عايزة احيي باقي الناس اللى موصلتهمش التحية في المقال اللى فات "الفين سلام وتحية":
تحية لكل ست بتفتكر تطلع الفراخ تفك قبل الاكل بساعة!!
ولكل واحدة تعبانة جدا ولما تقول لجوزها هاموت من التعب يقولها "هوا احنا هانتغدى ايه النهاردة؟"
لكل واحد متخيل ان مراته لما تتعب تبقى كده بتدلع - ولما امه تسبل شوية بعينها يجري يدور على اسعاف!
لكل طفل بيتفنن في استفزاز امه!!!
لكل اللى مقتنع انه لما يشد شعرة بيضا من راسه هايطلع مكانها تلاته!!
لكل ست كل ما تضايق تدخل الحمام تشرب سيجارة!
لكل ست بتشيل ربع فرخة او دبوس او الاجنحة على جنب في الفريزر علشان ينفعها اخر الشهر
والستات اللى شايلة في شنطتها ابرة وفتلة
لكل ام بتجاهد علشان عيالها ماتشتمش ويجي جوزها بكل لا مبالاه يقولها "شفتي ابن الكلب عمل ايه؟" ولما تبرق له وتضايق يقولها "خلاص اسف - شفتي ابن الDOG عمل ايه؟" - ما العيال عارفة ان دوج يعنى كلب!!! رجالة عجيبة والله
لكل واحدة بتشتري ازازة سائل مواعين وتخبيها علشان جوزها بيتخانق معاها كل ما تقوله هات بريل معاك وانت جاي!
للرجاله اللى بيجيبوا ورد لمراتاتهم في كل مناسبة - بغض النظر ان الورد بيدبل والفلوس بتترمي في الارض (كلام الراجل اللي مش بيجيب ورد ده)
للست اللى بتشيل اكياس السوبر ماركت علشان تحط فيها زبالة
للراجل اللى بيشيل كل جزمه في علبها لحد ما الجزم تدوب!!
للست اللى بتخبي الفردة التانية من شراب جوزها لما الفردة الاولى تضيع!! اصلها مش ناقصة وجع دماغ
للست اللى بتستخدم فانلات جوزها القديمة لتلميع الشبابيك!
للعيال اللى بترضى تدخل الحمام من نفسهم قبل ما يجيلهم انفجار في المثانة !!
لكل ست وبنت لسه بتشتغل اشغال ابرة (تريكو - كانافا - كروشيه)
لكل راجل لسه بيلعب شطرنج!! مش هاقول طاولة علشان متلئحة على كل القهاوي!
لكل واحدة مستعملتش كلمة "احبووش" السنة اللى فاتت!!
ولكل واحدة مالبستش فسفوري من اول الايشارب لحد الصندل - حتى المانيكير والروج يا جبابرة ؟!!
لكل واحدة بتيجي على نفسها ومتخليش جوزها يساعدها علشان الذل اللى بتشوفه بعد كده انه ساعدها وعملها وسوى لها
لكل واحد وواحدة مش بيحشروا كلام انجليزي زيادة عن اللزوم في كلامهم!!!
لكل واحدة بتقلع نضارة الشمس لما تدخل الموول!! قليلين اوي انا عارفة !!!
لكل واحد مش بيبين اللامؤاخذة (البوكسر) من بنطلونه!!
لكل العيال اللى بستمع ومش عاملين نفسهم طرش لما امهم تقولهم حاجة !! نادرين الوجود!!!!
ولكل العيال اللى مش بتصوت وهما بيستحموا! ولكل ام بتحمي العيال بتخاف لحسن العفاريت تيجي على صويت عيالها في الحمام
لكل بنت مش شايلة مراية في شنطتها!
لكل راجل مش حاطت مبسم الشيشة في عربيته!!
لكل طفل مش بيعر امه قدام الناس الغريبة (مش موجودين اصلا والتحية مش هاتوصل لحد فيهم)
لمل ام بتعلم عيالها ياكلوا بالشوكة والسكية مش بصوابعهم!!
لكل واحدة بتبدأ الدايت اول يوم في الاسبوع ولو اول يوم ده باظ بتستنى للاسبوع اللى بعده!! هوا كده لازم اول يوم يا ماينفعش!!
لكل ام لما تشتم عيالها في سرها تشتمهم بابوهم مش بنفسها :)
لكل راجل مش بيبرطم!!
لكل عيل مش بينام بعرض السرير!!
لكل ام مش بتحط مخدات كتير جنب عيالها وهما نايمين فيتدلقوا في الارض!
لكل طفل مش بيفضح كل حاجة بتحصل في بيته لاي حد غريب حتى بتاع الانابيب!!
لكل واحد بيحب بشتري كاش مش تقسيط!
لكل واحدة بتحب التقسيط علشان عارفة انها مش هاتحوش ولا مليم!!
لكل واحدة مقالتش لجوزها في الخناقة "كان يوم اسود لما اتجوزتك"
ولكل ام مقالتش لعيالها "انط من البلكونة علشان ترتاحووووووا؟؟"
لكل اب مقالش "اتلم يا هادور فيك الضرب!!"
لكل طفل مردش كلمة بكلمة على امه وابوه !!! (موجودين في مجلة ميكي بس!)
لكل جدة بتقتنع ان احفادها بياكلوا وبيشبوا!! (انا شخصيا مقابلتش ولا واحدة منهم)
لكل جد مقتنع ان احفاده بيتربوا كويس (كل الاجداد مقتنعين اننا جيل متخلف وفاشل حتى في تربية عيالنا)
لكل طفل مفضحش ابوه وامه في السوبر ماركت ومفرجش عليهم الخلق جميعا!!!
لكل طفل بيزهق من الدوشة اللى هوا شخصيا بيعملها! (لو حد فيكوا قابل حد منهم يقولي)
لكل ام مقتنعة ان عيالها مؤدبين!!! (حد وصله التحية دي؟)
لكل راجل بيقعد في الحمام اكتر ما بيقعد مع ابوه وامه ومراته!!
وكل راجل مش بينفخ ويتأفف ويتنرفز ويتعفرت لما مراته تدخل اي سوبر ماركت كبير معاه!! (انا عارفة ان السطر ده مصيرة الزبالة مش هايوصل لحد)
لكل حماة بتتقى ربنا في مرات ابنها!! مصير السطر ده مع اللى قبليه!
لكل مرات ابن بتتقى ربنا في حماتها !! مع السطرين اللى قبلك يا حبيبي ياللا في الزبالة!!
لكل راجل مقتنع ان مراته حلوة!! (الله يرحمهم كلهم ماتوا ابقوا اقروا لهم الفاتحة)
كل ست مش بتبص في بيوت غيرها وتحقد
كل راجل مش بيبص على عربية صاحبه ويتملى قلبه غل
تحية كبيييرة اوي اوي للست اللى مقتنعة ان جوزها مستحملها زي ما هيا مستحملاه
وتحية اكبر لكل ست مش بتتحشر في حياة ابنها الزوجية وبتهدي النفوس!!!
وتحية برضه لكل ست مش مستكترة على ابنها مرتبه انه يتصرف كله على مراته وبيته!
وكفاية تحيات كده بقى انا تعبت :)
ريم اسامة
https://www.facebook.com/groups/329904227056535/
لكل واحد متخيل ان مراته لما تتعب تبقى كده بتدلع - ولما امه تسبل شوية بعينها يجري يدور على اسعاف!
لكل طفل بيتفنن في استفزاز امه!!!
لكل اللى مقتنع انه لما يشد شعرة بيضا من راسه هايطلع مكانها تلاته!!
لكل ست كل ما تضايق تدخل الحمام تشرب سيجارة!
لكل ست بتشيل ربع فرخة او دبوس او الاجنحة على جنب في الفريزر علشان ينفعها اخر الشهر
والستات اللى شايلة في شنطتها ابرة وفتلة
لكل ام بتجاهد علشان عيالها ماتشتمش ويجي جوزها بكل لا مبالاه يقولها "شفتي ابن الكلب عمل ايه؟" ولما تبرق له وتضايق يقولها "خلاص اسف - شفتي ابن الDOG عمل ايه؟" - ما العيال عارفة ان دوج يعنى كلب!!! رجالة عجيبة والله
لكل واحدة بتشتري ازازة سائل مواعين وتخبيها علشان جوزها بيتخانق معاها كل ما تقوله هات بريل معاك وانت جاي!
للرجاله اللى بيجيبوا ورد لمراتاتهم في كل مناسبة - بغض النظر ان الورد بيدبل والفلوس بتترمي في الارض (كلام الراجل اللي مش بيجيب ورد ده)
للست اللى بتشيل اكياس السوبر ماركت علشان تحط فيها زبالة
للراجل اللى بيشيل كل جزمه في علبها لحد ما الجزم تدوب!!
للست اللى بتخبي الفردة التانية من شراب جوزها لما الفردة الاولى تضيع!! اصلها مش ناقصة وجع دماغ
للست اللى بتستخدم فانلات جوزها القديمة لتلميع الشبابيك!
للعيال اللى بترضى تدخل الحمام من نفسهم قبل ما يجيلهم انفجار في المثانة !!
لكل ست وبنت لسه بتشتغل اشغال ابرة (تريكو - كانافا - كروشيه)
لكل راجل لسه بيلعب شطرنج!! مش هاقول طاولة علشان متلئحة على كل القهاوي!
لكل واحدة مستعملتش كلمة "احبووش" السنة اللى فاتت!!
ولكل واحدة مالبستش فسفوري من اول الايشارب لحد الصندل - حتى المانيكير والروج يا جبابرة ؟!!
لكل واحدة بتيجي على نفسها ومتخليش جوزها يساعدها علشان الذل اللى بتشوفه بعد كده انه ساعدها وعملها وسوى لها
لكل واحد وواحدة مش بيحشروا كلام انجليزي زيادة عن اللزوم في كلامهم!!!
لكل واحدة بتقلع نضارة الشمس لما تدخل الموول!! قليلين اوي انا عارفة !!!
لكل واحد مش بيبين اللامؤاخذة (البوكسر) من بنطلونه!!
لكل العيال اللى بستمع ومش عاملين نفسهم طرش لما امهم تقولهم حاجة !! نادرين الوجود!!!!
ولكل العيال اللى مش بتصوت وهما بيستحموا! ولكل ام بتحمي العيال بتخاف لحسن العفاريت تيجي على صويت عيالها في الحمام
لكل بنت مش شايلة مراية في شنطتها!
لكل راجل مش حاطت مبسم الشيشة في عربيته!!
لكل طفل مش بيعر امه قدام الناس الغريبة (مش موجودين اصلا والتحية مش هاتوصل لحد فيهم)
لمل ام بتعلم عيالها ياكلوا بالشوكة والسكية مش بصوابعهم!!
لكل واحدة بتبدأ الدايت اول يوم في الاسبوع ولو اول يوم ده باظ بتستنى للاسبوع اللى بعده!! هوا كده لازم اول يوم يا ماينفعش!!
لكل ام لما تشتم عيالها في سرها تشتمهم بابوهم مش بنفسها :)
لكل راجل مش بيبرطم!!
لكل عيل مش بينام بعرض السرير!!
لكل ام مش بتحط مخدات كتير جنب عيالها وهما نايمين فيتدلقوا في الارض!
لكل طفل مش بيفضح كل حاجة بتحصل في بيته لاي حد غريب حتى بتاع الانابيب!!
لكل واحد بيحب بشتري كاش مش تقسيط!
لكل واحدة بتحب التقسيط علشان عارفة انها مش هاتحوش ولا مليم!!
لكل واحدة مقالتش لجوزها في الخناقة "كان يوم اسود لما اتجوزتك"
ولكل ام مقالتش لعيالها "انط من البلكونة علشان ترتاحووووووا؟؟"
لكل اب مقالش "اتلم يا هادور فيك الضرب!!"
لكل طفل مردش كلمة بكلمة على امه وابوه !!! (موجودين في مجلة ميكي بس!)
لكل جدة بتقتنع ان احفادها بياكلوا وبيشبوا!! (انا شخصيا مقابلتش ولا واحدة منهم)
لكل جد مقتنع ان احفاده بيتربوا كويس (كل الاجداد مقتنعين اننا جيل متخلف وفاشل حتى في تربية عيالنا)
لكل طفل مفضحش ابوه وامه في السوبر ماركت ومفرجش عليهم الخلق جميعا!!!
لكل طفل بيزهق من الدوشة اللى هوا شخصيا بيعملها! (لو حد فيكوا قابل حد منهم يقولي)
لكل ام مقتنعة ان عيالها مؤدبين!!! (حد وصله التحية دي؟)
لكل راجل بيقعد في الحمام اكتر ما بيقعد مع ابوه وامه ومراته!!
وكل راجل مش بينفخ ويتأفف ويتنرفز ويتعفرت لما مراته تدخل اي سوبر ماركت كبير معاه!! (انا عارفة ان السطر ده مصيرة الزبالة مش هايوصل لحد)
لكل حماة بتتقى ربنا في مرات ابنها!! مصير السطر ده مع اللى قبليه!
لكل مرات ابن بتتقى ربنا في حماتها !! مع السطرين اللى قبلك يا حبيبي ياللا في الزبالة!!
لكل راجل مقتنع ان مراته حلوة!! (الله يرحمهم كلهم ماتوا ابقوا اقروا لهم الفاتحة)
كل ست مش بتبص في بيوت غيرها وتحقد
كل راجل مش بيبص على عربية صاحبه ويتملى قلبه غل
تحية كبيييرة اوي اوي للست اللى مقتنعة ان جوزها مستحملها زي ما هيا مستحملاه
وتحية اكبر لكل ست مش بتتحشر في حياة ابنها الزوجية وبتهدي النفوس!!!
وتحية برضه لكل ست مش مستكترة على ابنها مرتبه انه يتصرف كله على مراته وبيته!
وكفاية تحيات كده بقى انا تعبت :)
ريم اسامة
https://www.facebook.com/groups/329904227056535/
No comments:
Post a Comment