"وجعلنا من الماء كل شئ حي" صدق الله العظيم
المياة اساس الحياة...واساس كل حاجة...من غير مياة تموت كل الكائنات واحنا كمان طبعا. كلنا عارفين الكلام ده ومع ذلك اكتر حاجة بنهدر فيها بغباء هي المياة!
اهتم الاسلام بالماء ووردت كلمة ماء في القران 63 مرة وغالبا ورودها بمعنى النعمة
اهتم الاسلام بالماء ووردت كلمة ماء في القران 63 مرة وغالبا ورودها بمعنى النعمة
ونوبل اهدار المياة ممكن نسلمه للسادة البوابين! تلاقي ساعة العصاري البواب من دول مشمر ديل الجلابية وعمال يرسم احلامة بالخرطوم قدام العمارة! وعند سؤاله عن السبب يقولك "علشان تطري الجو يا بيه"! وتفهمه ان المياة دي حرام وان الحكومة صارفة جامد عليها علشان تعالجها وتبقى قابلة للشرب..حرام يروي بيها الاسفلت! ولا حياة لمن تنادي! يوارب بؤه حته كده...في شبه ابتسامة...وهوا مش فاهم اي حاجة وعايزك تمشي من قدامه علشان يكمل مشروع المزرعة السعيدة على رصيف العمارة !
برضه السادة البوابين الافاضل...الخرطوم ده علشان تسقى بيه الطين اللى في بلدكوا...مش علشان تغسل بيه العربيات "يوميا"...كمية المياة اللى بيتغسل بيها العربيات تخض! ما تملى جردل يا عم واغسل بيه...حتى الخرطوم بيعمل بارومة في العربية حرام عليك! بس البواب مش عايز يتعب نفسه...بالخرطوم وفوطة حقيرة ينشف (او بمعنى اصح يليط) بيه العربية وكفاية...انتوا لسه هاتقرفوا الراجل! نفس البواب (الله يخرب بيته) اللى بياخد جردل كبير ويبدا من اعلى دور في العمارة يملى الجردل من اي ساكن ويدلقه على السلم وينزل للناس اللى تحت وهكذا...متخيلين كام جردل مياة اتدلق على السلم علشان يتمسح؟ طبعا موضوع الجردل ده لو مكنش في خرطوم طويل يطلع من المنور لاخر دور! نفس الفئة برضه بتسيب الخرطوم مفتوح وهما بيغسلوا سجاجيد السكان في العمارة...ماشي انا موافقة ان الخرطوم تستعمله في حالة السجاجيد...بس وانت بتدعكها بالفرشاة...اقفله! ليه تخليه مفتوح يرطب رجليك؟؟؟
ونفس البيه الباشمهندس رفع الله قدره - البواب - بيسيب المياة مفتوحة في الجنينة (لو في جنينه او لو كان بواب على فيلا) لحد ما يعمل ترعة المنصورية! حرام والله العظيم كمية هدر المياة دي يوميا وبشكل فج ومبالغ فيه. المفروض البواب مايكونش عنده خرطوم اصلا..بما الفئة دي جاهلة ومش فاهمة حاجة ورافضة تفهم...يبقى يتشال منهم الخرطوم..على وعسى بدل الكلام معاهم مش جايب نتيجة!
يا ريت كل ست بيت وكل راجل يتمم على وصلات السباكة والمواسير الخارجية والداخلية...لان التسريب حتى لو نقط بسيطة بيعتبر اهدار برضه ولو كل بيت بينقط فيه كوباية مياة يوميا - شوفوا في سنة كمية المياة اللى بتروح قد ايه!
البلد بتصرف كتير اوي على تنقية ومعالجة مياة النيل لتصبح قابلة للاستعمال...واحنا بكل برود نرميها في المجاري! حرام والله - ربنا هايحسبنا.. ده في بلاد تتمنى ربع النيل!
ومن اشكال الاهدار برضه ان واحد يكون بيشرب سيجارة مثلا ويحدف العقب في التواليت ويشد السيفون...يعنى علشان عقب سيجارة تدلق فوقيه كام لتر مياة؟؟ مش حرام الكلام ده؟!
من فضلكم يا جماعة....تعالوا نبدا صفحة جديدة من الترشيد في المياه...بجد ده لازم يكون مشروع قومي...بدل ما تفتحي الحنفية على الخضار يتغسل...انقعيه! وبدل ما تفتحي المياة على اعلى حاجة ساعة الاستحمام...خليها على البطئ شوية..اصله مش خرطوم مطافي...ده دش!
في حاجة تانية مهمة اوي اوي اوي...عند سماع خبر ان المياة هاتقطع...مفيش اي داعي تملي البانيو كله مياه! هاتعملي ايه بكل ده؟ هاتحمي فيل؟ الافضل ملئ زجاجات او طبق غسيل متوسط او صغير بالمياة...لان لما المياة تيجي وحد حب يستحمى اسهل حاجة هاتتعمل انه يفتح البلاعة ويفضيه كله في المواسير! انما لو في طبق خارجي ممكن جدا نستعمله في مياة التنضيف (المسح يعنى) او يتدلق في التواليت حتى بدل استخدام السيفون لحد ما المياة المتخزنة دي كلها تخلص وبعدين نستعمل السيفون تانى!
انا عارفة ان ناس كتير بتتريق عليا دلوقتي وهما بيقروا المقال ده...ولكن الموضوع مهم مش تهريج!
عند الوضوء...افتح الحنفية ورجلك على الحوض فعلا...مش تفتحها وبعدين تطلعها...ولما تيجي تغسل الرجل التانية...اقفل الحنفية وبعدين افتحها تانى. حاجة مملة صح؟ انا معاكوا...بس مش هاننسى ان الرسول اوصانا بالاقتصاد في المياة حتى لو كان الوضوء على نهر جار.
الخلاصة...خدوا بالكوا من المياة بدل ما يجي وقت نلاقي البؤ منها بدولار! دي نعمة من ربنا!
ريم اسامة
برضه السادة البوابين الافاضل...الخرطوم ده علشان تسقى بيه الطين اللى في بلدكوا...مش علشان تغسل بيه العربيات "يوميا"...كمية المياة اللى بيتغسل بيها العربيات تخض! ما تملى جردل يا عم واغسل بيه...حتى الخرطوم بيعمل بارومة في العربية حرام عليك! بس البواب مش عايز يتعب نفسه...بالخرطوم وفوطة حقيرة ينشف (او بمعنى اصح يليط) بيه العربية وكفاية...انتوا لسه هاتقرفوا الراجل! نفس البواب (الله يخرب بيته) اللى بياخد جردل كبير ويبدا من اعلى دور في العمارة يملى الجردل من اي ساكن ويدلقه على السلم وينزل للناس اللى تحت وهكذا...متخيلين كام جردل مياة اتدلق على السلم علشان يتمسح؟ طبعا موضوع الجردل ده لو مكنش في خرطوم طويل يطلع من المنور لاخر دور! نفس الفئة برضه بتسيب الخرطوم مفتوح وهما بيغسلوا سجاجيد السكان في العمارة...ماشي انا موافقة ان الخرطوم تستعمله في حالة السجاجيد...بس وانت بتدعكها بالفرشاة...اقفله! ليه تخليه مفتوح يرطب رجليك؟؟؟
ونفس البيه الباشمهندس رفع الله قدره - البواب - بيسيب المياة مفتوحة في الجنينة (لو في جنينه او لو كان بواب على فيلا) لحد ما يعمل ترعة المنصورية! حرام والله العظيم كمية هدر المياة دي يوميا وبشكل فج ومبالغ فيه. المفروض البواب مايكونش عنده خرطوم اصلا..بما الفئة دي جاهلة ومش فاهمة حاجة ورافضة تفهم...يبقى يتشال منهم الخرطوم..على وعسى بدل الكلام معاهم مش جايب نتيجة!
يا ريت كل ست بيت وكل راجل يتمم على وصلات السباكة والمواسير الخارجية والداخلية...لان التسريب حتى لو نقط بسيطة بيعتبر اهدار برضه ولو كل بيت بينقط فيه كوباية مياة يوميا - شوفوا في سنة كمية المياة اللى بتروح قد ايه!
البلد بتصرف كتير اوي على تنقية ومعالجة مياة النيل لتصبح قابلة للاستعمال...واحنا بكل برود نرميها في المجاري! حرام والله - ربنا هايحسبنا.. ده في بلاد تتمنى ربع النيل!
ومن اشكال الاهدار برضه ان واحد يكون بيشرب سيجارة مثلا ويحدف العقب في التواليت ويشد السيفون...يعنى علشان عقب سيجارة تدلق فوقيه كام لتر مياة؟؟ مش حرام الكلام ده؟!
من فضلكم يا جماعة....تعالوا نبدا صفحة جديدة من الترشيد في المياه...بجد ده لازم يكون مشروع قومي...بدل ما تفتحي الحنفية على الخضار يتغسل...انقعيه! وبدل ما تفتحي المياة على اعلى حاجة ساعة الاستحمام...خليها على البطئ شوية..اصله مش خرطوم مطافي...ده دش!
في حاجة تانية مهمة اوي اوي اوي...عند سماع خبر ان المياة هاتقطع...مفيش اي داعي تملي البانيو كله مياه! هاتعملي ايه بكل ده؟ هاتحمي فيل؟ الافضل ملئ زجاجات او طبق غسيل متوسط او صغير بالمياة...لان لما المياة تيجي وحد حب يستحمى اسهل حاجة هاتتعمل انه يفتح البلاعة ويفضيه كله في المواسير! انما لو في طبق خارجي ممكن جدا نستعمله في مياة التنضيف (المسح يعنى) او يتدلق في التواليت حتى بدل استخدام السيفون لحد ما المياة المتخزنة دي كلها تخلص وبعدين نستعمل السيفون تانى!
انا عارفة ان ناس كتير بتتريق عليا دلوقتي وهما بيقروا المقال ده...ولكن الموضوع مهم مش تهريج!
عند الوضوء...افتح الحنفية ورجلك على الحوض فعلا...مش تفتحها وبعدين تطلعها...ولما تيجي تغسل الرجل التانية...اقفل الحنفية وبعدين افتحها تانى. حاجة مملة صح؟ انا معاكوا...بس مش هاننسى ان الرسول اوصانا بالاقتصاد في المياة حتى لو كان الوضوء على نهر جار.
الخلاصة...خدوا بالكوا من المياة بدل ما يجي وقت نلاقي البؤ منها بدولار! دي نعمة من ربنا!
ريم اسامة
No comments:
Post a Comment