لما يكون عندك طفل واحد لاكتر من سنتين وبعدين تفكري تخلفي له "قرد" كمان - متلوميش غير نفسك!! اسهل حاجة يا تجيبيهم توأم ومبروك عليكي الجنان (بس ده مش بمزاجك طبعا)... يا تجيبي طفل واحد واستحملي سخافة الناس ورخامتهم في الحاحهم انك تخلفي تانى (مع ان ملهمش اي علاقة بالحوار اصلا!) - وده طبعا غير لما تخلفي اكتر من اتنين ومبروك عليكي الجنة من غير حساب!
من اسخف الحاجات اللى بنقابلها غيرة العيال الكبيرة من الفتافيت الصغيرين .... ولما عرفت انى حامل لغاية يوم الولادة وكل ما حد يقابلني يديني في نصايح علشان اقلل الفجوة النفسية عند الولد الكبير...وكنت بجيب مقالات واقراها في الموضوع ده واتبعت اللى اتقالي كله.
كله في الفشنك على فكرة بقى...برضه هايغير وبرضه هاينكد عليكي وبرضه هاتزهقي وتكرهي الخلفة واللى خلفوها وترجعي بكرهك لحياتك لورا لغاية ما تكرهي الجواز شخصيا او انك اتولدتي انثى مش ذكر! ما طبعا لو انتى كنتى راجل كنتى تخلفي عيال "بالشبرطح" ولا يهمك مين اللى يتعكنن عليه عيشته!
ومن امثال النكد اللى بنقابله مع "الشباشب" اللى مخلفينهم - وده من تجربتي انا واصحابي وقرايبي وجيراني والبشرية (مش انا بس علشان الناس الجميلة اللى بتوقع بيني وبين جوزي)...
- تلاقي العيل من دول يبص لك اوي في عينك كده ويعمل على نفسه!! ايوة يعمل على نفسه قصد وعند فيكي...وطبعا انتى واخدة تعليمات انك متزعقيش ولا تضربي في المرحلة الحرجة دي...بس بعد شوية بتلاحظي ان كل يوم احرج من اللى قبله والمرحلة بتوسع منك وبتبهوأ وفي الاخر بتضربي وتزعقي برضه...فزعقي من الاول وخلاص انتى برضه محتاجة تطلعي شوية طاقة سلبية في حد...واهو ابنك مش غريب :)
- لما تمسكي القطعة الصغيرة تلاقي الكبير لازق لك والحب بيشرشر منه والبوس والاحضان وا لسهوكة كلها ...ومهما تقولي "يا حبيبي/حبيبتي البابي عايز ياكل"...العيال بيجيلها صمم مؤقت مع شوية غباء مصطنع!
- تغيري للطفل الصغير تلاقي الكبير ناطط فوق اخوه او اخته او بكل بساطة يقف عند خرم ودن البابي ويزعق "اييييه القرف ده؟ عامل على نفسك؟" ... وانتى لسه حالا ماسحة مطرح الكارثة اللى عملها على نفسه! - اعملي نفسك ضيفة في البيت وعيب تزعقي لعيال غيرك وخلاص ! بدل ما تتجنني يعنى!
- وطبعا مش محتاجة انوه ان كل ما تأكلي الطفل الجديد او تغيري له او تشيليه علشان الزن الغير منقطع تلاقي الكبير يحلى له طلب "الحمام - عايز اشرب - عايز اكل - عايز عصير بتاع امبارح انتى ودتيه فين؟ - كان في كيس بنبوني من الشهر اللى فات هوا خلص ولا ايه؟ - عايز انام - عايز اغير هدومى - ماما الحقي دلقت على نفسي عصير ووقع على السجادة - ماما عايز كارتون غير ده - ماما موبايلك بيرن ومش هاجيبه!! - او اللى بيجيب لي انا حساسية "بصي يا ماما الحركة الجديدة" " وبتكون طبعا انه ينط على اخته!!!
- عند الناس اول ما حد يقول كلمة عن البابي الجديد تلاقي الاولانى من غير اي مقدمات حد صباعه في مناخيره!! تحاولي تقولي له بصوت واطي "حبيبي عيب كده شيل ايدك" فيشيل ايده وبضهر كف ايده يمسح مناخيره كلها في وشه - شكله بيكون عسسسل وشكلك بيكون بيئة موووووت . لان طبعا الناس هاتقول"ماهو طفل هايجيب يعنى الحركة دي منين الا لو كان شاف حد في البيت بيعملها!" - نصيحة: يا تقاطعي الناس يا تقطعي ايد ابنك قبل ما تزوروا حد!
- لو جهزتي كل حاجة ابنك او بنتك الكبيرة قبل ما تمسكي الصغير هاتلاقي برضه انك نسيتي حاجة هوا عايزها - ولو منسيتيش حاجة وجبتي كله حتى الفاكهة اللى مش بياكلها هاتلاقيه بيعيط ويزززن ويقولك "انا عايز اليوستفندي حتة واحدة قطعتيه ليه...الزقيه!" ولو جبتي واحدة جديدة خالص وقشرتيها بس - هايقولك مش عايزها انا عايزك تلزقي دي...وعيشي بقى نص ساعة في اليوستفندي اللى اتجرأتي وفصصتيه من غير اذن...وفي الاخر اصلا هاتفعصيه كله في شعره من النرفزة! نصيحة يابنتى سيبك من اليوستفندي خالص...خليكي في التفاح!
- ولو عملتي له حاجة جديدة علشان يحل عن نفوخك - وقلتي مثلا هاتعملي فيشار (مفيش لغوصة ولا يتدلق ولا يتفعص ولا اي حاجة اهه) ابنك اللطيف السكر هايسيب كل الطبق ويمسك في الذرة اللى متفتحتش واتحمصت ويقرقشه - والصوت ده بيعملك انفلات عصبي - وبعد ما يخلص الحصى اللى بيقرقشه ده هايقرقض في ضوافره ويتفها عليكي!! معلش يابنتى...كل ما يحصل كده قولي لنفسك كلها 12 ساعة وينام مش هايحصل حاجة!
- وممكن وانتوا عند الناس برضه - او ناس عندكوا وتكونى ماسكة طبق فيه جاتو او كيك او اي حاجة من هذا القبيل ان ابنك (اللى لازق فيكي طول ما انتى شايلة التاني) بكل تلقائية لما تقولي له تاكل يا حبيبي انه يضرب لك الطبق من تحت فالطبق باللي فيه يعمل براوليه في الهوا وينزل على السجادة! دلوقتي بيكون عندك ايد فاضية فممكن يكون لها استخدامين: يا تاكلي الواد قلم... يا تلطمى ...شوفي انتى ظروفك ساعتها بقى !
اكمل لكوا الجزء التانى بعدين بقى :)
http://www.facebook.com/groups/329904227056535/
ريم اسامة
من اسخف الحاجات اللى بنقابلها غيرة العيال الكبيرة من الفتافيت الصغيرين .... ولما عرفت انى حامل لغاية يوم الولادة وكل ما حد يقابلني يديني في نصايح علشان اقلل الفجوة النفسية عند الولد الكبير...وكنت بجيب مقالات واقراها في الموضوع ده واتبعت اللى اتقالي كله.
كله في الفشنك على فكرة بقى...برضه هايغير وبرضه هاينكد عليكي وبرضه هاتزهقي وتكرهي الخلفة واللى خلفوها وترجعي بكرهك لحياتك لورا لغاية ما تكرهي الجواز شخصيا او انك اتولدتي انثى مش ذكر! ما طبعا لو انتى كنتى راجل كنتى تخلفي عيال "بالشبرطح" ولا يهمك مين اللى يتعكنن عليه عيشته!
ومن امثال النكد اللى بنقابله مع "الشباشب" اللى مخلفينهم - وده من تجربتي انا واصحابي وقرايبي وجيراني والبشرية (مش انا بس علشان الناس الجميلة اللى بتوقع بيني وبين جوزي)...
- تلاقي العيل من دول يبص لك اوي في عينك كده ويعمل على نفسه!! ايوة يعمل على نفسه قصد وعند فيكي...وطبعا انتى واخدة تعليمات انك متزعقيش ولا تضربي في المرحلة الحرجة دي...بس بعد شوية بتلاحظي ان كل يوم احرج من اللى قبله والمرحلة بتوسع منك وبتبهوأ وفي الاخر بتضربي وتزعقي برضه...فزعقي من الاول وخلاص انتى برضه محتاجة تطلعي شوية طاقة سلبية في حد...واهو ابنك مش غريب :)
- لما تمسكي القطعة الصغيرة تلاقي الكبير لازق لك والحب بيشرشر منه والبوس والاحضان وا لسهوكة كلها ...ومهما تقولي "يا حبيبي/حبيبتي البابي عايز ياكل"...العيال بيجيلها صمم مؤقت مع شوية غباء مصطنع!
- تغيري للطفل الصغير تلاقي الكبير ناطط فوق اخوه او اخته او بكل بساطة يقف عند خرم ودن البابي ويزعق "اييييه القرف ده؟ عامل على نفسك؟" ... وانتى لسه حالا ماسحة مطرح الكارثة اللى عملها على نفسه! - اعملي نفسك ضيفة في البيت وعيب تزعقي لعيال غيرك وخلاص ! بدل ما تتجنني يعنى!
- وطبعا مش محتاجة انوه ان كل ما تأكلي الطفل الجديد او تغيري له او تشيليه علشان الزن الغير منقطع تلاقي الكبير يحلى له طلب "الحمام - عايز اشرب - عايز اكل - عايز عصير بتاع امبارح انتى ودتيه فين؟ - كان في كيس بنبوني من الشهر اللى فات هوا خلص ولا ايه؟ - عايز انام - عايز اغير هدومى - ماما الحقي دلقت على نفسي عصير ووقع على السجادة - ماما عايز كارتون غير ده - ماما موبايلك بيرن ومش هاجيبه!! - او اللى بيجيب لي انا حساسية "بصي يا ماما الحركة الجديدة" " وبتكون طبعا انه ينط على اخته!!!
- عند الناس اول ما حد يقول كلمة عن البابي الجديد تلاقي الاولانى من غير اي مقدمات حد صباعه في مناخيره!! تحاولي تقولي له بصوت واطي "حبيبي عيب كده شيل ايدك" فيشيل ايده وبضهر كف ايده يمسح مناخيره كلها في وشه - شكله بيكون عسسسل وشكلك بيكون بيئة موووووت . لان طبعا الناس هاتقول"ماهو طفل هايجيب يعنى الحركة دي منين الا لو كان شاف حد في البيت بيعملها!" - نصيحة: يا تقاطعي الناس يا تقطعي ايد ابنك قبل ما تزوروا حد!
- لو جهزتي كل حاجة ابنك او بنتك الكبيرة قبل ما تمسكي الصغير هاتلاقي برضه انك نسيتي حاجة هوا عايزها - ولو منسيتيش حاجة وجبتي كله حتى الفاكهة اللى مش بياكلها هاتلاقيه بيعيط ويزززن ويقولك "انا عايز اليوستفندي حتة واحدة قطعتيه ليه...الزقيه!" ولو جبتي واحدة جديدة خالص وقشرتيها بس - هايقولك مش عايزها انا عايزك تلزقي دي...وعيشي بقى نص ساعة في اليوستفندي اللى اتجرأتي وفصصتيه من غير اذن...وفي الاخر اصلا هاتفعصيه كله في شعره من النرفزة! نصيحة يابنتى سيبك من اليوستفندي خالص...خليكي في التفاح!
- ولو عملتي له حاجة جديدة علشان يحل عن نفوخك - وقلتي مثلا هاتعملي فيشار (مفيش لغوصة ولا يتدلق ولا يتفعص ولا اي حاجة اهه) ابنك اللطيف السكر هايسيب كل الطبق ويمسك في الذرة اللى متفتحتش واتحمصت ويقرقشه - والصوت ده بيعملك انفلات عصبي - وبعد ما يخلص الحصى اللى بيقرقشه ده هايقرقض في ضوافره ويتفها عليكي!! معلش يابنتى...كل ما يحصل كده قولي لنفسك كلها 12 ساعة وينام مش هايحصل حاجة!
- وممكن وانتوا عند الناس برضه - او ناس عندكوا وتكونى ماسكة طبق فيه جاتو او كيك او اي حاجة من هذا القبيل ان ابنك (اللى لازق فيكي طول ما انتى شايلة التاني) بكل تلقائية لما تقولي له تاكل يا حبيبي انه يضرب لك الطبق من تحت فالطبق باللي فيه يعمل براوليه في الهوا وينزل على السجادة! دلوقتي بيكون عندك ايد فاضية فممكن يكون لها استخدامين: يا تاكلي الواد قلم... يا تلطمى ...شوفي انتى ظروفك ساعتها بقى !
اكمل لكوا الجزء التانى بعدين بقى :)
http://www.facebook.com/groups/329904227056535/
ريم اسامة
No comments:
Post a Comment