"ماما...عايز انام"..طبعا الامهات فاهمين كويس اوي مدى السعادة المصاحبة للجملة النادرة دي
لما كنا صغيرين...صوت الخلاط كان مفرح....عارفين ان في عصير قريبا :)
مطلع اغنيتك المفضلة في الراديو وانت محشور في الزحمة
"صباح الخير" لما تكون معجب بواحدة في الشغل وتسمع صوتها قبل ما تشوفها
كهكهة طفل فرحان من قلبه
صوت رشة البرفان - اعلان ان مراتك اخيرا خلصت لبس وهاتترحم وتنزل
صوت التلج وانت بتصب عليه العصير او الحاجة الساقعة
اول نفخه من السيشوار وانت عند الكوافير ومستعجله
نداء الطيارة بتاعتك بعد ترانزيت ست ساعات!
صوت المعلقة في المج وانت بتقلب السكر في النسكافيه في يوم ساقعة تلج!
المسحراتي بينده على اولادك بالاسم :)
جرس رسالة تليفون مستنيها بفارغ الصبر
صوت موسيقى توم وجيري - والله بنبسط اوي لما بسمعها
تسمع عصارة البرتقال شغالة في المطبخ ومستني الكوباية المتينة
كركرة الشيشة في ليلة صيف حارة مع زهر الطاولة
تفنيط الكوتشينة في دورة كونكان
صوت قلب صفحات كتب المناهج...الام بتطمن ان العيال على الاقل بتذاكر
بوسة على غفلة من طفل بيحبك من غير اي غرض
كلاكس انت عارفه كويس بيعلن الوصول في الميعاد
"تيييش" وانت بتنط في حمام السباحة في الجو الناااااار
كعب جزمتك في مكان فخم (الستات بتحب اوي كده معرفش ليه - بنحس بشئ من الاهمية والشياكة والثبات)
"انا جاهزة"...الرجالة عارفين مدى صعوبة الوصول لهذه المرحلة...معلش...الصبر مفتاح الفرج
صوت فتح ورق الهدايا...الصوت ده دايما مقترن باحساس الشغف
حمامة قررت تقف على حرف شباكك وتغنى :)
فرقعة كيس التغليف (اللى كله فقاقيع صغيره لحماية الاشياء القابلة للكسر)
هيصة العصافير على الشجر وقت الغروب
(لامؤاخذة) صوت شد السيفون لما حد من عيالك يكون جوا....اخيرا اتعلم حاجة متحضرة!
صوت الفاهيتا بتقرب من بعيد وانت عارف انها جاية لك انت :) الجوع وحش اوي (للناس اللى مش عارفة...في المطاعم الفاهيتا بيتم تقديمها في طبق داخل قطعة خشب وبتعمل صوت تتتتتتتششششششش عالي)
شخللة الانسيالات او الغوايش سوا...احيانا بيدي شعور بالاناقة للستات (متزوقة بقى وكده)
صوت منبه جوزك اللى اخيرا هايصى من القيلولة (اربع ساعات) علشان ترتاحي من وش العيال شوية
صوت "تيييت" المايكروويف لما النور ييجي بعد انقطاع
"هيييييييه" من شبابيك الجيران لما فريقك المفضل يجيب جون :) بتحس ان مش لوحدك اللى سعيد بالجون ده
صوت المعالق والشوك في الاطباق في عزومة في بيتكم - وياسلام لو من فترة للتانية تسمع ضحكة جماعية...البيت بيكون دافي جدا
"اهلاااااااااااا...اخيرا...حمد الله على السلامة" لما تدخل مكان معزوم فيه وتلاقي الكل بيرحب وصولك بحرارة
"المرتب نزل" - احلى جملة على الاطلاق احب اسمعها :)
الكتابة على لوحة المفاتيح (الكي بورد)....اخيرا المقال بيتكتب بعد فراغ عقلي :)
ربنا ما يحرمكم من اصوات البهجة ابدا :)
ريم اسامة
جروب المدونة على الفيسبوك:
https://www.facebook.com/groups/329904227056535/
