الستات اكتر من يصاب بالاكتئاب...الرجال اكثر من يعايرها بذلك رغم انهم بيكونوا السبب في معظم الاحيان!! زي ما يكون شمتانين فينا!! زي ما يكون مش مكفيهم اننا نصاب بالاكئتاب بس...لا هما عايزين اكتئاب يؤدي الى الانتحار تقريبا!!!!!!
الواحدة بتكون في بيت اهلها برنسيسة...ابوها مديها قيمتها كده ويغرس جواها الكبرياء وانها مترخصش نفسها ابدا ويجيب لها كل اللى يسعدها ويحسسها بقيمة المرأة في المجتمع وقيمة دماغها وتعليمها والثقافة والدين ويفتح افقها ويعرفها على ثقافات مختلفة ولو قدر يجيب لها النجوم في ايدها هايعمل كده مش هايتأخر.
وتتجوز البرنسيسة!!
شتَان بين اللى نشأت عليه وبين الواقع الاليم...وان كانت هاتفضل اول كام سنة متشعبطة بافكارها ودماغها العالية...متمسكة بهواياتها اللى بتسعدها...متمسكة باقل القليل من الخروجات مع صديقاتها وبجزء لا يستهان بيه من الشوبنج الشهري (ميك اب ولبس و جزم وكتب ومجلات حريمي وايشاربات وهدايا لصديقاتها في كل المناسبات)...وبعد فترة تختصر في الجزء الخاص بيها ده....يعنى بدل ما تجامل ب200 جنيه مثلا...هاتخليهم 100...بعد كده يبقوا 50...واحتمال في الاخر تقاطع اصحابها علشان البيت اولى بالفلوس دي!
والبرنسيسة تخلف وتبقى ام...ويبدا فصل هابط من حياتها كله اتهامات وتصنيف (ام كويسة - ام فاشلة - ام غبية - ام ضايعة - ام نايمة على ودانها - ام لايصة...الخ) لحد ما صفة منهم تلزق فيها وهيا تحاول بكل جهدها الفلفصة منها...وده مستحيل طبعا!
وتفضل الام الفاشلة (ومن هنا جه عنوان المدونة كلها) في المحاولة المستميتة في اثبات انها لا فاشلة ولا لايصة ولا حاجة...الموضوع كله انها ام لاول مرة بلا خبرة ولا استعداد للتحويل الكامل من حياة روتينية ثابت فيها مواعيد النوم والاكل والشغل الى حياة مفيش اي حاجة ثابته فيها غير اسمها والزن المستمر بلا سبب مفهوم!...ومجتمعها صنفها بلا اي ارادة ولا حتى خدوا رأيها!...الام الجديدة دي فريسة بجد...بتكون شخصية مهزوزة لانها لاول مرة بتواجه مسئولية كائن حي لوحدها...لو محستش بحاجة "المفروض" تحس بيها يبقى معندهاش قلب...لو محستش بشلال مشاعر جارفة اتجاه ابنها اول ما يتولد وشافته حاجة غريبة واستغربته تبقى ام جاحدة (مش ام اصلا) وربنا هاياخده من وشها علشان تحس بجد بقى ساعتها!!! لو مخافتش لما ابنها يتخبط يبقى قلبها عليه مراوح...لو كسلت توديه عيد ميلاد تبقى ام نكدية...لو اتدبست في حضانة وحشة يبقى ام بخيلة بتوفر تمن الحضانة الغالية...لو اشتغلت يبقى بتتهرب من المسئولية...لو مشتغلتش يبقى ام بروطة وهاتطلع زهقها على ابنها ومش بتساعد جوزها وعايشة في مياة البطيخ...لو حصل مشاكل بينها وبين جوزها واستحالت العيشة وطلبت الطلاق يبقى ام انانية مش بتفكر في مصلحة ابنها انه يطلع في بيت سوي بين اب وام ... ولو جوزها وحش وهيا قررت تكمل معاه علشان السبب السابق تبقى ام ضعيفة راضية على ابنها مناخ عائلي مريض!!!
صح؟ ولا انا غلطانة في حاجة؟
البرنسيس بتقلب لعروسة...ثم ام...ثم ام فاشلة...ثم زوجة مهملة...ثم ام عصبية وزوجة مهملة وعصبية....ثم ام مهملة وعصبية وزوجة غبية وهاتضيع جوزها منها...ثم الى انسانة مصابة بالاكتئاب ومهددة بالانفجار!!!!
ينفع كده؟ ليه بنصب كل المشاكل والمصايب والمسئولية على الست لوحدها؟ ليه الراجل يكون مسئول ماديا فقط والست تشيل باقي الحياة كلها على كتافها؟ ليه اي غلط من ناحية الراجل نحوله انه اصلا غلط الست وده مجرد رد فعل طبيعي من الزوج؟ لو الراجل خان مراته يبقى اكيد هي مهملة في نفسها وفيه...لو سهر بره البيت يبقى هي كئيبة ومش بتوفر له مناخ هادئ...لو نكدي يبقى الست هي اللى وش بومه واحبطت الغلبان جوزها...لو الراجل هج من البلد كلها ورفض ياخدها معاه في البلد دي يبقى هي اللى بتطلب كتير ومش هاتراعي ظروف الغربة! لو ام الراجل سممت عيشة الست يبقى اكيد الزوجة هي اللى استفزت الام الاول ولازم تفهم كويس ان ده ابنها!! (كلنا عارفين طبعا ان الست بتطلع هدية في كيس الشيبسي العائلي وملهاش اهل!)
يا ترى في راجل مقدر الست بتعمل ايه؟ في راجل عنده جملة غير "امال عايزين تدخلوا الجنة ببلاش؟" لما الست تحاول (قطع لسانها) تفضفض شوية من التعب اللي هيا فيه؟ في راجل مقالش لمراته "هوا انتى على طول كده بتشتكي ومش بتحمدي ربنا؟" لما انهارت تحت ضغوط الحياة والمسئولية التقيلة؟ في راجل حاول يشيل من على مراته حاجة بشكل مستمر مش مجرد مرة علشان يسكتها بيها والسلام؟ في راجل مهددش مراته بغضب ربنا عليها لو اتجرأت واشتكت من عيالها وانها فعلا مش قادرة تستحمل "احمدي ربنا بدل ما يروحوا خالص منك"؟ في راجل احتوى مراته لما يجيلها اكتئاب؟ في راجل بيعذر مراته لما تعيط ومايقولهاش "بطلي زن! ايه الفقر ده؟" في راجل اصلا اعترف بمسئولية خطا عمله مع اولاده ومرماش اللوم على امهم بحجه انه على طول مشغول؟...في ست بتعيط قدام جوزها اصلا؟ في زوج حاول يخرج مراته من دائرة الاكتئابة المغلقة؟
الست المطلوب منها تعمل كل حاجة في البيت وفي حياة جوزها واولادها ولا تشتكي ولا تحن لايام زمان لما كان عندها طموح ورؤية واضحة للحياة وخط مزهزه لمستقبلها...لما كل حاجة مبهجة في حياتها بيتم اختصارها...ايه المتوقع يعنى؟ لما الخروج يبقى مرة كل شهر (بتكلم عن الخروجات الحلوة اللى فعلا تأثر في الواحد مش زيارة المول الاسبوعية المملة!)...لما المصيف يبقى مع حماتها واهل جوزها ويتم الترتيب من السنة للسنة للرحلة الجماعية المريضة دي! لما زيارة السوبر ماركت الشهرية بقت تندرج تحت بند "الفسحة"...وزيارة الست لاهلها يبقى كرم كبير من الزوج ومن ضمن مميزاته "مش بيحرمك من اهلك"...لما سعر الحضانة او سعر المدرسة يبقى جميل الست تشيله على راسها من فوق....لما النوم الضهر شوية والراجل يقعد بعياله بقى يندرج تحت "زوج رائع ومتعاون"....لما الزيارة اليومين للقهوة تبقى اهم من مناقشة همومك ومشاكلك النفسية...لما الغسيل والطبيخ والتنضيف والعيال والمذاكرة والواجبات المدرسية والمواعين وتغيير الملايات وغسيل الستاير وتلميع الجزم وتلميع الشبابيك والنيش ونظام الشقة كله يندرج تحت "واجبات طبيعية غير قابلة للنقاش"...لما تطلب الست اي حاجة مادية من جوزها او تطمع في رحلة مميزة او حاجة غالية شوية لنفسها بيخلي منها ست طماعة ومش مقدرة ظروف جوزها فبالتالي هي بتخرس خالص...عايزين ست يبقى شكلها ايه؟ مبسوطة؟ سعيدة؟ مرحة؟ مبتسمة؟ متفائلة؟ متفهمة ظروف جوزها؟ ام هادية محتوية اولادها معنويا؟
اول مرحلة هي ست رافضة للاكتئاب واقناع نفسها ان كل الستات كده
وبعدين مرحلة التفكير في مميزات حياتها والاقتناع الزائف ان كل البيوت فيها مصايب بس محدش بيقول
وبعد كده مرحلة احلام اليقظة في وقت ما بين النوم والصحيان
ثم مرحلة احلام اليقظة قدام حوض المواعين
وبعد كده التخيلات الكاملة ورفض الواقع
ثم...اكتئاب حاد!!
حد عنده حل؟ انا شخصيا معنديش
ربنا يعيننا
ريم اسامة
https://www.facebook.com/groups/329904227056535/
وتتجوز البرنسيسة!!
شتَان بين اللى نشأت عليه وبين الواقع الاليم...وان كانت هاتفضل اول كام سنة متشعبطة بافكارها ودماغها العالية...متمسكة بهواياتها اللى بتسعدها...متمسكة باقل القليل من الخروجات مع صديقاتها وبجزء لا يستهان بيه من الشوبنج الشهري (ميك اب ولبس و جزم وكتب ومجلات حريمي وايشاربات وهدايا لصديقاتها في كل المناسبات)...وبعد فترة تختصر في الجزء الخاص بيها ده....يعنى بدل ما تجامل ب200 جنيه مثلا...هاتخليهم 100...بعد كده يبقوا 50...واحتمال في الاخر تقاطع اصحابها علشان البيت اولى بالفلوس دي!
والبرنسيسة تخلف وتبقى ام...ويبدا فصل هابط من حياتها كله اتهامات وتصنيف (ام كويسة - ام فاشلة - ام غبية - ام ضايعة - ام نايمة على ودانها - ام لايصة...الخ) لحد ما صفة منهم تلزق فيها وهيا تحاول بكل جهدها الفلفصة منها...وده مستحيل طبعا!
وتفضل الام الفاشلة (ومن هنا جه عنوان المدونة كلها) في المحاولة المستميتة في اثبات انها لا فاشلة ولا لايصة ولا حاجة...الموضوع كله انها ام لاول مرة بلا خبرة ولا استعداد للتحويل الكامل من حياة روتينية ثابت فيها مواعيد النوم والاكل والشغل الى حياة مفيش اي حاجة ثابته فيها غير اسمها والزن المستمر بلا سبب مفهوم!...ومجتمعها صنفها بلا اي ارادة ولا حتى خدوا رأيها!...الام الجديدة دي فريسة بجد...بتكون شخصية مهزوزة لانها لاول مرة بتواجه مسئولية كائن حي لوحدها...لو محستش بحاجة "المفروض" تحس بيها يبقى معندهاش قلب...لو محستش بشلال مشاعر جارفة اتجاه ابنها اول ما يتولد وشافته حاجة غريبة واستغربته تبقى ام جاحدة (مش ام اصلا) وربنا هاياخده من وشها علشان تحس بجد بقى ساعتها!!! لو مخافتش لما ابنها يتخبط يبقى قلبها عليه مراوح...لو كسلت توديه عيد ميلاد تبقى ام نكدية...لو اتدبست في حضانة وحشة يبقى ام بخيلة بتوفر تمن الحضانة الغالية...لو اشتغلت يبقى بتتهرب من المسئولية...لو مشتغلتش يبقى ام بروطة وهاتطلع زهقها على ابنها ومش بتساعد جوزها وعايشة في مياة البطيخ...لو حصل مشاكل بينها وبين جوزها واستحالت العيشة وطلبت الطلاق يبقى ام انانية مش بتفكر في مصلحة ابنها انه يطلع في بيت سوي بين اب وام ... ولو جوزها وحش وهيا قررت تكمل معاه علشان السبب السابق تبقى ام ضعيفة راضية على ابنها مناخ عائلي مريض!!!
صح؟ ولا انا غلطانة في حاجة؟
البرنسيس بتقلب لعروسة...ثم ام...ثم ام فاشلة...ثم زوجة مهملة...ثم ام عصبية وزوجة مهملة وعصبية....ثم ام مهملة وعصبية وزوجة غبية وهاتضيع جوزها منها...ثم الى انسانة مصابة بالاكتئاب ومهددة بالانفجار!!!!
ينفع كده؟ ليه بنصب كل المشاكل والمصايب والمسئولية على الست لوحدها؟ ليه الراجل يكون مسئول ماديا فقط والست تشيل باقي الحياة كلها على كتافها؟ ليه اي غلط من ناحية الراجل نحوله انه اصلا غلط الست وده مجرد رد فعل طبيعي من الزوج؟ لو الراجل خان مراته يبقى اكيد هي مهملة في نفسها وفيه...لو سهر بره البيت يبقى هي كئيبة ومش بتوفر له مناخ هادئ...لو نكدي يبقى الست هي اللى وش بومه واحبطت الغلبان جوزها...لو الراجل هج من البلد كلها ورفض ياخدها معاه في البلد دي يبقى هي اللى بتطلب كتير ومش هاتراعي ظروف الغربة! لو ام الراجل سممت عيشة الست يبقى اكيد الزوجة هي اللى استفزت الام الاول ولازم تفهم كويس ان ده ابنها!! (كلنا عارفين طبعا ان الست بتطلع هدية في كيس الشيبسي العائلي وملهاش اهل!)
يا ترى في راجل مقدر الست بتعمل ايه؟ في راجل عنده جملة غير "امال عايزين تدخلوا الجنة ببلاش؟" لما الست تحاول (قطع لسانها) تفضفض شوية من التعب اللي هيا فيه؟ في راجل مقالش لمراته "هوا انتى على طول كده بتشتكي ومش بتحمدي ربنا؟" لما انهارت تحت ضغوط الحياة والمسئولية التقيلة؟ في راجل حاول يشيل من على مراته حاجة بشكل مستمر مش مجرد مرة علشان يسكتها بيها والسلام؟ في راجل مهددش مراته بغضب ربنا عليها لو اتجرأت واشتكت من عيالها وانها فعلا مش قادرة تستحمل "احمدي ربنا بدل ما يروحوا خالص منك"؟ في راجل احتوى مراته لما يجيلها اكتئاب؟ في راجل بيعذر مراته لما تعيط ومايقولهاش "بطلي زن! ايه الفقر ده؟" في راجل اصلا اعترف بمسئولية خطا عمله مع اولاده ومرماش اللوم على امهم بحجه انه على طول مشغول؟...في ست بتعيط قدام جوزها اصلا؟ في زوج حاول يخرج مراته من دائرة الاكتئابة المغلقة؟
الست المطلوب منها تعمل كل حاجة في البيت وفي حياة جوزها واولادها ولا تشتكي ولا تحن لايام زمان لما كان عندها طموح ورؤية واضحة للحياة وخط مزهزه لمستقبلها...لما كل حاجة مبهجة في حياتها بيتم اختصارها...ايه المتوقع يعنى؟ لما الخروج يبقى مرة كل شهر (بتكلم عن الخروجات الحلوة اللى فعلا تأثر في الواحد مش زيارة المول الاسبوعية المملة!)...لما المصيف يبقى مع حماتها واهل جوزها ويتم الترتيب من السنة للسنة للرحلة الجماعية المريضة دي! لما زيارة السوبر ماركت الشهرية بقت تندرج تحت بند "الفسحة"...وزيارة الست لاهلها يبقى كرم كبير من الزوج ومن ضمن مميزاته "مش بيحرمك من اهلك"...لما سعر الحضانة او سعر المدرسة يبقى جميل الست تشيله على راسها من فوق....لما النوم الضهر شوية والراجل يقعد بعياله بقى يندرج تحت "زوج رائع ومتعاون"....لما الزيارة اليومين للقهوة تبقى اهم من مناقشة همومك ومشاكلك النفسية...لما الغسيل والطبيخ والتنضيف والعيال والمذاكرة والواجبات المدرسية والمواعين وتغيير الملايات وغسيل الستاير وتلميع الجزم وتلميع الشبابيك والنيش ونظام الشقة كله يندرج تحت "واجبات طبيعية غير قابلة للنقاش"...لما تطلب الست اي حاجة مادية من جوزها او تطمع في رحلة مميزة او حاجة غالية شوية لنفسها بيخلي منها ست طماعة ومش مقدرة ظروف جوزها فبالتالي هي بتخرس خالص...عايزين ست يبقى شكلها ايه؟ مبسوطة؟ سعيدة؟ مرحة؟ مبتسمة؟ متفائلة؟ متفهمة ظروف جوزها؟ ام هادية محتوية اولادها معنويا؟
اول مرحلة هي ست رافضة للاكتئاب واقناع نفسها ان كل الستات كده
وبعدين مرحلة التفكير في مميزات حياتها والاقتناع الزائف ان كل البيوت فيها مصايب بس محدش بيقول
وبعد كده مرحلة احلام اليقظة في وقت ما بين النوم والصحيان
ثم مرحلة احلام اليقظة قدام حوض المواعين
وبعد كده التخيلات الكاملة ورفض الواقع
ثم...اكتئاب حاد!!
حد عنده حل؟ انا شخصيا معنديش
ربنا يعيننا
ريم اسامة
https://www.facebook.com/groups/329904227056535/
No comments:
Post a Comment