النهاردة هاتكلم عن حاجة مشتركة جدا بينا كلنا - بنحتاجها كل يوم كذا مرة - والحاجة دي هي: الحمَام!!
كلمة حمَام ليها مفردات مختلفة على حسب المستوى الاجتماعي...ومنها: الحمَام - التواليت - الكابينيه - الكنيف - دورة (درت - بضم الدال) المياة...كلها مفردات لبيت الراحة!
في ناس شايفة ان مستوى نضافة البيت بيتقاس بنضافة الحمام...وفي ناس مش بيفرق معاهم اصلا بما انهم بيناموا على سرير او "فرشة" نضيفة! كل حسب بيئته
في ناس لما يجيلها ضيوف ترص الحمام بطريقة مختلفة ومخصوصة- يعنى صابونة غالية ....شاور جيل غاالي وماركة على البانيو...مع الشامبو طبعا الغالي جدا... ولما محتويات الزجاجات او العبوات الغالية بتخلص...بيعيدوا ملئها من منتجات عادية رخيصة..يعنى حد هايفتش وراهم؟!...وضروري طبعا الروب الغالي اللى متلبسش غير في شهر العسل! ومع الفوطة الشيك المطرزة ومفيش مانع ابدا من فرش الحمام قبل ما الضيوف يدخلوا (ما اصل الحمام ده عالم لوحده - وفرش الحمام الغالي للضيوف...والفوط القديمة اللى في الارض لاهل البيت!!!!).
الحمام بالنسبة للرجال غير بالنسبة للست...الستاللى عندها اطفال بتدخل الحمام علشان لو مدخلتش ممكن تعمل كارثة في البيت وفضيحة لنفسها! فتدخل بسرعة وتلحق تقفل الباب قبل ما الفتافيت عيالها يدخلوا معاها - اصل في عيال كده ماشيين في ضل امهم...واول ما الباب يتقفل يبدأ اوركيسترا الزن متلازم مع التخبيط ..والتخبيط يزيد ولو الطفل كبير شوية بيضرب الباب بالشلاليت علشان تفتح! طيب يعنى بجد ادمية دي؟ ده ابسط حقوق الحيوان هو قضاء الحاجة!! الانسان يعمل ايه بقى؟؟!!
الراجل يدخل الحمام تحت دراعه جرنال...مجلة...الموبايل طبعا هوا الاكثر انتشارا دلوقتي في الحمامات...او التاب tab.
لو البيت فيه اكثر من حمام بتكون راحة رهيبة لست البيت...بعد فترة من الوقت بنلاقي ان في حمام للعيال لوحدهم وحمام للكبار...حمام العيال مفيهوش اي حاجة ممكن تبوظ او تتكسر او تجرح او تجيب تسمم..يعنى مفيش ماكينة حلاقة ولا معجون اسنان قريب من ايدهم علشان هايبلعوه...ولا ازايز شامبو ولامنظفات ولا مطهرات ولا معطر للجو...وطبعا ممنوع تماما وجود فرشاة التواليت!! حمام الاطفال فيه صابونة يتيمة للعيال وقاعدة تواليت صغيرة والارض قرعة!وعلى العكس حمام الكبار.
لو في اوضتك حمام خصوصي يبقى يا بختك يا هناكي يا سعدك يا حظك ...تقدري تحطي كل حاجة فيه ومن غير ما تعملي حساب حد من الصغيرين اللى في البيت. وممكن كمان تقفلي باب الاوضة بالمفتاح او الترباس وبعدين تدخلي تقفلي باب الحمام...فبالتالي التخبيط هايبعد بابين عن ودانك مش باب واحد!
الحمام كله فوايد بصراحة! هو مكان للراحة....والهروب!! الست كتير جدا بتهرب من زن العيال في الحمام - تاخد معاها مجلة مسلية ولا حتى ميكي تفصل شوية عن العيال او الموبايل وتدخل منه على النت او ترغى مع اى حد على الواتساب- تقعد على حرف البانيو تقرا وتشرب لها ازازة بيبسي ولا علبة عصير - اه بتشرب في الحمام لان مفيش مكان تانى تقدر تشرب فيه براحتها!! وكيس شيبسي صغير كده ولا حتى شيكولاتايه! ما دي زي السيجارة عند الرجالة! الشيكولاته بتهدي وبتدينا طاقة واعصاب نكمل اليوم!! وبعدين مكان للكئابة برضه - اول ما تدخل الحمام تبص في المراية تشوف ظهر عليها علامات العجز ولا لسه!! مكان اكتشاف الشعر الابيض هو الحمام...مكان اكتشاف الدمامل والفسافيس اللى بتطلع في الوش من النرفزة او من كتر الشيكولاته اللى بتتاكل في السر!
لما الست تحب تحس انها بتنضف بيتها - اول حاجة بتعملها لو هيا مش قادرة تنضف هو تنضيف الحمام...اسهل حاجة...شوية صابون او منظف في الارض..دعكتين بالفرشاة...مياة...زيح المياة - بقى حمام نضيف زي الفل!! مفيش مانع من دعكتين سلك في الحوض والبانيو وضربتين فرشاه في التواليت!! بقى حمامك جميل ونضيف وريحته حلوة - وبكده تقدري تشربي البيبسي براحتك!
لو معندكيش غير حمام واحد بس...اقترح عليكى تقلبى المطبخ حمام...هاترتاحى وكمان مش هاتطبخى :)
ريم اسامة
https://www.facebook.com/groups/329904227056535/
الحمام بالنسبة للرجال غير بالنسبة للست...الستاللى عندها اطفال بتدخل الحمام علشان لو مدخلتش ممكن تعمل كارثة في البيت وفضيحة لنفسها! فتدخل بسرعة وتلحق تقفل الباب قبل ما الفتافيت عيالها يدخلوا معاها - اصل في عيال كده ماشيين في ضل امهم...واول ما الباب يتقفل يبدأ اوركيسترا الزن متلازم مع التخبيط ..والتخبيط يزيد ولو الطفل كبير شوية بيضرب الباب بالشلاليت علشان تفتح! طيب يعنى بجد ادمية دي؟ ده ابسط حقوق الحيوان هو قضاء الحاجة!! الانسان يعمل ايه بقى؟؟!!
الراجل يدخل الحمام تحت دراعه جرنال...مجلة...الموبايل طبعا هوا الاكثر انتشارا دلوقتي في الحمامات...او التاب tab.
لو البيت فيه اكثر من حمام بتكون راحة رهيبة لست البيت...بعد فترة من الوقت بنلاقي ان في حمام للعيال لوحدهم وحمام للكبار...حمام العيال مفيهوش اي حاجة ممكن تبوظ او تتكسر او تجرح او تجيب تسمم..يعنى مفيش ماكينة حلاقة ولا معجون اسنان قريب من ايدهم علشان هايبلعوه...ولا ازايز شامبو ولامنظفات ولا مطهرات ولا معطر للجو...وطبعا ممنوع تماما وجود فرشاة التواليت!! حمام الاطفال فيه صابونة يتيمة للعيال وقاعدة تواليت صغيرة والارض قرعة!وعلى العكس حمام الكبار.
لو في اوضتك حمام خصوصي يبقى يا بختك يا هناكي يا سعدك يا حظك ...تقدري تحطي كل حاجة فيه ومن غير ما تعملي حساب حد من الصغيرين اللى في البيت. وممكن كمان تقفلي باب الاوضة بالمفتاح او الترباس وبعدين تدخلي تقفلي باب الحمام...فبالتالي التخبيط هايبعد بابين عن ودانك مش باب واحد!
الحمام كله فوايد بصراحة! هو مكان للراحة....والهروب!! الست كتير جدا بتهرب من زن العيال في الحمام - تاخد معاها مجلة مسلية ولا حتى ميكي تفصل شوية عن العيال او الموبايل وتدخل منه على النت او ترغى مع اى حد على الواتساب- تقعد على حرف البانيو تقرا وتشرب لها ازازة بيبسي ولا علبة عصير - اه بتشرب في الحمام لان مفيش مكان تانى تقدر تشرب فيه براحتها!! وكيس شيبسي صغير كده ولا حتى شيكولاتايه! ما دي زي السيجارة عند الرجالة! الشيكولاته بتهدي وبتدينا طاقة واعصاب نكمل اليوم!! وبعدين مكان للكئابة برضه - اول ما تدخل الحمام تبص في المراية تشوف ظهر عليها علامات العجز ولا لسه!! مكان اكتشاف الشعر الابيض هو الحمام...مكان اكتشاف الدمامل والفسافيس اللى بتطلع في الوش من النرفزة او من كتر الشيكولاته اللى بتتاكل في السر!
لما الست تحب تحس انها بتنضف بيتها - اول حاجة بتعملها لو هيا مش قادرة تنضف هو تنضيف الحمام...اسهل حاجة...شوية صابون او منظف في الارض..دعكتين بالفرشاة...مياة...زيح المياة - بقى حمام نضيف زي الفل!! مفيش مانع من دعكتين سلك في الحوض والبانيو وضربتين فرشاه في التواليت!! بقى حمامك جميل ونضيف وريحته حلوة - وبكده تقدري تشربي البيبسي براحتك!
لو معندكيش غير حمام واحد بس...اقترح عليكى تقلبى المطبخ حمام...هاترتاحى وكمان مش هاتطبخى :)
ريم اسامة
https://www.facebook.com/groups/329904227056535/
No comments:
Post a Comment