الحظر متطبق على الراجل والست والطفل والعربية وكل حاااااااااجة :)
بالتالي الراجل بيقعد في البيت من المغرب .... ولا الفلاحين زمان...بس احسن يستاهلوا :)
الستات بقى مش فارق معاهم اوي علشان كده كده قاعدين في البيت بعد الضهر (معظم الايام يعنى) بالعيال...دلوقتي الراجل مجبر يقعد مع العيال في البيت...يستحمل الدوشة والطلبات والزن وزعيق امهم وكمان يستحمل ان التليفزيون مش بتاعه لوحده وكتير لازم يشغلوا قنوات اطفال وكارتون!
الراجل حاليا حاسس انه محبوس ومخنوق ومجبر على حاجات كتير مش بيحبها...الست بقى سعيدة انه متعكنن :) الله؟ اشمعنى هيا بتعكنن في البيت مع العيال لوحدها - هوا يرجع من الشغل ياكل وينام وينزل في كثير من الايام! خليه يدوق من برطمان الحنضل هوا كمان!
لقيت كتير اوي من اصحابي كانوا شمتانين في اجوازهم اول كام يوم من الحظر بس دلوقتي بيقولوا يا رب يتفك بقى والرجالة تخرج الشارع تانى
ليه يا ولية انتى وهيا ؟ مش كنتوا فرحانين ايه اللى حصل!
الرجالة بقت تاخد بالها من كل كوباية مش في مكانها وكل طبق مش مغسول ومن شراشيب السيجادة اللى مش متساوية ومن الاكلة اللى اتلسعت واللحمة اللى بتشد ومش مستوية ومن الاكلة اللى شاطت واترمت في الزبالة في الخباثة ومن الملح الزيادة في الارز والسلاطة ناقصة زيت وهكذا...قبل الحظر كان بياكل وخلاص - واقع جوع وتعبان ومش فاضي يدقق...دلوقتي فاضي بقى و"الفاضي يعمل قاضي" زي ما بنقول
واحدة صاحبتي قالت لي"يقطع الحظر وسنينه....ده مش بيقعد على كرسي عمال رايح جاي جاي رايح في الشقة زي الحصان!!! يعنى لما يتمشى هايختصر ساعتين من الحظر؟ دي عيشة تقرف!!"
وواحدة تانية جوزها بقى مركز في كل لقمة بتدخل بؤها ويقولها "علشان كده عرفت انتى بتتخني من ايه"
والرجالة اللى لاحظت ان (سبحان الله) عياله مش مؤدبين! "لازم اعادة تربية !! اهتمي شوية بيهم مش هاينفع السفالة اللى هما فيها دي"
والراجل اللى ينزل يقف تحت العمارة!! طيب بتقف في الشارع ليه يا بن الحلال ماتطلع! "انا مخنووووووووووووق!!"
الرجالة محسسني ان الكنب والكراسي في البيت كلها ازاز مكسر مش قادرين يقعدوا
على العموم للحظر برضه فوايد
الست بتستهبل وتسيب العيال في نفس الاوضة اللى جوزها فيها وتروح تشم نفسها لوحدها شوية...انشالله تعمل حتى شغل البيت والغسيل من غير العيال في ديلها ومن غير طلبات كتير
العيال حست بابوهم اكتر بما انه قاعد ومفيش مجال للفلفصة وبيطلبوا منه يلعب معاهم وهوا طبعا لازم يلبى رغباتهم...ماهم اطفال وملهمش ذنب في الزهق ده
الراجل بيقدر اوي الست اللى تظبطه بكوبايه حاجة ساقعة بالتلج في ساعات الحظر الحارة دي..او شوية فيشار...شوية لب وسودانى...كيكة حلوة...ساندوتش عسل بالقشطة...مج نسكافيه او شاي بالنعناع...اي حاجة مزاج كده ....بيحس انها مهتمه بيه ومراعية ظروفه :)
القهاوى بقى الله ينور شغاااالة ناااار في الشوارع المتفرعة (مش الرئيسية) والرجالة بقوا حريفة تزويغ من الشوارع الخلفية من الكمائن...مفيش فايدة..بس نرجع ونقول انهم مش بيتاخروا زي الاول!
الراجل في الحظر بقى حاسس بمراته وانها محبوسة بالشكل القذر ده على طول ...مش موضوع ظروف طارئة في البلد وهاتخلص...لا ...فيوم الاجازة بالنهار بيفسحها هيا والعيال...بيفسحها من قلبه!!
لقيت كتير اوي من اصحابي كانوا شمتانين في اجوازهم اول كام يوم من الحظر بس دلوقتي بيقولوا يا رب يتفك بقى والرجالة تخرج الشارع تانى
ليه يا ولية انتى وهيا ؟ مش كنتوا فرحانين ايه اللى حصل!
الرجالة بقت تاخد بالها من كل كوباية مش في مكانها وكل طبق مش مغسول ومن شراشيب السيجادة اللى مش متساوية ومن الاكلة اللى اتلسعت واللحمة اللى بتشد ومش مستوية ومن الاكلة اللى شاطت واترمت في الزبالة في الخباثة ومن الملح الزيادة في الارز والسلاطة ناقصة زيت وهكذا...قبل الحظر كان بياكل وخلاص - واقع جوع وتعبان ومش فاضي يدقق...دلوقتي فاضي بقى و"الفاضي يعمل قاضي" زي ما بنقول
واحدة صاحبتي قالت لي"يقطع الحظر وسنينه....ده مش بيقعد على كرسي عمال رايح جاي جاي رايح في الشقة زي الحصان!!! يعنى لما يتمشى هايختصر ساعتين من الحظر؟ دي عيشة تقرف!!"
وواحدة تانية جوزها بقى مركز في كل لقمة بتدخل بؤها ويقولها "علشان كده عرفت انتى بتتخني من ايه"
والرجالة اللى لاحظت ان (سبحان الله) عياله مش مؤدبين! "لازم اعادة تربية !! اهتمي شوية بيهم مش هاينفع السفالة اللى هما فيها دي"
والراجل اللى ينزل يقف تحت العمارة!! طيب بتقف في الشارع ليه يا بن الحلال ماتطلع! "انا مخنووووووووووووق!!"
الرجالة محسسني ان الكنب والكراسي في البيت كلها ازاز مكسر مش قادرين يقعدوا
على العموم للحظر برضه فوايد
الست بتستهبل وتسيب العيال في نفس الاوضة اللى جوزها فيها وتروح تشم نفسها لوحدها شوية...انشالله تعمل حتى شغل البيت والغسيل من غير العيال في ديلها ومن غير طلبات كتير
العيال حست بابوهم اكتر بما انه قاعد ومفيش مجال للفلفصة وبيطلبوا منه يلعب معاهم وهوا طبعا لازم يلبى رغباتهم...ماهم اطفال وملهمش ذنب في الزهق ده
الراجل بيقدر اوي الست اللى تظبطه بكوبايه حاجة ساقعة بالتلج في ساعات الحظر الحارة دي..او شوية فيشار...شوية لب وسودانى...كيكة حلوة...ساندوتش عسل بالقشطة...مج نسكافيه او شاي بالنعناع...اي حاجة مزاج كده ....بيحس انها مهتمه بيه ومراعية ظروفه :)
القهاوى بقى الله ينور شغاااالة ناااار في الشوارع المتفرعة (مش الرئيسية) والرجالة بقوا حريفة تزويغ من الشوارع الخلفية من الكمائن...مفيش فايدة..بس نرجع ونقول انهم مش بيتاخروا زي الاول!
الراجل في الحظر بقى حاسس بمراته وانها محبوسة بالشكل القذر ده على طول ...مش موضوع ظروف طارئة في البلد وهاتخلص...لا ...فيوم الاجازة بالنهار بيفسحها هيا والعيال...بيفسحها من قلبه!!
في النهاية نقول لولا الحظر مكناش اتجمعنا كلنا قدام التليفزيون ولا اتعشينا سوا كل ليلة ولا طفيناه وقعدنا نرغي في اي حاجة...ولا قعدنا مع العيال نلعب معاهم في الارض
هايحصل ايه بقى لو الراجل انتبه لبيته شوية من نفسه؟
ريم اسامة
