اكتر اوضة متمرطمة معانا ومتبهدلة ومتهانة في الشقة كلها هي غرفة المعيشة او الصالة او الليفينج living زي ما بتتقال دلوقتي
الاوضة دي غلبانة فعلا...اكل - شرب - تليفزيون - نوم على الكنبة - انتخة - لعب العيال - تنضيف الخضار - تطبيق الغسيل - القعدة على النت... اوضة بتاعه كله.
الغرفة دي بتكون في مكان متوسط من الشقة - قريبة من المطبخ والحمام واوض النوم...سنتر الشقة! تمتاز بالراحة من حيث الاثاث المودرن والمخدات الكتير والالوان المريحة وطبعا التليفزيون والتليفون الارضي واضاءة مريحة للعين (لا عالية زي الفكهانية ولا ضعيفة زي معظم الكافيهات) وطبعا لازم يكون في كذا فيشة لزوم شحن الموبايلات واللاب توب والتاب وعلشان المكنسة والتليفزيون والمروحة والدش وكشاف الطوارئ.
الليفينج مش مجرد مكان للجلوس فيه والفرجة على التليفزيون...الليفينج هو تانى اهم اوضة في الشقة (بعد اوضة النوم)...الاوضة دي هي محور اليوم...ترجع من الشغل تغير هدومك وتقعد في اليفينج...ترجع من بره عليها...العيال يرجعوا من المدرسة عليها...تصحى من النوم في الويك اند تطلع عليها...بعد ما تخلصي شغل البيت تستريحي فيها....لو كنتى لسه والدة فهاتكون حياتك فيها ليل نهار...ناس كتير بياكلوا فيها قدام التليفزيون.
فيها المجلات والجرايد...وضروري السجادة تكون غامقة علشان البقع بتاعه كل يوم...عصير مدلوق...شوربة...طبيخ...حاجة ساقعة...فاكهة...والعيال لازم بينسوا الوان فلوماستر مفتوحة على السجادة دي...فمن الافضل لك تكون السجادة صوف طبيعي وغامقة. هيا هاتبقى غالية علشان طبيعي بس هاترتاحي من الغسيل كل اسبوع! السجاد الطبيعي مش بيلزق فيه القرف زي الصناعي!
والافضل تكون الفيش مرتفعة في الاوضة دي علشان الاطفال...او هاتسديهم او تلزقي عليهم بلاستر علشان الكتاكيت بيحطوا صوابعهم اوي اي حاجة رفيعة في الفيشة. الفضول لا دين له!
والافضل يكون الكنب على الارض من غير رجلين...يا كل شوية هاتنبطحي على بطنك تجيبي اللى اتدحرج تحت...واللعب الصغيرة لا نهاية لها!
لما تجيبي تكييفات للشقة اول مكان بعد اوضة النوم يتحط فيه هو الاوضة دي.. طبعا الستات هاتقول احط في المطبخ احسن...انا برضه نفسي احط في المطبخ!
ضروري يكون في متناول اليد مناديل...وايبس wipes...فوطة...فوطة مطبخ نضيفة (للعصير والبيض والكورن فليكس وخلافه اللى بيتدلق).
غالبا بيكون في مخابئ في الليفينج...علشان الريموت يستخبى من اولادك اللى مغرمين اوي بالزراير....يا نفسهم يخرجوها من مكانها...او يدفسوها جوا ببوز قلم! او يكتبوا عليها!! زي ورا الشلت....او تحتيها...او جوا الكنبة شخصيا. وبيكون قريب منك مياة...ولبان او بونبوني! وقصافة وفرشاة شعر...والليفينج ده مقبرة الشباشب والكوبايات! تقريبا محدش بيطلع منه حاجة...اي حاجة في الليفينج بتنفع!
دي اكتر اوضة بتاخد مجهود من الست...تتنضف كل كام ساعة وتتروق ويتشال الورق والمناديل منها وتفضي الباسكيت...واخر اليوم تقعد مش اقل من نص ساعة ترجعها لشكلها الادمي علشان تتفرم مرة تانية تاني يوم!
ايه اللى هايحصل لو في البيت كذا ليفينج؟ واحدة ليكي وواحدة لجوزك...وزريبة للعيال؟؟ والزريبة دي يبقى فيها مرتبة على الارض والحيطان رخام...اخر اليوم تشيلي المرتبة وتولعي في كل اللى في الاوضة...وبعد كده بالمكنسة تشيلي الرماد وترشي مياه وترجعي المرتبة تاني....احلام يقظة معلش!! ربنا يصبرنا
ريم اسامة
https://www.facebook.com/groups/329904227056535/
فيها المجلات والجرايد...وضروري السجادة تكون غامقة علشان البقع بتاعه كل يوم...عصير مدلوق...شوربة...طبيخ...حاجة ساقعة...فاكهة...والعيال لازم بينسوا الوان فلوماستر مفتوحة على السجادة دي...فمن الافضل لك تكون السجادة صوف طبيعي وغامقة. هيا هاتبقى غالية علشان طبيعي بس هاترتاحي من الغسيل كل اسبوع! السجاد الطبيعي مش بيلزق فيه القرف زي الصناعي!
والافضل تكون الفيش مرتفعة في الاوضة دي علشان الاطفال...او هاتسديهم او تلزقي عليهم بلاستر علشان الكتاكيت بيحطوا صوابعهم اوي اي حاجة رفيعة في الفيشة. الفضول لا دين له!
والافضل يكون الكنب على الارض من غير رجلين...يا كل شوية هاتنبطحي على بطنك تجيبي اللى اتدحرج تحت...واللعب الصغيرة لا نهاية لها!
لما تجيبي تكييفات للشقة اول مكان بعد اوضة النوم يتحط فيه هو الاوضة دي.. طبعا الستات هاتقول احط في المطبخ احسن...انا برضه نفسي احط في المطبخ!
ضروري يكون في متناول اليد مناديل...وايبس wipes...فوطة...فوطة مطبخ نضيفة (للعصير والبيض والكورن فليكس وخلافه اللى بيتدلق).
غالبا بيكون في مخابئ في الليفينج...علشان الريموت يستخبى من اولادك اللى مغرمين اوي بالزراير....يا نفسهم يخرجوها من مكانها...او يدفسوها جوا ببوز قلم! او يكتبوا عليها!! زي ورا الشلت....او تحتيها...او جوا الكنبة شخصيا. وبيكون قريب منك مياة...ولبان او بونبوني! وقصافة وفرشاة شعر...والليفينج ده مقبرة الشباشب والكوبايات! تقريبا محدش بيطلع منه حاجة...اي حاجة في الليفينج بتنفع!
دي اكتر اوضة بتاخد مجهود من الست...تتنضف كل كام ساعة وتتروق ويتشال الورق والمناديل منها وتفضي الباسكيت...واخر اليوم تقعد مش اقل من نص ساعة ترجعها لشكلها الادمي علشان تتفرم مرة تانية تاني يوم!
ايه اللى هايحصل لو في البيت كذا ليفينج؟ واحدة ليكي وواحدة لجوزك...وزريبة للعيال؟؟ والزريبة دي يبقى فيها مرتبة على الارض والحيطان رخام...اخر اليوم تشيلي المرتبة وتولعي في كل اللى في الاوضة...وبعد كده بالمكنسة تشيلي الرماد وترشي مياه وترجعي المرتبة تاني....احلام يقظة معلش!! ربنا يصبرنا
ريم اسامة
https://www.facebook.com/groups/329904227056535/
