لحق اربع سنين عدوا؟؟ يا ربى ده احنا لسه فاكرين الخناقات بالحرف!!
كل ما الست بتفتكر "موود" كاس العالم بيجيلها تقلص في المعدة ودربكة في الامعاء وشعور خفيف بالقئ!
كاس العالم....كاس الغم والمر! الرجالة في الفترة دي بتتحول من كائنات متكلمة...الى كائنات صامتة...الى كائنات متحجرة...الى متحجرة فقط من غير كائنات!
الراجل لما بيكون بيتفرج على ماتش مش بيرمش حتى! انا بخاف عينهم تنشف او مخهم من كتر الاستقبال فقط بلا اي محاولة للتفاعل مع الحياة يجيلهم خلل دماغي!
قبل الماتش بفترة يحذر اهل البيت كله "الماتش كمان نص ساعة...اللى عايز حاجة من دلوقتي يقول لانى مش هاقوم...واللى عايز حاجة من الاوضة ياخدها علشان مش عايز حد يعدى من قدامى كل شوية!!" منتهى الدكتاتورية! لان التليفزيون غالبا بيكون في حجرة المعيشة يعنى بتاعة العيلة كلها مش جناب المهراجا فقط (ده لو منزلش على القهوة يعنى وسابك تتفلقي بالعيال طول فترة المونديال). ولو جالك قلب وضميرك سمح لك تعدي من قدام التليفزيون هاتعدي زحف على بطنك زي افراد الصاعقة! مش بعيد الراجل يحيط منطقة التليفزيون باسلاك شائكة ويأجر قنَاص...اللى يعدي من الاسلاك الشائكة ياخد عيار بين عينه!
ويا ريتها بتيجي على الماتشات وخلاص....لا لازم يتفرح على اعادة الاهداف...استوديو التحليل...اجمل لقطات اليوم...وبيتنح اوي بقى وبينشكح وشبح ابتسامة لا يفارق وجهه مع لمعة غريبة في العين لما بيجمعوا لقطات تشجيع الستات في المدرجات!! المشكله كلها انه بيعامل مراته بجفاف شديد الفترة دي! (تفتكروا ليه؟ بسبب مقاصيف الرقبة اللى بيشجعوا؟)
خلال الماتشات (او بمعنى اخر لما النداهة بتنده له) تجيبي المسليات والمشروبات بلا اي صوت ولا تشتيت لانتباهه...تقطعي بطيخ وتحطي قدامه وانتى ساكتة....شاي...بيبسي...فيشار...شيبسي...الحاجة تتحط في مرمى العين وبس....وتغوري بره على طول او تقعدي من غير ما تفتحي بؤك!
الرجالة بتتضايق اوي مننا لو حاولنا نشاركهم الفرحة يعنى ونتفرج...لان الستات مش بتفهم في الكورة غير حاجة واحدة بس: لما الكورة تدخل الجون يبقى جون وتقول هييييه! بس كده! مرة كنت بتفرج مع بابا وجه جون وقلت له جووون! قالي ده دخل فينا!!! كان شكلي وحش اوي بصراحة :)
وممكن لو جوزك فنجري كده وفاكك جيبه وعمل اشتراك علشان يتفرج في بيته براحته علشان مواعيد الماتشات احيانا بتكون غير ادمية...فتلاقي اصحابه جايين عندك بدل ما يتفرجوا على القهوة بفلوس!! وانتى بقى تتحبسي مع العيال في اي اوضة ولا حتى الحمام! المهم تخفي من قدامهم وبس. وطبعا اصحابه بقى...لازم تجامليهم والحركات دي...ولما تتضايقي من كتر ما بيجيوا ومن كتر ما بتخدمي فيهم يقولك "ده الدين بيقولك نكرم الضيف!!" (الراجل استاذ في توظيف الدين لاغراضه الكروية) ... فاصحابه ييجوا ومنهم اللى بيجيب التسالي معاه ويا مصيبتك السودا لو حد فيهم جاب سوداني...الرجالة بتفرك السودانى في ايدها وتنفخ القشر! او يحطوا اتجاه الترابيزة ومش مهم بيطير فين او لو كان فعلا بيتحط على الترابيزة!
والسجاير بقى! لو اصحابه بيشربوا سجاير هاتلاقي كل واحد فيهم بيطفي في الكوباية اللى في ايده! ما في طفاية اهه يا بني ادمين! لا كل واحد عايز طفاية في حضنه...هوا لسه هايمد ايده؟ طول الماتش كلهم يشربوا حاجات ساقعة وشاي وفترة الاستراحة تلاقيهم طابور على الحمام!! بس سيبكوا من كل ده...المشكلة الحقيقية في الفرجة الجماعي دي هي الشتايم! بما ان الست محبوسة في اوضة جوا يبقى مش سامعه!
الرجالة انواع...بس كلهم لازم يتسلوا ساعة الماتش...لو الراجل بيحب الشيشة يبقى كل الماتشات على القهوة...ياخد الشيشة في احضانة الدافئة ويشد يشد يشد طول الماتش...لو اتحط له بدل المعسل قشر بطيخ مبشور مش هاياخد باله...اي حاجة يشد فيها ويطلع دخان بعصبية (اندماج بقى)...لو غاوي سجاير...اشتري شفاط جنب التليفزيون - وابقى حطي له حلة يطفي فيها علشان الطفاية مش هاتكفي! لو غاوي اكل يبىق ده يوم الدليفري طبعا...ولو بيحب الحلويات يبقى هاتي له كنافة شعر!
نصيحة يا حبيبتي....شوفي لك شقة ايجار جديد الشهر ده..لحد ما مونديال الخرس والنكد يخلص!
ريم اسامة
https://www.facebook.com/groups/329904227056535/
ويا ريتها بتيجي على الماتشات وخلاص....لا لازم يتفرح على اعادة الاهداف...استوديو التحليل...اجمل لقطات اليوم...وبيتنح اوي بقى وبينشكح وشبح ابتسامة لا يفارق وجهه مع لمعة غريبة في العين لما بيجمعوا لقطات تشجيع الستات في المدرجات!! المشكله كلها انه بيعامل مراته بجفاف شديد الفترة دي! (تفتكروا ليه؟ بسبب مقاصيف الرقبة اللى بيشجعوا؟)
خلال الماتشات (او بمعنى اخر لما النداهة بتنده له) تجيبي المسليات والمشروبات بلا اي صوت ولا تشتيت لانتباهه...تقطعي بطيخ وتحطي قدامه وانتى ساكتة....شاي...بيبسي...فيشار...شيبسي...الحاجة تتحط في مرمى العين وبس....وتغوري بره على طول او تقعدي من غير ما تفتحي بؤك!
الرجالة بتتضايق اوي مننا لو حاولنا نشاركهم الفرحة يعنى ونتفرج...لان الستات مش بتفهم في الكورة غير حاجة واحدة بس: لما الكورة تدخل الجون يبقى جون وتقول هييييه! بس كده! مرة كنت بتفرج مع بابا وجه جون وقلت له جووون! قالي ده دخل فينا!!! كان شكلي وحش اوي بصراحة :)
وممكن لو جوزك فنجري كده وفاكك جيبه وعمل اشتراك علشان يتفرج في بيته براحته علشان مواعيد الماتشات احيانا بتكون غير ادمية...فتلاقي اصحابه جايين عندك بدل ما يتفرجوا على القهوة بفلوس!! وانتى بقى تتحبسي مع العيال في اي اوضة ولا حتى الحمام! المهم تخفي من قدامهم وبس. وطبعا اصحابه بقى...لازم تجامليهم والحركات دي...ولما تتضايقي من كتر ما بيجيوا ومن كتر ما بتخدمي فيهم يقولك "ده الدين بيقولك نكرم الضيف!!" (الراجل استاذ في توظيف الدين لاغراضه الكروية) ... فاصحابه ييجوا ومنهم اللى بيجيب التسالي معاه ويا مصيبتك السودا لو حد فيهم جاب سوداني...الرجالة بتفرك السودانى في ايدها وتنفخ القشر! او يحطوا اتجاه الترابيزة ومش مهم بيطير فين او لو كان فعلا بيتحط على الترابيزة!
والسجاير بقى! لو اصحابه بيشربوا سجاير هاتلاقي كل واحد فيهم بيطفي في الكوباية اللى في ايده! ما في طفاية اهه يا بني ادمين! لا كل واحد عايز طفاية في حضنه...هوا لسه هايمد ايده؟ طول الماتش كلهم يشربوا حاجات ساقعة وشاي وفترة الاستراحة تلاقيهم طابور على الحمام!! بس سيبكوا من كل ده...المشكلة الحقيقية في الفرجة الجماعي دي هي الشتايم! بما ان الست محبوسة في اوضة جوا يبقى مش سامعه!
الرجالة انواع...بس كلهم لازم يتسلوا ساعة الماتش...لو الراجل بيحب الشيشة يبقى كل الماتشات على القهوة...ياخد الشيشة في احضانة الدافئة ويشد يشد يشد طول الماتش...لو اتحط له بدل المعسل قشر بطيخ مبشور مش هاياخد باله...اي حاجة يشد فيها ويطلع دخان بعصبية (اندماج بقى)...لو غاوي سجاير...اشتري شفاط جنب التليفزيون - وابقى حطي له حلة يطفي فيها علشان الطفاية مش هاتكفي! لو غاوي اكل يبىق ده يوم الدليفري طبعا...ولو بيحب الحلويات يبقى هاتي له كنافة شعر!
نصيحة يا حبيبتي....شوفي لك شقة ايجار جديد الشهر ده..لحد ما مونديال الخرس والنكد يخلص!
ريم اسامة
https://www.facebook.com/groups/329904227056535/
No comments:
Post a Comment