ناس كتير مرتبط بحاجات معينة كده علشان تفضل في موود كويس...واحيانا كتير بتقلب بادمان...وانا مش بتكلم طبعا عن المخدرات وخلافه (ربنا يبعد عن الناس كلها القرف ده)...ولكن عن العادات السيئة جداا اللى الانسان مش بيقدر يتخلى عنها!
واشهرهم التدخين طبعا.
ايه اللي يخلي راجل محترم طول بعرض يقف مذلول في المطبخ تحت الشفاط؟؟ علشان سيجارة؟ واللى يقف لابس "ترينك" البيت وشبشب في مدخل العمارة في الشتا ...واللى واقف بالفانلة في البلكونة...كل ده علشان سيجارة؟! ما مراته منبهة عليه مفيش دخان جوا الشقة علشان العيال والحساسية وهيا بتقرف من الريحة. ياااه يا جدع!! للدرجة دي ممكن الواحد يتنازل علشان الكيف؟!
واللى يقعد قفاه بيلسعه من البرد وصوابع رجله تنمل وتزرَق وتوجعه وارنبة مناخيرة تبقى في لون الدم من التلج في الشتا على القهوة ...علشان حجر شيشة ودور طاولاة!! ليه طيب؟ وليه الذل والتعب ده؟
وفي الحر يستحمل التلزيق والناموس لنفس السبب!! سبحان الله !! مع انه مش ممكن يستحمل الحر والناموس علشان يصلح عربية ابوه مثلا!
والبنت اللى تستحمل حبوب الشباب في سبيل الشيكولاته! وتستحمل الغسول والكريمات والمراهم وخلافه علشان تاكل شيكولاته برضه !!
واللى معندوش اي مشكلة انه يفضل ياخد في دوا الضغط علشان مصمم برضه على مج القهوة الصباحي (او عدد لا بألأس به من فناجين القهوة طول اليوم!) ...طيب ما انت مريض يا عم الحاج...ارحم نفسك بلاش قهوة ....يرد ويقول ما انا بشرب كركادية علشان يظبط!!!
ونفس الموضوع على الناس اللى مش بتعرف تاكل غير وجنب الاكل مخلل حراق او اضعف الايمان فلفل حامي! وكلمتهم الشهيرة "معرفش اكل غير كده"...طيب ما انت مش بتعرف تقعد من البواسير!! ليه تعمل في نفسك كده؟
ودي الحاجات المتعلقة بالاكل والشرب...في بقى حاجات تانية زي الفيسبوك مثلا! بجد والله انا شفت كذا مرة ناس ماسكين الموبايل وفاتحين الفيس بوك (وواضح من لون الصفحة) وهما سايقين!! بيعرض حياته وحياة غيره لخطر علشان يشوف مين عمله لايك!! طيب انت كيفك كده انت حر - روح في داهية...غيرك ذنبه ايه؟؟؟؟ التعلق الزائد بالموبايلات ظاهرة رهيبة ... تلاقي شلة خارجة مع بعض وكلهم ساكتين!! كل واحد ماسك الموبايل في ايد وفي الايد التانية المشروب او سيجارة !! طيب خارجين ليه؟؟ مرة كنت في موول وواحدة ماشي وفي ايدها الtab وكانت والله هاتخبط في عامود :))) خلاص؟ حبك؟ لازم وهيا ماشية تشوف الفيسبوك!! خارجة ليه يا ست طيب ما تخليكي في بيتكوا وشوفيه براحتك!! وبعدين من امتى؟ الله يرحم لما كنا في المدرسة واللى معاه الة حاسبة كان يبقى ابوه حرامي او مرتشي!!
الانسان بيستحمل حاجات سخيفة جدا علشان كيفه يتظبط! الراجل بيصرف كتير اوي على التدخين وكتير من وقته علشانه وممكن جدا يبوظ خروجات لو رايحين مكان ممنوع فيه التدخين او مفيهوش شيشة!! الفلوس دي بيتك اولى بيها ...او ممكن تجيب بيهم هدوم او حتى تحط بنزين في العربية!! بس انت بتضيع فلوسك في : دخان وحرق الرئة!
واللى بيشرب قهوة كتير ده ماهو انت بتصرف ادوية ودكتور وتعب وعدم نوم وصداع من القهوة دي!!! طيب ابو بواسير ده...مش عارفة اقولك ايه بس حرام عليك نفسك...فعلا!!
وبعدين الفيسبوك مش هايطير والله...هايفضل زي ماهوا مكانه بالعكس هايزيد ولما تروحي البيت هاتلاقي الnotifications اكتر بكتير وهاتنبسطي يعنى :)))
انا شخصيا اللى متعلقة بيه جدا...مش هاقلكوا :) شكلي هايبقى وحش اوي وانا عمالة اعظ في الناس وانا شخصيا لا اتعظ :)))
ريم اسامة
https://www.facebook.com/groups/329904227056535/
واللى يقعد قفاه بيلسعه من البرد وصوابع رجله تنمل وتزرَق وتوجعه وارنبة مناخيرة تبقى في لون الدم من التلج في الشتا على القهوة ...علشان حجر شيشة ودور طاولاة!! ليه طيب؟ وليه الذل والتعب ده؟
وفي الحر يستحمل التلزيق والناموس لنفس السبب!! سبحان الله !! مع انه مش ممكن يستحمل الحر والناموس علشان يصلح عربية ابوه مثلا!
والبنت اللى تستحمل حبوب الشباب في سبيل الشيكولاته! وتستحمل الغسول والكريمات والمراهم وخلافه علشان تاكل شيكولاته برضه !!
واللى معندوش اي مشكلة انه يفضل ياخد في دوا الضغط علشان مصمم برضه على مج القهوة الصباحي (او عدد لا بألأس به من فناجين القهوة طول اليوم!) ...طيب ما انت مريض يا عم الحاج...ارحم نفسك بلاش قهوة ....يرد ويقول ما انا بشرب كركادية علشان يظبط!!!
ونفس الموضوع على الناس اللى مش بتعرف تاكل غير وجنب الاكل مخلل حراق او اضعف الايمان فلفل حامي! وكلمتهم الشهيرة "معرفش اكل غير كده"...طيب ما انت مش بتعرف تقعد من البواسير!! ليه تعمل في نفسك كده؟
ودي الحاجات المتعلقة بالاكل والشرب...في بقى حاجات تانية زي الفيسبوك مثلا! بجد والله انا شفت كذا مرة ناس ماسكين الموبايل وفاتحين الفيس بوك (وواضح من لون الصفحة) وهما سايقين!! بيعرض حياته وحياة غيره لخطر علشان يشوف مين عمله لايك!! طيب انت كيفك كده انت حر - روح في داهية...غيرك ذنبه ايه؟؟؟؟ التعلق الزائد بالموبايلات ظاهرة رهيبة ... تلاقي شلة خارجة مع بعض وكلهم ساكتين!! كل واحد ماسك الموبايل في ايد وفي الايد التانية المشروب او سيجارة !! طيب خارجين ليه؟؟ مرة كنت في موول وواحدة ماشي وفي ايدها الtab وكانت والله هاتخبط في عامود :))) خلاص؟ حبك؟ لازم وهيا ماشية تشوف الفيسبوك!! خارجة ليه يا ست طيب ما تخليكي في بيتكوا وشوفيه براحتك!! وبعدين من امتى؟ الله يرحم لما كنا في المدرسة واللى معاه الة حاسبة كان يبقى ابوه حرامي او مرتشي!!
الانسان بيستحمل حاجات سخيفة جدا علشان كيفه يتظبط! الراجل بيصرف كتير اوي على التدخين وكتير من وقته علشانه وممكن جدا يبوظ خروجات لو رايحين مكان ممنوع فيه التدخين او مفيهوش شيشة!! الفلوس دي بيتك اولى بيها ...او ممكن تجيب بيهم هدوم او حتى تحط بنزين في العربية!! بس انت بتضيع فلوسك في : دخان وحرق الرئة!
واللى بيشرب قهوة كتير ده ماهو انت بتصرف ادوية ودكتور وتعب وعدم نوم وصداع من القهوة دي!!! طيب ابو بواسير ده...مش عارفة اقولك ايه بس حرام عليك نفسك...فعلا!!
وبعدين الفيسبوك مش هايطير والله...هايفضل زي ماهوا مكانه بالعكس هايزيد ولما تروحي البيت هاتلاقي الnotifications اكتر بكتير وهاتنبسطي يعنى :)))
انا شخصيا اللى متعلقة بيه جدا...مش هاقلكوا :) شكلي هايبقى وحش اوي وانا عمالة اعظ في الناس وانا شخصيا لا اتعظ :)))
ريم اسامة
https://www.facebook.com/groups/329904227056535/
No comments:
Post a Comment