الست بتتغير جدا بعد الجواز...ايوة احنا فعلا بنتغير وبنتحول وبنختلف وممكن اجيب لكم في مرادفات كتير بس في الاخر المعنى واحد!! الست قبل الجواز بتكون شيك ولطيفة وهادية ورقيقة الى حد ما (على حسب يعنى:) ) ومهتمة بالطرف الاخر (لان مفيش غيره يملى عليها حياتها واحتياجها العاطفي) وتهتم بنفسها علشان هو يشوفها احلى واحدة في الدنيا...وهو كمان بيفسحها ويجيب لها هدايا بين كل حين واخر حتى لو كانت هدايا بسيطة...بيفتكر يقولها شكرا ومن فضلك وبيقولها تسلم ايدك وربنا يخليكي ليا...ولما يخرجوا يقولها شكلك حلو اوي او لبسك شيك...او حلو اوي اللون ده عليكي.
بعد الجواز بفترة تبدا الست في الانشغال بالبيت والاكل والغسيل وتكون حريصة جدا ان البيت يكون منظم دايما وكل يوم اكل جميل يفتح النفس...وتصحى بدري عن جوزها علشان مايشوفهاش معمصة ولا منعكشة...وتغسل اسنانها اكيد قبل ما تتكلم معاه...وتحضر له لبسه والفطار ومش بعيد تحضر له الحمام كمان (معرفش بيتحضر ازاي بس سمعت ان في ستات بتحضر الحمام!!)
ويرجع من الشغل يلاقي البيت متروق وجميل ونضيف وهيا لابسة حاجة شفتشي كده والاكل ريحته واصلة للدور الارضى...ياكل ويتكلم معاها عن يومه وهيا تحكي له عن يومها ويتفرجوا على حاجة سوا...ومفيش مانع بالليل ينزلوا يتمشوا سوا في اي مكان او يقعدوا على اي كافيه او حتى كل واحد فيهم يعمل اللى على مزاجه (فيسبوك او يقرا كتاب او هيا تعمل كيكة)...الانشطة اللى ممكن يعملوها سوا لانهائية...والويك اند بيكون فرحة في حد ذاته...سفر او خروج كتير او مقابلة اصدقاء او زيارة للاهل....الخ.
والحلم الجميل بينتهى مع وصول اول طفل!!!!!
مش بقول ان الاطفال هم سبب انطفاء شعلة الشباب في الحياة الزوجية...لكن رفض الراجل انه يتأقلم على الوضع الجديد وانتظاره دائما للست الشيك الانيقة المبتسمة...بيكون في انتظار مراته الرشيقة المتجددة اللماحة...وللاسف الست اللى هو مستنيها دي...بقت ام!!
الامومة بتحول الست...بتعيد ترتيب اولوياتها واهتماماتها...مبقاش جوزها هو رقم واحد...ولا حتى رقم اتنين...الزوح بيتحدف لرقم عشرة....وهيا شخصيا بتتحدف لرقم عشرين!!!
في الاول كان كل اللى يهمها ماتكررش نفس الاكل مرتين في الاسبوع...ولو تقدر متكررش في نفس الشهر هاتعمل كده....كانت مهتمة اوي ان الحتة الشفتشي تكون لافتة للنظر...بعد الطفل الاول الست بيحصلها انيهار عقلي...صدمة المسئولية بتكون شديدة...بعد ما كانت بتنام في وقت معين وتصحى في وقت معين بقت تصحى وتنام بشكل عشوائي وده بيؤثر حتما على نفسيتها وعلى اتزانها...وممكن جدا متلحقش اصلا تعمل غدا او تسرح شعرها...ولو حصل وعملت اكل فبتعمل كمية كبيرة تقعد تلات ايام...فالراجل بعد ما كان بيلاقي اصناف على الغدا واشكال على العشا...بقى ياكل نفس الطبخة تلات ايام ورا بعض!! ولو مش عاجبه او ابدى اعتراضه ممكن جدا يسمع "افتح لك علبة تونة ولا كل ساندوتش جبنة او بيض"...والهدوم ممكن تتكوم فوق بعض على ما تفضى تحطهم في الغسالة (الاولوية بتكون لهدوم الطفل طبعا)...وبالتالي البيت وحياته معاها بتتغير جدا فجأة...كل الاهتمام والتميز بيروح...وهوا بدل ما يساعد مراته علشان تعدي المحنة دي..لا...هو بيعاقبها!!! وهنا بقى مربط الفرس!!
الراجل بيعاقب مراته نفسيا بسبب اهمالها له واللبيت....من غير ما يفكر هيا اتغيرت ليه....هوا شايف ان الطفل ده جه علشان ينكد عليه حياته وانها بتستعبط وعاملة ابنهم حجة علشان تطنشه...مع ان ده فعلا مش حقيقي خالص! الراجل لو حط الغسيل بنفسه في الغسالة وطلب منها تنشر...هيا مش هاتعترض والله....بس فكرة فرز الغسيل نفسها بشعة في ظل طفل بيزن ليل نهار!! الاطفال او لسنة بتكون كابوس للام بجد! فهو بدل ما يساعدها...لازم يحسسها بالتقصير والفشل في كل حاجة بداية من الغسيل نهاية بالطفح والنضافة..ولو في حاجة يقدر يعملها بنفسه وسهلة برضه مش بيعملها...بيفضل يرمي عليها ويحاسبها ويعاقبها على التقصير في حقه!! وهو متخيل ان الطريقة دي هاتخليها تتلم وتحترم نفسها وترجع زي الاول!
ويسمعها شوية جمل مسممة زي:
- فين القميص الفلانى؟
- فين فردة الشراب؟
- برضه بامية؟ هانفضل ناكل فيها كام يوم دي؟؟؟؟؟؟؟
- ده بذمتك منظر تستقبلي بيه جوزك بعد يوم شغل طويل؟؟؟
- فين الفانلات؟؟ برضه في الغسيل؟؟ دي بقالها اسبوع في الغسيل مش ممكن كده!!!
- فين السلاطة؟
- العيش بارد!
- امال بتعملي ايه طول النهار؟
- هوا انتى بس اللى خلفتي في الدنيا؟!!
- امال لو كان توأم كنتى عملتي ايه؟
- انتى على طول متعصبة كده علينا؟؟؟ جرى لك ايه؟؟؟
- يعنى لما يجي حد يزورنا دلوقتي والغسيل في الصالون...نقوله ايه؟!! ايه المنظر ده؟؟؟
- هيا الفوط بتتغير كل كام اسبوع علشان بس يبقى عندي فكرة؟
- لو كيس المخدة نطق هايشتمنا!! ما تغيريه؟ ده بياخد ثانية!!!
وهكذا...ولو الست اشتكت لحد او فضفضت مع اي ست تانية تسمع:
- ما عنده حق! مش كل حاجة ابنك لازم يكون في توازن بين البيت وجوزك!!
- خدي بالك الراجل مش بيستحمل كتير! خدي بالك منه قبل ما تندمى!! (ومحدش بيشرح يعنى ايه تندمى دي)
- خليه يجي في يوم كده يلاقيكي لابسة حاجة مشخلعه ومسرحة شعرك بدل الكنيش اللى انتى عاملاه ده
- ارقصي له!! (لا والله؟؟؟؟ طيب!!)
ومفيش مانع من شوية تريقة على هزار زي:
- خليه يمسكها يا فوزية...دي ايده اطرى من ايدك!!
- يعنى هوا ابنك بيعيط طول النهار والليل؟ لما ينام اهتمى بجوزك شوية...علشان كده غلط (اللي ايده في المياه مش زي اللى ايده في النار)
وتتوالى النصائح الغالية ومحدش فيهم بيفكر يتكلم مع الراجل ويقوله اهتم بمراتك شوية وانها بتمر بظروف صعبة وان وجود طفل معاها بيربكها جدا وان الست برضه مش سعيدة ولا راضية عن اداءها في حياتها...وخليه جدع وقد المسئولية ويشيل الطفل شوية ويديلها فرصة ترتاح ولا تروح تعمل شعرها ولا حتى تفرد ضهرها او تنام لها ساعة...ماهي لو مرتاحة هاتبقى احسن نفسيا وبالتالي هاينعكس على البيت وعلى بسلامته!!
ضروري الراجل يفهم ان بيجي على الست وقت بتحس بالفشل وفعلا محتاجة حد يساندها ويطمنها ويشجعها ويرجع لها ثقتها في نفسها...وبدل ما الراجل يهبط من معنوياتها ويحسسها ان انشغالها عنه يعتبر تقصير في مهامها الاساسية وفشلها كربة بيت وزوجة...لازم يشجعها ويشكرها على اي مجهود حتى لو كان بسيط...على الاقل على ما تعدي المرحلة الاولى الصعبة بعد الخلفة...او يهز طوله ويخدم نفسه ولا يساعدها في خدمة الطفل!!!
وبدل النصايح الغالية اللى برضه محتاجة مجهود اضافي من الست زي "ما ترقصى له يا فوزية"...خلي النصيحة "ساعد مراتك يا بجم وخلي عندك دم!!!"
مجتمع ذكوري ورخم صحيح!!!
ريم اسامة
https://www.facebook.com/groups/329904227056535/
الراجل بيعاقب مراته نفسيا بسبب اهمالها له واللبيت....من غير ما يفكر هيا اتغيرت ليه....هوا شايف ان الطفل ده جه علشان ينكد عليه حياته وانها بتستعبط وعاملة ابنهم حجة علشان تطنشه...مع ان ده فعلا مش حقيقي خالص! الراجل لو حط الغسيل بنفسه في الغسالة وطلب منها تنشر...هيا مش هاتعترض والله....بس فكرة فرز الغسيل نفسها بشعة في ظل طفل بيزن ليل نهار!! الاطفال او لسنة بتكون كابوس للام بجد! فهو بدل ما يساعدها...لازم يحسسها بالتقصير والفشل في كل حاجة بداية من الغسيل نهاية بالطفح والنضافة..ولو في حاجة يقدر يعملها بنفسه وسهلة برضه مش بيعملها...بيفضل يرمي عليها ويحاسبها ويعاقبها على التقصير في حقه!! وهو متخيل ان الطريقة دي هاتخليها تتلم وتحترم نفسها وترجع زي الاول!
ويسمعها شوية جمل مسممة زي:
- فين القميص الفلانى؟
- فين فردة الشراب؟
- برضه بامية؟ هانفضل ناكل فيها كام يوم دي؟؟؟؟؟؟؟
- ده بذمتك منظر تستقبلي بيه جوزك بعد يوم شغل طويل؟؟؟
- فين الفانلات؟؟ برضه في الغسيل؟؟ دي بقالها اسبوع في الغسيل مش ممكن كده!!!
- فين السلاطة؟
- العيش بارد!
- امال بتعملي ايه طول النهار؟
- هوا انتى بس اللى خلفتي في الدنيا؟!!
- امال لو كان توأم كنتى عملتي ايه؟
- انتى على طول متعصبة كده علينا؟؟؟ جرى لك ايه؟؟؟
- يعنى لما يجي حد يزورنا دلوقتي والغسيل في الصالون...نقوله ايه؟!! ايه المنظر ده؟؟؟
- هيا الفوط بتتغير كل كام اسبوع علشان بس يبقى عندي فكرة؟
- لو كيس المخدة نطق هايشتمنا!! ما تغيريه؟ ده بياخد ثانية!!!
وهكذا...ولو الست اشتكت لحد او فضفضت مع اي ست تانية تسمع:
- ما عنده حق! مش كل حاجة ابنك لازم يكون في توازن بين البيت وجوزك!!
- خدي بالك الراجل مش بيستحمل كتير! خدي بالك منه قبل ما تندمى!! (ومحدش بيشرح يعنى ايه تندمى دي)
- خليه يجي في يوم كده يلاقيكي لابسة حاجة مشخلعه ومسرحة شعرك بدل الكنيش اللى انتى عاملاه ده
- ارقصي له!! (لا والله؟؟؟؟ طيب!!)
ومفيش مانع من شوية تريقة على هزار زي:
- خليه يمسكها يا فوزية...دي ايده اطرى من ايدك!!
- يعنى هوا ابنك بيعيط طول النهار والليل؟ لما ينام اهتمى بجوزك شوية...علشان كده غلط (اللي ايده في المياه مش زي اللى ايده في النار)
وتتوالى النصائح الغالية ومحدش فيهم بيفكر يتكلم مع الراجل ويقوله اهتم بمراتك شوية وانها بتمر بظروف صعبة وان وجود طفل معاها بيربكها جدا وان الست برضه مش سعيدة ولا راضية عن اداءها في حياتها...وخليه جدع وقد المسئولية ويشيل الطفل شوية ويديلها فرصة ترتاح ولا تروح تعمل شعرها ولا حتى تفرد ضهرها او تنام لها ساعة...ماهي لو مرتاحة هاتبقى احسن نفسيا وبالتالي هاينعكس على البيت وعلى بسلامته!!
ضروري الراجل يفهم ان بيجي على الست وقت بتحس بالفشل وفعلا محتاجة حد يساندها ويطمنها ويشجعها ويرجع لها ثقتها في نفسها...وبدل ما الراجل يهبط من معنوياتها ويحسسها ان انشغالها عنه يعتبر تقصير في مهامها الاساسية وفشلها كربة بيت وزوجة...لازم يشجعها ويشكرها على اي مجهود حتى لو كان بسيط...على الاقل على ما تعدي المرحلة الاولى الصعبة بعد الخلفة...او يهز طوله ويخدم نفسه ولا يساعدها في خدمة الطفل!!!
وبدل النصايح الغالية اللى برضه محتاجة مجهود اضافي من الست زي "ما ترقصى له يا فوزية"...خلي النصيحة "ساعد مراتك يا بجم وخلي عندك دم!!!"
مجتمع ذكوري ورخم صحيح!!!
ريم اسامة
https://www.facebook.com/groups/329904227056535/
No comments:
Post a Comment