كنت مستنية جوزي في العربية وبتفرج على اللى رايح واللى جاي قتلا للوقت....لقيت عربية وقفت قدامى ونزل منها ست وابنها...واضح من الكلام والسلامات ان واحدة صاحبتها موصلاهم البيت...وكان في شنط كتير معاها...ابنها ماشاء الله عليه...شحط...ناولها الحاجة اللى جنبه (كتر خيره تعب) وسابها تشيل كل الشنط لوحدها ... طلعت الكام درجة لباب العمارة وهوا كرم اخلاق منه رن على الانتركم ومحدش فتح لهم الباب...راحت الست سايبة الحاجة اللى في ايدها ودورت على المفتاح وطلعته وعدلت الشنطة وفتحت الباب ودخلت المفتاح تانى وشالت الشنط ودخلت العمارة...كل ده و راس الكرنبة بيتفرج عليها...دخل هوا وراها وزق الباب بقمة الاهمال وماتقفلش برضه علشان الزقة كانت هبلة شوية!!
لا اعرفه..ولا اعرفها...ولا هما يعرفوني...بس من مشهد مدتة دقيقتين استنتجت ان:
1- الواد واطي طبعا مش محتاجة كلام
2- الولد مهمل جدا - واضح من مشيته المتلكعة وزقته الغبية للباب التقيل
3- هيا دلعته زيادة
4- هيا شخصيتها ضعيفة...وملهاش كلمة عليه
5- نطع زي ابوه!! لو ابوه كان بيساعد امه في حاجة...كان اتهز وشال معاها ولا فتح على الاقل الباب...او اضعف الايمان كان قفل الباب عدل!!
الانسان بيفضح نفسه من غير ما ياخد باله...حاجات صغيرة بتدل على سمات الشخصية واعمقها...يعني مثلا زي مرة كنت في النادي وواحدة مع عيالها الاتنين نازلين حمام السباحة...العيال طلعت ...هيا كانت ماسكة لهم البشاكير...نشفوا نفسهم وكوروا البشاكير على كرسي و"جاعنين!!" (بيتكلموا بلهجة الامر)...وهيا ادهولت على عينها تعرض عليهم هيا جايبة ساندوتشات ايه علشان يختاروا منها...قاعدين بهوات وهيا عمالة تناول فيهم الاكل والشرب...واللى يقولها "جبتي كاتشاب؟" وهيا مجابتش راح مديها كلمة غبية زيه!
1- الجوز مش متعاونين
2- معوداهم انهم يتخدموا
3- القفل ابوهم كان قاعد ولا غضاضة اطلاقا
4- اوضتهم معفنة ومحدش بينضفها غيرها! هدومهم اللى محتاجة غسيل مرمية في كل حتة في الاوضة وتحت السرير وهيا بتوطي تجيبهم!!
5- لو في تي شيرت ولا شراب العيال عايزينه ولقوه مش موجود بيزعقوا لها!
6- الست دي محبطة تماما وضعيفة معاهم وحاسة ان عيارهم فلت ونفسها حد يساعدها بس خلاص بقى الوقت عدى انها تعيد تربيتهم! وواضح انها عارفة ان صنف التربية عندهم ناقص في السوق...بدليل انها كانت بتبص حواليها حد شايفهم وهما بيهزأوها ولا لا !
مرة برضه خرجت مع ناس كده وفي واحدة كانت جايبة ابنها معاها...وكنا هانتغدى...الولد مش بياكل...هوا بيحشر..مش بيستنى يبلع...هوا في فراغ جوا بؤه ومهمته ان كله يتملى اكل!! كورة في اليمين وكورة في الشمال وعينه هاتخرج من راسه لما "زور"...يخبط على ايد امه تصب له مياه...ويشرب مياة ويبرق اكتر!! ولما "الزورة" راحت - كمل حشر تانى مفيش اي مشاكل!!
1- واضح ان البيئة الاجتماعية منحطة شويتين...مفيش حد قاله عيب؟ هوا طفل...فاكيد شاف حد بيعمل كده (كل يوم) وبالتالي بقى زي ابوه او امه! ومفيش حد مثقف ومن بيئة اجتماعية محترمة بيعمل الفعل المقرف ده!! ومحدش يقولي ان كل واحد بياكل في بيته براحته! في فرق بين الراحة (زي انى اكل الفراخ بايدي مش بالسكينة والشوكة ) وبين القرف انى اكل برجلي!!!
2- الهانم صاحبتنا عاملة فيها بنت ناس! اصل فين التربية طيب؟ مفيش عيب؟ مفيش تبريقة عين حتى؟ لا خالص! بتتصرف عادي جدا ولا اكن في حاجة!!
زي اللى يشرب ويتكرع عادي كده وسط الناس!! دي حقارة طبعا وباينة جدا!
واللى بيلعب في مناخيرة او اللي تمسح مناخيرها في الخباثة في طرف الطارحة!
واللى يلعب في ودانة بضهر قلم
واللى تروح عند الناس ماترضاش تشرب حتى بؤ مياه متخيلة ان دي شياكة!! على فكرة عيب والله واللى علمها الاتيكيت قفا !
واللى بعد ما ياكل يطلع الاكل المحشور بصباعه!!!!
واللى ينخور في يبؤه بالخلة وبعدين يتف اللى طلع (انا عارفة ان في شوية ناس رجعت دلوقتي انا اسفة معلش بس اصلي مفقوع مرارتي)
واللى يقعد وسط الناس مبحلق في موبايله وماياخدش باله من الحديث!! التوحد مكانه البيت حضرتك - ممكن تمشي!
واللى تفضل تضغط على نقطة انها غنية وبنت ناس في كل الكلام!! حرام عليكي صحتك النفسية في خطر!!
يا ترى انا بعمل ايه مفضوح ومش واخدة بالي؟!!
مرة برضه خرجت مع ناس كده وفي واحدة كانت جايبة ابنها معاها...وكنا هانتغدى...الولد مش بياكل...هوا بيحشر..مش بيستنى يبلع...هوا في فراغ جوا بؤه ومهمته ان كله يتملى اكل!! كورة في اليمين وكورة في الشمال وعينه هاتخرج من راسه لما "زور"...يخبط على ايد امه تصب له مياه...ويشرب مياة ويبرق اكتر!! ولما "الزورة" راحت - كمل حشر تانى مفيش اي مشاكل!!
1- واضح ان البيئة الاجتماعية منحطة شويتين...مفيش حد قاله عيب؟ هوا طفل...فاكيد شاف حد بيعمل كده (كل يوم) وبالتالي بقى زي ابوه او امه! ومفيش حد مثقف ومن بيئة اجتماعية محترمة بيعمل الفعل المقرف ده!! ومحدش يقولي ان كل واحد بياكل في بيته براحته! في فرق بين الراحة (زي انى اكل الفراخ بايدي مش بالسكينة والشوكة ) وبين القرف انى اكل برجلي!!!
2- الهانم صاحبتنا عاملة فيها بنت ناس! اصل فين التربية طيب؟ مفيش عيب؟ مفيش تبريقة عين حتى؟ لا خالص! بتتصرف عادي جدا ولا اكن في حاجة!!
زي اللى يشرب ويتكرع عادي كده وسط الناس!! دي حقارة طبعا وباينة جدا!
واللى بيلعب في مناخيرة او اللي تمسح مناخيرها في الخباثة في طرف الطارحة!
واللى يلعب في ودانة بضهر قلم
واللى تروح عند الناس ماترضاش تشرب حتى بؤ مياه متخيلة ان دي شياكة!! على فكرة عيب والله واللى علمها الاتيكيت قفا !
واللى بعد ما ياكل يطلع الاكل المحشور بصباعه!!!!
واللى ينخور في يبؤه بالخلة وبعدين يتف اللى طلع (انا عارفة ان في شوية ناس رجعت دلوقتي انا اسفة معلش بس اصلي مفقوع مرارتي)
واللى يقعد وسط الناس مبحلق في موبايله وماياخدش باله من الحديث!! التوحد مكانه البيت حضرتك - ممكن تمشي!
واللى تفضل تضغط على نقطة انها غنية وبنت ناس في كل الكلام!! حرام عليكي صحتك النفسية في خطر!!
يا ترى انا بعمل ايه مفضوح ومش واخدة بالي؟!!
النقد لمُجرد النقد انا مش بحبّة
ReplyDeleteمن وجهة نظرك طالما الامور دي إنتي شايفاها غلط ، إنقلي وجهة نظرك في مُعالجتها ، و طُرق تصرفك معاها ، لإن كذا مقالة ورا بعض نقد و طرح أفكار سلبية لمُجرد تسليط الضوء عليها بدون طريقة لمُعالجتها بتنقل طاقة سلبية و خلاص ..!
--
و لحقتي نفسك في اخر جُملة :)
مش قصدي طبعا انقل طاقة سلبية لاي حد اطلاقا :) المدونة كلها ساخرة وان كنت بنتقد في الراجل مثلا اهتمامة بالموبايل او اللى بيحصل بين السلايف و الحماة ومرات ابنها اوالخيانةاونلاين...مش بعفي نفسي من التعرض للمواقف دي
Deleteوكمان مش بقول انى فوق الكلام ده ...وممكن نعتبره وجهة نظر من ذاوية واحدة...انا اعترف انى غير محايدة اطلاقا...ولكن اخر حاجة اقصدها هي نقل الطاقة السلبية:)
لما بيكون في حل بحاول اطرحه - فعلا مش كل مقال ولكن في مقالة "التربية النفسية" طرحت المشكلة وحلها
Deleteومقالة "خد من التل يختل"
وكمان "طنط احبطهم ودمر معنوياتهم"
لما بيكون في مجال او عندي انا شخصيا حل ...بقوله...غير كده بكتفي بطرح الموضوع واسيبه مفتوح للناس :)
للأسف المقال مش ساخر نهائي
Deleteالمقال نقد لاذع من الدرجة الأولي ، لو كان فية فعلاً بعض النكات او لقطة مُضحكة ، كان خفف من حِدة النقد شوية
و كان خليتة مهضووم
--
ردي مش هجوم عليكِ و لكِنة ، إعتراض علي طريقة عرض لنوع مقالات لم تروق لي
شكرا للقراءة والاهتمام بالعليق :)
Deleteساحاول تخفيف حدة النقد ان شاء الله :)
بصراحه انا ليا وجهة نظر مختلفه شويه
ReplyDeleteانا شايف انك متحامله علي الام شوية في المقاله دي بسبب تربيتها الغلط لولادها بس انا شايف ان الاب مسئول بطريقه مباشره عن اللي بيعمله اولاده
الست بتستمد قوتها في تربيه اولادها من ابوهم
انا فاكر زمان ان والدتي الله يرحمها طلعتلي في البلكونه علشان تندهه عليا وانا بلعب في الشارع ندهت عليا مرة مردتش عليها"عيل قليل الادب مش مهم" لكن بعدها بدقيقتين لقيت والدي الله يرحمه واقف في البلكونه وهيا بصه واحده بس كانت كفيله اني اطلع البيت حالا وخدت علقه بنت ستين كلب علشان امي ندهت عليا وانا مردتش ومن ساعتها بقيت كل نص ساعه اروح لماما اسألها انتي ندهتي عليا؟ ولغاية دلوقت فاكر والدي برغم انه كان ضابط جيش ومتعود علي الشخط والزعيق الا انه في البيت كان بيساعد في مذاكرتنا وفاكر انه اول يوم ليا في المدرسه جاب ورنيش وعلمني ازاي انضف الجزمة بتاعتي والمعها ومن ساعتها لو شافني رايح المدرسة وجزمتي مش نظيفه يبقي يومي اسود من الهباب وياسلام بقي لو اتخبطت في دماغي في مرة وامي طلب مني طلب وقولتلها اشمعني انا يبقي يوم مش فايت كان عنده كلمة اشمعني رجسٌ من عمل الشيطان
اللي عاوز اقوله ان في مواقف صغيرة بتحصل في البيت وبيشارك فيها الاب بحزم هيا اللي بتكون شخصية الابناء بس للاسف الابهات مش بياخدوا بالهم منها
ربنا يرحم والدك ووالدتك - والدي برده ضابط جيش على فكرة وبيساعد لما امى كانت بتتعب وموضوع الجزم اللى مش متلمعة خد من حياتنا فاصل :) والضوافر..والشعر لازم يكون بيلمع ومغسول
Deleteربنا يخليه ويديله الصحة يا رب
بابا كان بيذاكر لنا وكان بيخرجنا ويعلمنا حاجات جديدة ويجرب معانا كل حاجة تنفع تبقى هواية علشان نطلع لينا هواياتنا
بابا جرب معانا الشطرنج والقراءة والموسيقى والبازل والاشغال الخشب بالمنشار والاركيت وتلوين الزجاج والرسم وكان بيزعل اوي لو حد فينا اهمل في كتاب...وكان بيقولي دايما حاجتين مش خسارة ابدا فيهم الفلوس: الصحة والعلم!
بابا هو الاصل في التربية ولكن الايام دي لا
الراجل بيكبر دماغه
عندها اصحابه والقهوة والبلايستيشن اهم
وطبعا مش هاننكر ان الحياة بقت صعبة جدا والتفكير في تدبير المعيشة بياخد من حياتنا كتييييير اوي اوي اوي
فالراجل دلوقتي ساب البيت باللي فيه للست - مسئولية كل حاجة فيه والعيال للست
وهوا بيفكر ازاي يدبر المعيشة للبيت ويوفر لهم اللازم للحياة
معلش طولت عليك :)
ههههههههههههههه فكرتيني بظاول دور شطرنج العبه مع والدي اكن عندي 7 سنين الملك بتاعي مات من رابع خطوه قام جايب طرحه سودا وحطها علي الملك وخلي اختي تصوت "وانا اعيييييييييييييييييط" ومن ساعتها بلعب اي دور شطرنج كاني بحافظ علي حياة انسان مش ملك شطرنج.
ReplyDeleteاما بالنسبه ان الظروف اتغيرت والاب بيعافر علشان لقمة العيش دلوقت وبيشتغل اكتر من شغلانه طبعا كلام سليم وربنا يكون في عونه بس في حاجات فلوس الدنيا متعوضهاش الحاجات دي لو متنميتش في العيل وهو صغير يبقي عليه العوض وللاسف مفيش احسن من الاب هو اللي يزرع الحاجات دي جواه
ده حقيقي فعلا - ربنا يستر على العيال كلها ويهدي الرجالة كلها
Deleteانا بقول نقرا لباباك الفاتحة ومامتك كما ن
انا هابدا الاول
ربنا يجعل مثواهم الجنة
ربنا يرحمهم جميعاً ويخليلي امي ويطول عمرها
ReplyDeleteانا اسفة - انا كنت فاكرة والدتك متوفية - اصلك قلت في اول كومنت والدتي رحمها الله
Deleteربنا يخليها لك ويبارك لك في عمرها ويديها الصحة
خطأ مطبعي معلش
Deleteربنا يخليهالي ويسعدها دايما يارب
حلوة قوي المقالة ياريم وعجبتني جدا وهي اكيد ساخرة ومش لازم تكوني بتتكلمي من واقع تجربة شخصية علشان تكون واقعية. بس هو ده فعلا حال على الأقل 80 من الرجالة المصريين للأسف
ReplyDeleteشكرا يا ريهام:))
Deleteما خلاص الرجالة شالت ايدها من التربية وسايبين كله على الست ولما العيال تطلع قليلة الادب هيا اللى تتهم انها مقصرة في دورها!!!
مجمع غريب والله
المقالة ساخرة جدا وتحفة ما شاء الله عليكى انا فخورة ان ليا اخت موهوبة كدة :) ومش لازم كل اللى بيحاول يطرح موضوع يكون عارف الحل ومش شايفة اى افكار سلبية خالص بالعكس ده واقع شايفينه وبنعانى منه.... مها :)
ReplyDeleteشكرا يا ميهو:)) انتى طبعا عارفة مين اخر مثال صح؟ :))
Delete