الفيسبوك بقى ادمان رهيب...ادمان بمعنى الكلمة!
نصحى الصبح نفتح نشوف مين عمل كومنت ايه ولا حتى اضعف الايمان مين عمل لايك!
لو حطينا صورة جديدة لينا او لاولادنا او البوم اي مناسبة...مش بنهدى غير بعدها بيومين تلاته على ما تيجي كل التعليقات من الناس ونرد عليها....انا شخصيا لما بكون كاتبة مقالة جديدة كل شوية احب ابص حد عجبه الكلام ومين مش عاجبه وليه...ودايما بيكون في اقتراحات لمواضيع جديدة....في ايام المدونة بتكون واكلة دماغي زيادة عن اللزوم...وكله على الفيسبوك غالبا...فانا ادمنته برضه!
وفي اللى بيلعب لعبة معينة ومستنى يعدى كذا ساعة علشان المحصول يطلع او الطلقات تتجدد او الاكل يستوى...وهكذا.
صديقة بعتت لي من فترة مقالة لواحدة بتهاجم الفيسبوك واستخدامة. اختصار المقالة ان الفيسبوك خلى علاقاتنا باردة ببعض ومبقاش في ود اجتماعي ولا زيارات ولا حتى بنشوف بعض....وبقى مشاعرنا كلها بنعبر بيها بلايك او smiling face ...ولما نحب نوشوش حد بحاجة نكتبله رسالة خاصة!!
سيبوني بقى ارد براحتي علشان انا اتفقعت مرارتي!!!
اللى مش عاجبه الفيسبوك مايستعملوش...يعنى قبل ما يخترعوه كنا مقطعين الزيارات؟ كنا بنشوف اصحابنا كل يوم؟؟ ما كان في التليفون الارضى وكنا خاربينها فواتير!!! مش التليفون برضه وسيلة اتصال اجتماعي؟
النهاردة بقى هاتكلم عن فوايد حبيب قلبي الفيسبوك - وفي الاخر هاقول عيوبه علشان بس الواحد يبقى موضوعي
انا شخصيا رجعت اكلم اصحاب المدرسة اللى كل واحد فينا راح في حتة وفي منهم اللى ماشفتهاش من ايام الدراسة يعنى فوق العشر سنين!! كانت فترة جميلة جدا لما كل يوم اكتشف واحدة كانت معايا في الفصل واعملها اضافة وهيا تقبل ونرغي سوا ونفتكر في اللى فات...وبعد فترة نزلنا صور من ايام المدرسة وعملنا tag لبعض وهات يا رغي وضحك ومفارقات!! بالذمة من غير الموقع ده كنا هانتلم تانى؟ كنت هاعرفهم تاني؟...الاجابة لا طبعا!
مفيش حد فينا ملوش حد بره البلد...لو اصدقاء خلاص انسوا مش هاتعرفوا بعض تانى ...لو قرايب هانلاقي بقى شغل الجوابات ولما تحبوا تسمعوا صوت بقى هايبقى شرايط كاسيت...وعلشان ساعات بنستخسر نشتري شرايط فبنسجل على البوم قديم للمطربين بعد ما طبعا نشيل الورقة اللى عليها اسم الالبوم!! (وده بعد ما تلزق حتة سوليتيب على مكان حتة البلاستيك الصغيرة المكسورة اللى في قعر الشريط - لاعادة التسجيل ) ... انما دلوقتي كل يوم بتشوفوا بعض وكل يوم هات يا رغي وضحك وعارفين اخر اخبار بعض ونقول في نكت وايفيهات كمان....ونشوف احدث صور بعض.
يا ترى كم الاستفادة من الصفحات والgroups اللى الفيسبوك بسيط؟ لا طبعا ....لو حد ليه هواية او حد بيحب كتابات اديب ما...او حتى بيحب ممثل...بيدخل الصفحة بتاعته ويتابع اخر الاخبار او يتواصل مع زمايل "الهواية" الواحدة.
انا شخصيا من غير الفيسبوك مكنتش هاعرف انشر مقالاتي!! ولا كنت هاكوَن كمية الصداقات دي مع ناس عمري ما قابلتها ولكنى بحبهم جدا وكل يوم بنتكلم مع بعض...المدونة ليها الفضل في الكثير من صداقاتي! وكمان بعرف رأي الناس فيها بلا معاناه...اللى يقرا يقول حلو او وحش او مستواها مش اوي وكله في التوَ واللحظة ...وهكذا...ومناقشات بينهم وبيني...ولا كان حد هايقترح عليا موضوع شائك للمناقشة او للكتابة...وكنت هافضل اكتب للدرج لحد دلوقتي!!
لما الواحد يكون مخنوق ومش طايق نفسه ومش قادر يتكلم ولكن نفسه يفضفض مع حد....ادخل الفيسبوك...هات اللى انت عايز ترغي معاه في رسالة وهات يا كتابة لحد ما تهدى...واقفل....وهاتلاقي الرد مكتوب ....لانك فعلا مش قادر لا تتكلم ولا تسمع!
صور الزفاف والحفلات والمصايف والتجمعات العائلية وخروجات الاصدقاء...لازمتهم ايه لو مشاركتهمش مع اصحاب المناسبة؟؟؟ ملهمش لازمة!!! بعد الخروجة نحط الالبوم وتعليقات وضحك وتهييس...وتسجيل للابد للحظات جميلة...تسجيل مشترك مش احتكار لنفسك وخلاص!!!
يا ترى حد بيفتكر اعياد ميلاد قرايبه واصحابه كلهم؟ اكيد لا....انما الموقع بيفكرنا وبكده بيزيد الود...قبل الفيسبوك لو كان بيجيلك عشر مكالمات في عيد ميلادك يبقى انت محبووووب جدا واجتماعي من الدرجة الاولى...دلوقتي ممكن يجي خمسين تهنئة ..وكذلك في الاعياد ورمضان والمناسبات الخاصة....الخ!
ده اضعف الايمان لما الواحد يكون مخنوق ولا زهقان ولا اي حاجة سلبية من دي ويكتب حتة سطر اهبل ملوش قيمة...كفاية اوي تلاقي حد بيقولك مالك زعلان ليه؟ وفي اللى يبعت على الخاص يسئل فعلا في ايه...مش بعيد تلاقي حد مش في بالك بيتصل يطمن عليك...بدل ما نموت نفسنا من الاحباط!
لما نلاقي ناس نفس الدماغ اللاسعة وبتشاركنا اللسعان - ده شئ هايل وكله طاقة ايجابية :)
وياسلام بقى لما واحدة صحابتك تجيب لك عريس وتوريكي صورته وبروفايله ...بتتعرفي على جزء من حياته وشكله قبل ما تروحي يتفرج عليكي!! ده شئ هايل...لو فعلا قافلة من الشكل ومش هاينفع خلاص ...توفري على نفسك المجهود ووجع الاعصاب
وطبعا مش هاننسى دوره في الحياة السياسية والاحداث العالمية والاخبار الساخنة ...كله لحظة بلحظة....والاشاعااات اكيد برضه طبعا...والفيديوهات والصور المصاحبة للاخبار...وشيير في الخير :)))
بس من عيوبة انه بقى ادمان رهيب...لو حد قطع عنده النت بيكون حاسس باليتم والوحدة....من عيوبه برضه ان بعض الرجالة (ايوة الرجالة مش الستات لاننا برضه لا نستغنى عن الكلام في التليفون والرغي في وش بعض) ان في منهم بيطلع عليه بعض اعراض مرض التوحد!! والموبايل بقى اهم من الاكل بياخده في كل حتة ...حتى التواليت...حتى سوني الله يكرمهم عملوا موبايل ضد المياة علشان لو حد حب يبص على الفيس وهوا بيستحمى ولا حاجة!!!
ريم اسامة
https://www.facebook.com/groups/329904227056535/
سيبوني بقى ارد براحتي علشان انا اتفقعت مرارتي!!!
اللى مش عاجبه الفيسبوك مايستعملوش...يعنى قبل ما يخترعوه كنا مقطعين الزيارات؟ كنا بنشوف اصحابنا كل يوم؟؟ ما كان في التليفون الارضى وكنا خاربينها فواتير!!! مش التليفون برضه وسيلة اتصال اجتماعي؟
النهاردة بقى هاتكلم عن فوايد حبيب قلبي الفيسبوك - وفي الاخر هاقول عيوبه علشان بس الواحد يبقى موضوعي
انا شخصيا رجعت اكلم اصحاب المدرسة اللى كل واحد فينا راح في حتة وفي منهم اللى ماشفتهاش من ايام الدراسة يعنى فوق العشر سنين!! كانت فترة جميلة جدا لما كل يوم اكتشف واحدة كانت معايا في الفصل واعملها اضافة وهيا تقبل ونرغي سوا ونفتكر في اللى فات...وبعد فترة نزلنا صور من ايام المدرسة وعملنا tag لبعض وهات يا رغي وضحك ومفارقات!! بالذمة من غير الموقع ده كنا هانتلم تانى؟ كنت هاعرفهم تاني؟...الاجابة لا طبعا!
مفيش حد فينا ملوش حد بره البلد...لو اصدقاء خلاص انسوا مش هاتعرفوا بعض تانى ...لو قرايب هانلاقي بقى شغل الجوابات ولما تحبوا تسمعوا صوت بقى هايبقى شرايط كاسيت...وعلشان ساعات بنستخسر نشتري شرايط فبنسجل على البوم قديم للمطربين بعد ما طبعا نشيل الورقة اللى عليها اسم الالبوم!! (وده بعد ما تلزق حتة سوليتيب على مكان حتة البلاستيك الصغيرة المكسورة اللى في قعر الشريط - لاعادة التسجيل ) ... انما دلوقتي كل يوم بتشوفوا بعض وكل يوم هات يا رغي وضحك وعارفين اخر اخبار بعض ونقول في نكت وايفيهات كمان....ونشوف احدث صور بعض.
يا ترى كم الاستفادة من الصفحات والgroups اللى الفيسبوك بسيط؟ لا طبعا ....لو حد ليه هواية او حد بيحب كتابات اديب ما...او حتى بيحب ممثل...بيدخل الصفحة بتاعته ويتابع اخر الاخبار او يتواصل مع زمايل "الهواية" الواحدة.
انا شخصيا من غير الفيسبوك مكنتش هاعرف انشر مقالاتي!! ولا كنت هاكوَن كمية الصداقات دي مع ناس عمري ما قابلتها ولكنى بحبهم جدا وكل يوم بنتكلم مع بعض...المدونة ليها الفضل في الكثير من صداقاتي! وكمان بعرف رأي الناس فيها بلا معاناه...اللى يقرا يقول حلو او وحش او مستواها مش اوي وكله في التوَ واللحظة ...وهكذا...ومناقشات بينهم وبيني...ولا كان حد هايقترح عليا موضوع شائك للمناقشة او للكتابة...وكنت هافضل اكتب للدرج لحد دلوقتي!!
لما الواحد يكون مخنوق ومش طايق نفسه ومش قادر يتكلم ولكن نفسه يفضفض مع حد....ادخل الفيسبوك...هات اللى انت عايز ترغي معاه في رسالة وهات يا كتابة لحد ما تهدى...واقفل....وهاتلاقي الرد مكتوب ....لانك فعلا مش قادر لا تتكلم ولا تسمع!
صور الزفاف والحفلات والمصايف والتجمعات العائلية وخروجات الاصدقاء...لازمتهم ايه لو مشاركتهمش مع اصحاب المناسبة؟؟؟ ملهمش لازمة!!! بعد الخروجة نحط الالبوم وتعليقات وضحك وتهييس...وتسجيل للابد للحظات جميلة...تسجيل مشترك مش احتكار لنفسك وخلاص!!!
يا ترى حد بيفتكر اعياد ميلاد قرايبه واصحابه كلهم؟ اكيد لا....انما الموقع بيفكرنا وبكده بيزيد الود...قبل الفيسبوك لو كان بيجيلك عشر مكالمات في عيد ميلادك يبقى انت محبووووب جدا واجتماعي من الدرجة الاولى...دلوقتي ممكن يجي خمسين تهنئة ..وكذلك في الاعياد ورمضان والمناسبات الخاصة....الخ!
ده اضعف الايمان لما الواحد يكون مخنوق ولا زهقان ولا اي حاجة سلبية من دي ويكتب حتة سطر اهبل ملوش قيمة...كفاية اوي تلاقي حد بيقولك مالك زعلان ليه؟ وفي اللى يبعت على الخاص يسئل فعلا في ايه...مش بعيد تلاقي حد مش في بالك بيتصل يطمن عليك...بدل ما نموت نفسنا من الاحباط!
لما نلاقي ناس نفس الدماغ اللاسعة وبتشاركنا اللسعان - ده شئ هايل وكله طاقة ايجابية :)
وياسلام بقى لما واحدة صحابتك تجيب لك عريس وتوريكي صورته وبروفايله ...بتتعرفي على جزء من حياته وشكله قبل ما تروحي يتفرج عليكي!! ده شئ هايل...لو فعلا قافلة من الشكل ومش هاينفع خلاص ...توفري على نفسك المجهود ووجع الاعصاب
وطبعا مش هاننسى دوره في الحياة السياسية والاحداث العالمية والاخبار الساخنة ...كله لحظة بلحظة....والاشاعااات اكيد برضه طبعا...والفيديوهات والصور المصاحبة للاخبار...وشيير في الخير :)))
بس من عيوبة انه بقى ادمان رهيب...لو حد قطع عنده النت بيكون حاسس باليتم والوحدة....من عيوبه برضه ان بعض الرجالة (ايوة الرجالة مش الستات لاننا برضه لا نستغنى عن الكلام في التليفون والرغي في وش بعض) ان في منهم بيطلع عليه بعض اعراض مرض التوحد!! والموبايل بقى اهم من الاكل بياخده في كل حتة ...حتى التواليت...حتى سوني الله يكرمهم عملوا موبايل ضد المياة علشان لو حد حب يبص على الفيس وهوا بيستحمى ولا حاجة!!!
ريم اسامة
https://www.facebook.com/groups/329904227056535/
Zareefa awy, keep it up :D
ReplyDeletethanks for reading :) i'm glad u liked it :)
Deleteif you are not on the blog's group on facebook...the link is at the bottom of the article :)